بـــــــــــــــــــــــــــــارت [13]

وليد : بس 10 دقايق ثم ترجع .. اتفقنا ...
حنان : أي طيب لا تخااف ما رح انام بالحصه ...
وليد : هههههههه و تنكت بعد ....
سكتوا فجأه .....
حنان : مو قلت تبي تدردش يلاا ..
وليد ابتسم : ضااعت كل السوالف ...
حنان : هههههه يعني ما عندك سالفه ..
وليد : تقدر تقول ...
حنان تفكر باللي صار لها اليوم فجأه : هئئئئئئئئئئئئئئئئئئئئئئئئ يا ويلي ويلاه ..
وليد باستغراب : بسم الله خيييييييير !
حنان ارتبكت : معليش بروح انام ...
وليد رفع حاجب : كذا فجأه ؟!
حنان بدا التوتر : تذكرت شي لازم اسويه .. يلااا تصبح على خير ..
وليد : اوكيه و انت من اهله ..
راحت ركض على غرفتها و وليد مو فاهم شي و مستغرب منها ..
قعدت على سريرها تفكر : انااا وش سوييييييت اناا غبييييييه غبييييييييه من اولهاااا خربت ام الموضوع كيف اقوله ان اسمي حمد (تقصد مشاري بالمطعم) .. وش اسوي اللحين وش اسوي .. لو يدري وليد و لا فصييييل اني خبصت لا تروح علي ... ياااا ربييييييييييييييه ! .... والله اني خايفه اش بسوي بكره .. لقيتهاااااااا ! .. مالي الا عمار بكلمه ينقذني من الموقف ... ودي اكفخ نفسي ودي و الله اني استاهل التكفيخ ... واللحين اكيد من الخوف ما رح يجيني نووووم اهئ اهئ ....
فعلا من التفكير ما جاها نوووم .....

عند العنود و شهد .....
شهد : اللي صار اليوم .... شي مره يخوف عشت رعب صراحه ..
العنود : ههههه أي والله .. بس كانت مغامره حلوه ....
شهد : أي مغااامره حلوووه ؟! بغيت اموت تقولين لي حلوه !
العنود : هههههههههه لا لاتخافي ما رح تموتي ...
شهد : اصلا كله من اصايل ما تبطل حركاتهااا ..
العنود : عااد هذي خويتنا وش نسوي فيها ! ..
شهد : من جد ...
العنود : خليهااا اكيد بعد اللي صار اليوم تاابت ..
بعد تردد سألت ....
شهد : اخوك بالبيت ؟
العنود ابتسمت : تبين اروح اشوفه لك ؟
شهد : لا لا كنت اسأل لا اكثر ..
العنود : و انا قلت شي !
شهد لا رد
راحت العنود للبلكون تشم هوى ......
العنود : ترى الجو من البلكون اللي عندي مرررره جمييل خصوصا بالليل ..
اول ما طلت ع الحديقه .. ابتسمت لشهد ابتسامه عريضه ...
شهد باستغراب : وش سر الابتسامه الحلوه هذي اكيد شايفه شي انتي !
العنود : ما رح تصدقي الحبيب هنا ههههههه ..
شهد بغباء : مين حبيبك خالد ؟!
العنود تنهدت : يا ليته هوووو ..... يا الغبيه نوااافوووه هنا قاعد بالحديقه تعالي شوفيه ..
شهد : امااااا ووووينه ...
راحت ركض تطل من البلكون .....
كان قاعد و معطيهم ظهره ...
شهد بدون ما تحس بنفسها : ياا لببببه قلبي انااااااا ...
العنود : اوووووووه بانت حقيقتك يا شهوووده تحبينه هااااه اعترفي ما تقدري تصرفي ذي المره سمعتك بإذني ...
شهد : وش اقولك .. يعني .. من زمان احبه بس ساكته ...
العنود : طيب ليه كان قلتي لي و انا بساعدك ..
شهد : خفت يكون في بباله احد و اكون حبيته ع الفاضي ...
العنود : لا يا قلبي حتى لو فيه ما رح اسمح يكون لغيرك ...
شهد استانست : جد ؟!
العنود : اكييييييد ما رح ألقى احسن منك لأخوي ..
شهد : يا بعد كل هلي يا عنوووده ...
العنود : هههههه كل ذا عشانه ...
شهد استحت ....
العنود : ياا فديت اللي يستحي يا ناس .. بس تدرين شي حلو انا احب خالد اخو اصايل و انتي تحبي نواف اخوي .. واااااااااو ..
شهد : اسمعي الموضوع هذا خليه بيني و بينك لا احد يدري عنه خاصه اصايل ...
العنود : طيب ليييييييييه ؟! تراه عادي ...
شهد : لا ما ابي تكفيييين ...
العنود : اوكيه اوكيه ما بيصير الا اللي تبينه ...
شهد .. اوك اتفقنا ..
العنود : وش رايك انادي نواف .. باين عليه سرحان بذا الجوال ..
شهد : تنادينه ليه ؟! خليه يمكن حاب يقعد مع نفسه شوي ...
العنود ابتسمت بخبث : عناد فيك بناديه ....
شهد : هئئ وش بتقولين له ...
العنود : صبرك علي ..... ( ثم قامت تصرخ بأعلى صوت ) نوووووووووووووواااااااااااااااااااااااف ...
نواف لف بسرعه عليها هذي العنود وش تبي : وش تبيييييييييييييين ؟!
العنود : لا بس بسأل ليش قاعد لحالك ؟
نواف : تراك صحيتي كل اللي بالبيت لا تصارخي اذا تبين تكلميني انزلي هنا ..
العنود ناظرت شهد : لااا ما اقدر شهوووده بنت عمتي عندي ...
نواف : اهااا ... طيب اذا تبين شي كلميني بجوالي ..
العنود : لااا سلامتك بس بغيت اشوف وش تسوي ...
نواف : قاعد اشم هوى بس ...
العنود : اوووكيه خذ راحتك ....
ثم رجعت لشهد ...
شهد بارتباك : و هو يتكلم مااا قدرت اتحمل ...
العنود : لييييهه صوته شين ؟!
شهد : لااااا حراااام عليك صوته يجنن بغى يغمى علي ..
العنود : اوووووخص شهوووده حالتك صعبه .. اقولك امشي خلينا ننام بس ..
شهد : تيب ..

نواف كان قاعد بالحديقه يفكر و يفكر و ساعات يناظر صورته هو و حمد يفكر بكل اللي صار معهم بهاليوم الطويل ...
نواف انا لازم ادرس بمدرسة حمد ماني مرتاح بصراحه وذاك الآدمي ( يقصد مشاري ) وجهه ما يبشر بخير والله ان سوى شي لحمد ما برحمه .. ( تنهد ) و اذا ؟! ... مره ثانيه رجعت اتدخل .. لا بس حمد صار صديقي اللحين ... صح لازم احميه و ادافع عنه .... متحمس اروح مدرستهم اول مره بدخل مدرسه حكوميه و بتعرف على شباب جدد .. شي حلوو ..

في صباح يوم الاحد .. ما جاها نوم قعدت من الساعه 5 الصباح ...خذت شاور و لبست و جهزت حالهااا ...
حنان الله يستر وش بيصير اليوم ... ماني مرتاااحه و خااايفه .. اهم شي فيصل لا يدري اني خبصت ما غير اروووح فيهااا ...
وقفت قدااام مرايتها ... كانت لابسه الثوب و من فوقه جاكيت و شعرها مسرحته عادي و من فوقه شماغ طلعت مررررره كشخه و تلفت ....
حنان الجاكيتات ايام البرد تساعدني كثير اخفي صدري بس بالحر وش السواة ؟! ....... لااا اصلا من زيني صدري صغير و يسااااعد اوووووف يعني الشين شين .....
صحى فيصل من النوم : حممد اذن الفجر ؟َ!
حنان ما برد عليه نسى اني زعلانه منه ....
فيصل قعد و تعدل وشوي عصب : اسألك انا اذن و لا لا ؟
حنان اخاف يعصب علي خل ارد : أي اذن من زمان ...
فيصل قام من سريره : ورى ما قعدتني ؟!
حنان لا رد ...
طنشها و راح للحمام -الله يكرمكم- توضأ و طلع يصلي ....
حنان و انا اللحين اش اسوي الى ان يجي وقت الدوام .... احس من التوتر بيوقف قلبي ... خل اروح المطبخ اسوي لي فطور يمكن يروح ذا التوتر ... اه بس انا لبست و صرت جاهزه اخاف اتوسخ ..... لكن احس اني جوعانه ... والله ليش ما اطلب من المطعم اللي تحت ! .. يلااا عساه فاتح ..
دقت و طلبت لها و بعد ربع ساعه وصل فطورها .... فيصل صلى و رجع ... راح لبس و جهز نفسه للدوام ...
حنان غريييب جهز حاله اللحين يعني ما رح ينام ؟! .. باقي بدري على الدوام .. ودي اسأله بس كبريائي ما يسمح .. انا اللحين زعلانه منه ..
فيصل : الفطور اللي برى انت اللي طلبته ؟
حنان لا رد ....
فيصل : وش فيك حاقرني اليوم ؟
حنان لا رد ...
فيصل ليكوووون عشان اللي صار امس .. لا حووول لسا شايله علي ..
حنان بعد ما وصل الفطور حطته ع الطاوله برى و قالت تتمدد شوي ع سريرها الى ان تصير الساعه 6 ثم تفطر ...
فيصل : سألتك الفطور اللي برى لك و لا ؟
حنان لا رد ....
فيصل : كيفك بس بغيت اقولك ان وليد اكله ....
حنان قامت : اييييييييييييش ؟!
طلعت برى بسرعه ....
وليد : الحمد لله الاكل مررره اوكيه ....
حنان بصدمه : هذاااا فطووووووري ...!
وليد : اوووه فطورك ما كنت ادري معليش بس كنت جوعان ...
فيصل كان يتابع الموقف من ورى الباب .. ما كان يدري ؟!
حنان اه يا قلبي لعيونك يهون الجوع و اهله : خلااااص عواافي على قلبك ..
وليد : الله يعافيك حموود ...
فيصل انا متأكد لو انه انا اللي ماكله كان سوت لي سالفه .....
لما رجعت للغرفه ......
فيصل : تراه كذاااب يدري ان الاكل لك .. انا سألته الاكل لمين قال اذا مو لك اكيد لحمد بس لاني جوعان باكله و ما يهمني ...
حنان اماااا يدري .. اش اللي قاااعد يصير وليد يكذب بشي تافه .. لا لا ما رح ادقق خلاااص مو لازم عادي اكل و اكله ....
فيصل : المهم لا تكشخ زي امس ... الكل كان يناظرك ...
حنان لا رد ...
فيصل ارتفع ضغطه و صارخ : لا تنطشني كذا و لا قسم بالله .........
حنان هئئئ شكله بيضربني صدق ....
فيصل : اكلمك انا .....
ناداها وليد من برى : حمممممممممد !
حنان على طول ردت : نععععععم !
فيصل انقهر و هو واصل حده اصلا : حمد ( ناظرها .. و طراااااااخ كف أليم على خدهاا ) ...
حنان ما استووووعبت مصدووومه تجمعت الدموع بعيونها ..
فيصل هئئئئئئ انا وش سويت ليش ما مسكت اعصابي ؟! .. بس هي قهرتني مدري احس غرت .. ليش ترد عليه و ما ترد علي ؟ اللحين اش رح يصير ؟ .. انا غبي طول عمري غبي ....
حنان سواااها و ضربني صدق من قال الولد لابوه .. احس اني ببكي بس عناد فيه رح امسك نفسي لا يفكرني ضعيفه ...
سوتها و عاندت و ما ردت عليه و طنشته ثم طلعت برى تشوف وليد وش يبغا ....
وليد شهق مصدوم : وش بلاااه خدك احمر ...
حنان حطت يدها على خدها : لا مافي شي .. انت وش كنت تبي ..؟
وليد يناظر عيونها كلها دموع : امم .. انا .. انا .. طلبت لك فطور .. تعال كله ...
حنان ابتسمت غصب : شكراااا ...
قعدت على طاولة الاكل و وليد متكتف وراها يناظرها ... لمح دمعه على خدها نزلت غصبا عنها .....
وليد شكله فيصل سوى شي .. خل نشوف ...
فيصل كان قاعد على سريره يلعن بنفسه على اللي سواه .. دخل وليد و سكر الباب وراه مسك فيصل من ياقته ......
فيصل باستغراب : خييييييييييير !
وليد : انت ضربت حمد صح ؟!
فيصل : و اذا ؟ .. انت وش دخلك ؟
وليد بعصبيه : اسمع دامك في بيتي ما يحق لك تتكلم و لا تضرب احد .. و ان مديت يدك ثاني مره عليه قسم بالله لا تلوم الا نفسك و اطردك طردت الكلب من البيت فهمت ؟!
فيصل دفه بقوه : من انت عشان تكلمني كذا ؟ اتخسى الا انت .. انا اصلا طالع و تارك لك البيت .. و هو خله مع نفسه نشوف وش بيسوي بدوني ..
وليد ناظره باحتقار : تكفى اللي بيموت بدونك ... ان بغيت تقعد عشانه انا سامح لك و ان بغيت تروح مع الف سلامه محنا فكرانين فيك ....
ثم طلع من الغرفه ....
فيصل اوريك يا حنان داومي لحالك خلي وليد الكلب ينفعك ... طلع من غرفته .. عطى حنان نظره ثم طلع من البيت ...
كانت هي و وليد قاعدين على الطاوله ...
حنان : وش صار له وين رايح ؟
وليد : معليك مصيره يرجع .. بس احتمال ما يداوم للمدرسه اليوم ..
حنان هئئئئئئ وش بسوي انااا و هذا وقته يا فيصل وراك تغيرت علي : طيب .. يصير انا ما اداوم بعد ؟
وليد : اليوم بتبدا الدروس لازم تداوم ...
حنان يعني مافي حل استغفر الله اليوم كئيب من اوله ....
فيصل دق على خويه عمار ....
فيصل : سلااام كيفك ؟
عمار : انا بخير انت اللي شكلك متهاوش مع احد وش فيك ؟
فيصل : أي والله ... تقدر ما تداوم اليوم ؟
عمار : عسئ ما شر ..
فيصل : ياخي ابي اطلع معك نروح أي مكان فيني غصه ودي اتكلم مع احد ...
عمار : لعيووونك بجي .. قل لي بس وين ...
فيصل : مقهى حارتنا ...
عمار : اووووك .. نص ساعه و اكون هناك ...
فيصل : و انا بستناك ...
بعد ما قفل ......
فيصل يا ترى اللي بسويه انا صح و لا لا ..قلقان عليها من هتان .. خليها تستاهل اللي بيصير لها انا تعاندني و تطنشني .. اذا كانت مره ميته على وليد خله ينفعهاا و يساااعدها لا طاحت بيد هتان ...
كان الشيطان يلعب بعقله و نوى يسحب على حنان و يتركهاا لحالها ...
وصلت حنان للمدرسه .. دخلت من البوابه و هي ميته رعبه .. تذكرت لما جت مع فيصل ما كانت خايفه هالقد ...
حنان حراااااام عليك يا فيصل مع اول مشكله سحبت علي ... انا بحط لثمه عشان ما اقابل شلة هتان يكون احسن .. ( تتذكر امس يوم فيصل كان يضبط لها اللثمه ) .. ما صار له وقت تركني و احس اشتقت له ... الله يسامحك يا فيصل ...
ضبطت لثمتها و راحت لصفهاا على طول ..... تناظر ساعتها ...
حنان يا الله باقي نص ساعه ع الحصه الاولى .. و للحين ما جوا طلاب كثير شكلي جايه بدري ...
من وراها : السلاااام يااا حمد ....
حنان هئئئئئئئئئئئئئئئئئئئئ لفت على ورى : انت ؟؟؟؟؟؟؟!
مشاري : هههههههه لسا متذكرني ؟
حنان فكت اللثمه : و امداني نسيت ...
مشاري : واااضح انك خفيف دم ... ( ابتسم لها ثم غمز ) و على فكره طالع كشخه اليوم ازيد عن امس ...
حنان خلني اطقطق عليه بس اهم شي اخاف اندم : احم احم من يوم يومي كشخه ...
مشاري : هههههههههه لا تصدق عمرك بس ..
حنان لازم اسأله : وش جايبك فصلي ؟
مشاري : ههههه هذا فصلي بعد ...
حنان الله يستر معي في الفصل بعد يا سلاام : اييييييه صح بغيت اقولك شي ..
مشاري : امر يا الغلا عيوني لك ...
حنان يا الغلااا و عيوني لك ؟؟؟!! ما علينا المهم اخترع لي أي قصه على سالفة الاسم : انا صراحه حاب اعتذر لك .. يـ يعني لاني كذبت عليك امس ...
مشاري باستغراب : كذبت في وشو ؟
حنان بدا التوتر .. ان شاء الله يصدقني : اممم امس ما قلت لك اسمي الحقيقي ما ادري ليش خفت منك .. المهم ان اسمي الحقيقي وليد ..
مشاري عصب : وششششششششووووو ؟! انت تستغبيني و لا ايش وضعك بالضبط ؟
حنان خافت : لاا انا .....
مشاري قاطعها : مسووي تبي تضحك علي تبي تسويني مسخره يعني .. تبني اناديك قدام العالم حمد عشان الكل يضحك علي و لا وش قصدك !
حنان وش فيه قلب علي يمممه عصب و شكله يخوف : لالالا انا ما كنت اقصد شي بس خفت اقولك اسمي الحقيقي ...
مشاري : يعني اش بسوي لك مثلا ؟! ( يجيب اغراضه و يرميها جنبها )
حنان باستغراب : وين جاي انت ؟
مشاري لسا معصب : ابقعد هنا ( يأشر ع المكان اللي جنبها ) .. عندك مانع ؟
حنان : بس هذا مكان فيصل !
مشاري : كييييييييييييفي ! واذا فيصل براسه شي خله يقابلني ...
حنان عز الله رحت فيه اللي مخوفني قاعد جنبي ...
مشاري : ايييه على بالك نسيت المسخره اللي سويتها فيني و كذبك علي لا ياا حبيبي .. شغلك بعدين بالفسحه اعلمك من انا ..
حنان يا وييييييلي رحت فيهاااا وش بيسوي فيني .. لا و عمار بعد غايب ما جا و خويهم راجح ما اعرفه وش اسوي انا اللحين ....
دخل المدرس و بدت الحصه الاولى ....
اول حصه كانت انجلش محد كان فاهم شي .. المعلم مسكين على نياته الطلاب يسولفون و مو معطين وجه للمدرس ابد و لا كأنه موجود ...
مشاري : وراك يا الخوي مسوي دافور ؟
حنان : انا جيت عشان ادرس ما جيت اطق حنك ...
مشاري مسك ذراعها بقوه : انتبه تكلمني بذا الاسلوب مره ثانيه ما بيحصل لك خير ..
حنان ابكي و لا وش اسوي بعمري .. اللحين فيصل متهاوش معي و عرفت ليه غايب بس عماار وش قصته ....
مشاري : هييييه يا حلووو .. بعرفك على شلتي بالفسحه ...
حنان : لا شكراا ما ابي اتعرف على احد ...
مشاري تراك مسوي حبه و نص ... و لا تفكر اني نسيت انك استغبيتني لسا بنشوف لك عقاب مناسب ...
حنان : ياخي ترجع تفتح نفس الموضوع والله ما كنت اقصد شي ..
مشاري : ما ادري ليه احس انك تقهرني .. نتفاهم بعدين ...
حنان يا ذي البعدين انا حدي ميته رعبه .. و هذا ما شاف ينشب لي الا يوم غابوا فيصل و عمار ....
فيصل كان قاعد مع خويه عمار شايل هم الدنيا كلها على راسه ....
عمار : اللحين حمد داوم للمدرسه ؟؟؟؟؟!
فيصل : ايييه اتوقع ...
عمار : من جدك انت انهبلت ! اللحين هتان ما رح يتركه بحاله ...
فيصل : خله مالي شغل هو ما يبي مساعدتي كيفه ...
عمار : من الصبح و انا اترجاك تعلمني وش صار بينكم و انت مطنش ..
فيصل : ياخي ... انا ابي اساعده و هو يسفهني و انا ما احب كذا ...
عمار : لا حول و لا قوة الا بالله ...
فيصل : بعدين في شي ثاني بقولك اياه .. شاغل تفكيري اكثر شي ..
عمار : وشو ؟!
فيصل يده ع خد و منزل راسه للكوفي اللي بيده : انا الظاهر اني طحت ببلاا يقال له الحب ...
عمار شهق صدمه : اماااااا عااااااد ؟! ليش انت زوجتك ما تحبها ؟
فيصل : ادري اللحين بتقول وجهك مو جه واحد يحب بس هذا اللي صار .. إلا هي زوجتي بس يوم تزوجتها ما كنت احبها ..
عمار يحك راسه : والله و انا اخوك من جد وجهك مو جه واحد يحب ههههههه ... كيف تزوجتها و انت ما تحبها ...؟!
فيصل : أي وجهي مو وجه حب و لا تقعد تتمسخر علي .. ياخي انا اتكلم من جد .. هذي مشاعر احترمهاا ... و زواجنا كان زي زواج القابيل ..
عمار : طيب اسفين ما بنتمسخر .. فهمت عليك زواج القابيل زي البنت لولد عمها ...
فيصل : ايه كذا تقريبا .... و انا كل ما طولت مع البنت اكثر كل ما احس ان قلبي يتعلق بها اكثر .. حتى شعوري ناحيتها يعني ما اعرف كيف اوصف لك ...
عمار كاتم الضحكه : يا ولد قلبت رومااانسي .. احيييييه ع الرومانسيه بس ...
فيصل : اقول الشره على الغبي مثلي اللي معطيك وجه و يفض فض لك ..
عمار : لا لا خلاااااص اوعدك ما عاد اتمسخر يلا فض فض ..
فيصل : سدت نفسي .... ما عاد عندي شي اقوله ...
عمار : والله اسف يا الزعووول كنا نمزح تكلم بس ...
فيصل : وش اقول .. يعني زوجتي شكلي حبيتها و اغار عليها و هي مو حاسه فيني و مطنشتني بعد ...
عمار : اووووه هناا يبغالك قعده نعلمك ع الرومانسيه ...
فيصل باستغراب : حركاااات وش عرفك بالرومانسيات و كلام الكبار هاااه ...
عمار : افااا عليك اعجبك انا خبره بكل شي .. احم احم ما شاء الله علي ..
فيصل : اييييه اتحفنا يا الخبره ...
قعدوووا سواااالف ....
نرجع للمدرسة اخيرا جت الفسحه ... اول ما رن جرس الفسحه حنان حاولت تصرف كان بالحصه الثالثه عندهم مدرس رياضيات مصري بس دق الجرس راحت له تسأله بالدرس كم من سؤال كانت تصريفه ..هو كان يمشي و هي معه تسأله الى ان طلعوا برى الصف و مشاري يلاحقها بنظراته .. بس طلعت من الباب حطت رجولها و انحاشت اتخبت ورى الدرج ..
حنان يمممممه وش بيصير لي اللحين ؟! ... هئئئئئ نسيت ... لازم احط لثمه عشان محد ينتبه علي من شلة هتان ...
ثم قعدت بالارض ودها تبكي خايفه مو عارفه اش تسوي اول مره تنحط بموقف زي كذا .....
حنان اللحين لو مشاري مسكني رح يضربني .. لأ مو لحاله هو شلته رح يضربوني و يكفخوني و مو بعيده سكااااكين ...ييييييه من جد خفت والله حياة الشباب تجيب الهم ... يا ليت فيصل معي ....
مشاري ركض بكل المدرسه يدورها ما لقاهااا .. بس لقى هتان ...
هتان : يا مشمش وين كنت ...؟
مشاري : يا الزعيم خويك ذا اللي انت تبيه اهاني .. و انا قاعد ادوره اللحين ..
هتان : تقصد الولد اللي مع فيصل اللي امس لاحقناهم ...
مشاري : اايييه هووو معي بنفس الصف ... تخيل انه كذب علي امس قالي ان اسمه حمد و طلع كذاب كان يبيني اطلع غبي قدام الآوادم بالصف ..
هتان : امااا سوى فيك كذا .. والله ماله داعي ...
مشاري : و انا ما رح اسكت له ان ما علمته من اكون ما اكون ولد ابوي ..
هتان : اييييييه و انت قدها يا مشمش ..إلا انت اللحين صاير بنفس صف فيصل صح ؟
مشاري : أي صح ...
هتان : وينه ما داوم اليوم ؟
مشاري : أي ما داوم .. لا هو و لا خويه عمار ...
هتان : غرررررريب و خويهم الجديد وش عنده مداوم دام اخوياه ما جوا ؟
مشاري : والله من زود الدفاره ما شفته بالحصص اشلون ...
هتان بخبث : هههههههه قلت لي دفره ماله الا احنا نخربه ...
مشاري : هههههههههههههههه ايه كذا تعجبني ..
هتان : الا صحيح وش اسمه ؟
مشاري : طلع اسمه وليد ...
هتان : ولييييد هاااه .. بس تصدق حمد لايق عليه اكثر ...
مشاري : والله للحين مقهور من سالفة الاسم خلني اصيده بس ...
هتان : يا الحبيب ما طلبت شي اللحين اوزع الشله يدورونه شبر شبر و مالك الا يطلعونه ...
مشاري : والله انك كفووو يا الزعيم ..
هتان : بس اسمع اذا خلصت حسابك معه عطني اياه ابيه يدخل شلتنا ...
مشاري : من جدك النعووومي ذا يدخل الشله .. شلتنا يبي لها رجااال و ناااس ما تخاف مو بواحد اول ما رن الجرس حط النحشه ...
هتان : ههههههههههههههه معليك احنا بنخليه يصير رجال ...
مشاري : اوك اللي تشوفه ... يلااا انا رايح ادوره .. اذا لقيتوه علموني ..
هتان : ابشر يا المشمشي هههه .....
كلم شلته يدورونها بكل مكان ......
حنان لازالت متخبيه بمكانها تحت الدرج ....
حنان يااا ربي متى تنتهي الفسحه و ارجع للفصل هناك أأمن مكان ... يا ترى فيصل وش يسوي اللحين ....؟! و هذا وقته افكر فيه ... اذا رجعت البيت رح اهزأه تهزيئه محترمه ( تنهدت بتعب ) هذا اذا رجعت .. اه بس الله يستر !
عند فيصل و عمار ......
فيصل : كل الكلام اللي قلته ينفع لمتزوجين يحبوا بعض مو لي ...
عمار : هههههه وش اسوي لك .. خلاص خل كلامي على جنب اذا صرتوا تحبوا بعض سوي اللي قلت لك عليه ...
فيصل : ايييييييه هين الى صرنا نحب بعض ....
بعد لحظاااات صمت .......
عمار : منت قلقان على حمد ؟!
فيصل تنهد : بصراااحه ميت قلق .. بس خله يتأدب شوي ..
عمار : ما توقعتك تشيل بقلبك زي كذا ...
فيصل : انت لو شفت تصرفاته معي اليوم كان سويت ألعن من كذا ..
عمار : ان شاء الله ما بيصير له الا كل خير ..
فيصل مع اني خايف عليه : ان شاء الله بس ...
الساعه 9 الصباح مكالمه على بيت ام حنان قعدت من النوم و ردت .....
ام حنان : الوووو .. هلا ام صلاح ...
ام صلاح : هلااا يا وخيتي ..
ام حنان : ام صلاح وش فيك انتي تبكين ؟
ام صلاح : يا ناديه انا ما ادري اشلون اقولك راعي البيت مصر اليوم يطردنا و احنا مو عارفين وين نروح ...
ام حنان : انتوا وين اللحين ؟
ام صلاح : قاعدين نضب الاغراض ما ادري وين بنروح ...
ام حنان : اسمعي تعالوا على بيتنا .. بيتنا وسيع و حنان و فيصل بعد ما تزوجوا طلعوا يعني غرفتين فاضيه خذي بناتك و تعالوا عندنا و زوجك خليه يقعد بالملحق فاضي ما به احد ...
ام صلاح : الله يجزاااك الف خير يا ام حنان ما ادري اشلون ارد لك الجميل ...
ام حنان : لاا يا روحي انتي وقفتي معنا بمصايبنا كيف ما نوقف معك .. جيبوا اغراضكم للحوش تراه كبير و بيسع ان شاء الله ...
ام صلاح : ان شاء الله يا ناديه .. و الله يقدرني و ارد معروفك ...
ام حنان : فيك الخير و البركه يا ام صلاح .. يلا احنا نستناكم ...
صحت ام فيصل .....
ام فيصل : وش فيه يا ناديه عسى العيال ما بهم شي ...؟!
ام حنان : لا لا هذي جارتنا ام صلاح حالتها صعبه ... ( حكت لها كل شي )
ام فيصل : اجل بروح ارتب الملحق ...
ام حنان : و انا برتب الغرف ...

نرجع لحنان .... كان باقي تقريبا 8 دقايق و تنتهي الفسحه ...وهي قاعده تعد الثواني حتى تنتهي ....
حنان يلاااا بسرررررعه رن يااااا جرس .... ورااااه طول ...اوووووف احس اختنقت لازم اشيل اللثمه ما اتوقع يلقووووني ... يلااا ان شاء الله ما يلقوني ... و ان لقوني اش رح يصير فيني اهئ ؟! .. ماني قاااره اتخيل .. والله ان صار لي شي لأوريك يا فيصل نسى وعده لي الحقير .....

جاها واحد من وراها حط يده ع كتفها : اخيرااااا لقيتك ...
حنان انفجعت ثم لفت تشوف مين : هئئئئئئئئئئئئئئئئئئئئئئئئئئئئئئئئئ ...
انتهى البارت

بـــــــــــــــــــــــــــــارت [12]

حنان يا الله اش يبون مننا ذا الهتان و شلته .. اموت و اعرف وش صاير بينه و بين فيصل ... ( تنهدت بتعب ) معلي منهم .. المهم ( بدت تتكلم بصوت عالي شوي ) شكلي مرررررره حلووو .. صدقوني انا ولد وسييييم و جمييييييل و .......
قاطعها : خقققققققه ....
لفت عليه حنان : هئئئئئ من انت ؟
ابتسم و تكلم بغزل : هههههه ليه خفت بسم الله على قلبك يا قلبي ....
حنان باستغراب : وش فيك انت تحسبني بنت ؟
هو : لا انا عارف انك ولد يا روحي ...
حنان بقرف و خوف : وش تبي ؟
يقرب منها اكثر .... و هي تبعد عنه ..
تكلم بخبث : وراك خايف مني ... ترى عادي ما سويت شي انت ولد وش بسوي لك يعني ...
حنان يـ يعني هو ما سوى شي يعني المفروض اكلمه عااادي .. انا اللحين ولد ليه اخاف .. بس هو ليه يقرب مني ... خلاااص ماله داعي ابعد يمكن الشباب كذا يتعارفون و هذا يبي يتعرف بس والله اني قاعده اقنع نفسي ياا ربي وش السواة .. لحظه هذا كني شاايفته من قبل .....!
قررب منها و حط يده ع خدها .. انفجعت من الحركه و نقزت بعيد عنه ...
قام يضحك : ههههههههههههه يا انك بنت يا انك خكري منتهي .. انا بتعرف عليك بس ...
حنان : و ليه تلمس خدي ( يا جعل يدك الكسر )....
لا زال يضحك : ههههه ما شاء الله لفتني حسيت ودي ألمسه كان باين عليه النعوووومه ( يناظر يده ثم يناظرها ) ياخي خدك يجنن ..
حنان هئئئئئئئ احس بقشعريره بجسمي : انت مين ؟
ابتسم : اوووه صح نسيت اعرفك على نفسي انا مشاري و تراي معك بنفس المدرسه ...
حنان شهقت مصدومه : هئئئئئئئئئئئ عرفت اللحين وين انا شايفك ... انت كنت قاعد مع هتان صح ؟
مشاري : ياا سلاااام تعرف خويي هتااان .. ما شاء الله الزعيم صار مشهوور ...
حنان زعيم ؟؟؟؟!!!!
مشاري : انت وش اسمك ؟
حنان ارد و لا اسحب عليه .. لا سحبت بيفكرني خايفه منه : انا حمد ...
مشى يقرب منهااا ....
حنان يممممه ! وش يبي يسوي بعد ....؟!
إلا و يجي نواااف من وراها ...
نواف : هاا حمد خلصت ... ( شافها تناظر واحد ) .. وش صار ؟
حنان مسكت يد نواف لا اراديا : نـ نواف خل نروح يستنونا ...
نواف يناظر يدها باستغراب .. ثم يناظر وجههاا واضح التوتر عليها .. ناظر ذاك الشباب لقاه مبتسم ...
مشاري يا لبببببه حمووودي بس ازين ما اخترت يا الزعيم ...

نواف : حمد وش فيك ؟ و من هذاك ؟
انتبهت على يدها ثم تركت يده : انا .. انا اسف بس .... ( سكتت )
نواف مسك يدها بسرعه و سحبها على برى ....
حنان باستغراب : وين رايحين ..؟!
نواف : ابيك تشم هوى احسك متوتر .. اذا رحت لهم بذا الفيس رح يحسبوني ضايقتك ...
طلعوا برى المطعم و وقفوا يناظروا البحر .....
حنان تنهدت : انا كنت خايف ..
نواف ما انتبه : هاا قلت شي ؟
حنان انا ليش ابحكي له اصلا : لا لا ما قلت شي ...
نواف ليه غير رايه و ما عاد بيحكي لي .. انا متأكد كأنه قال انه خايف ...
اخذت حجر من الارض و رمته بالبحر ....
نواف حط يده ع كتفها : اش كنت خايف منه ؟
حنان يعني سمعني من اول مره اجل ليه سوى نفسه ما سمع : ليش سويت نفسك ما سمعتني في البدايه ؟
نواف : ما كنت منتبه معك بس كني سمعتك قلت انك خايف .. لا تغير الموضوع و قول من وشو كنت خايف ...؟!
حنان تكتفت : شفت الولد اللي كان بالمغاسل ...
نواف : أي اللي كنت تناظره حتى كان واضح خوفك منه ...
حنان : يعني لاحظت علي ..
نواف : أي اكيد ... حتى سألتك من هو ما رديت علي ؟
حنان تنهدت : هذاا معي بالمدرسه ... و انا صدق خايف منه ...
نواف : وش اللي خلاك تخاف منه ؟ يعني سوى لك شي ؟
حنان : ياخي تصرفاته ما اعجبتني ( تذكرت يوم لمس خدها حطت يدها ع خدها ) ليش يلمس خدي و يناظرني ........ مدري كيف اوصف لك ..
نواف منصدم و معصب : وش الحركات المااصخه ذي .. انا اوريك فيه .. ( قام يشمر عن ذراعه ) .. اعلمه اشلون الحيوان ذا ...
حنان مسكته من ذراعه : لا تكفى لا تروح له و لا تسوي له شي ما ابي مشاكل .....
نواف ناظرها : خلني أأدبه .. اخاف يعيد الحركات هذي بالمدرسه ...
حنان : لا معليك ما يقدر يسوي شي و فيصل معي .. بس اللحين خلنا ننبسط ..
نواف هدا شوي : خلاص عشانك بسكت هذي المره ......
بعد لحظة صمت ......
نواف : حمد !
حنان : هممم ..
نواف : انت لسا تكرهني ؟
حنان وش الطاري اللحين : وش بيننا حتى اكرهك ؟
نواف : بسبب ذاك اليوم ادري اني زودتها .. ياخي لعب علي الشيطان و و شكيت فيك انك بنت ...
حنان تنهدت بقوه : ما اكرهك و ما ألومك لان ربي خلقني كذاااا >> اكششخ تصرف نفسها ^^..
نواف سكت لحظات ثم : حمد خلينا نصير اصحاب من اليوم و رايح ...
حنان ما ادري اش اقوله .. يعني احس اني ارتحت له ما عاد يخوفني زي اول خاصه لما كان بيضرب مشاري عشاني .. يمكن ظلمته لاني ما اعرفه ...
حنان تفكر مع نفسها و طولت عليه بالرد ....
نواف نزل راسه بزعل : يعني افهم من سكوتك ان ما ودك نصير اصحاب ..
حنان ردت بسرعه : لا لا لاااا انا ما قلت كذا .. لا عادي رح نصير اصحاب ...
نواف ابتسم و استانس : هذا احلى شي صار لي اليوم .. صار عندي صديق جديد ...
حنان احسه مررررررره مبسوووط بس لاني صرت صديقه الوضع ما يطمن اه بس ....
حنان : ممكن اسألك سؤال ...؟
نواف : اكييييييد ..
حنان : ليه حاب كثير انك تصادقني ...؟!
نواف سؤاله ع الجرح انا عن نفسي ما ادري : ما ادري بس ارتحت لك .. و من اول ما شفتك بالمقهى ذاك اليوم يعني كيف اقولك .. حسيت ودي اكون قريب منك و ادخل حياتك ...
حنان ؤش ذا يا ناس ما فهمت شي يلا سلكي له : ايييييييه ...
نواف : طيب ممكن اخذ صوره معك نفس الصوره اللي اخذتها مع وليد ..
حنان : اييييه و تحطها بالبي بي ...؟
نواف : أي عادي بحطها .. ( ابي اقهر وليد هههه)
حنان : لا انا ما ابي ......
نواف قاطعها : تكفى الله يخليك بس صوره وحده معك ما رح يصير شي .. يعني اش معنى وليد ؟
حنان من جد اش معنى وليد يعني مالي حل الا اتصور معه ياا ربيييه : اوووووك ...
طلع جواله .....
حنان : وييييين ... بنتصور هنا ؟
نواف : أي مره منظر حلو البحر ورانا .. يلا يلا تعال جنبي ...
وقفت جنبها حط يده ع كتفها ...
نواف : ابتسم ابي ذيك الابتسامه اللي تخقق نفس اللي بصورتك مع وليد ..
حنان ياا سلااام يعني انا ابتسامتي تخقق ههههه : اببتسم و على الله تطلع ابتسامتي تخقق هههه ...
و ألتقط الصووووره ......
نواف : ووووه روووعه ما شاء الله عليك صدق بالصور تطلع تجنن ..
حنان تناظر الصوره و قالت بشكل عفوي : أي حتى انت تجنن ..
نواف ناظرها بسرعه و ابتسم : جد انا اجنن ؟
حنان تداركت الموقف : هههههه كنت امزح لا تصدق نفسك ...
نواف سوى نفسه زعلان : اممم يعني انا شين ....
حنان يووه كنت بروح فيها وراي انا قمت اتغزل .. لازم انتبه على كلامي هو خلقه خاااق ماله داعي يخق زياااده ( تنهدت ) وسكتت ما عرفت اش تقول ..
نواف صرف الموضوع : اذا ارتحت و رقت خلنا نروح للشباب ..
حنان يا الله نسيت فيصل اللحين ميت قلق : أي يلا خل نروح ...

رجعوا للشباب .. و تأخروااا كثييييييييييير ...
عبدالرحمن : وين كنتوا قلقت على حمد ... وين خطفته يا نواف ..؟
نواف : تمشينا و جينا و انت انطم مالك دخل ....
وليد : ههههههههه لا تلومه يا نوافي كان وده يجي معكم ...
نواف قعد و ما علق على وليد تعود على كلامه ...
حنان قعدت جنب فيصل ....
فيصل يهمس لها : وين كنتوا ؟
حنان ماني قادره اطالع بوجه فيصل حتى بهمسه معصب : بالبيت بقولك كل شي ...

نشوف اصايل اش صار معها ... حكت كل شي للعنود و لسا ما ارتاحت ..
اصايل : العنووووود تكفيييين قولي لي أي شي أي فكره تخطر لك تخليني اكره صلاح في عيشتها اخليه يتمنى الموت ...
العنود : اوووه انتي مررررره معصبه منه كل ذا لانه ما عطاك وجه ؟!
اصايل عصبت : عنوووود و وجعوه لا تقولين كذا انتي تقهريني اكثر ..
العنود : يوجعك معي .. اش اسوي لك ..
اصايل : قلنا لك قولي لي أي شي يحطمه اكثر ...
العنود : هييييه اللي سويتيه فيه يكفي و زود اللحين هو مرمي بالسجن اش تبين اكثر ....
اصايل : ما ادري احس لسا قلبي يغلي ..
العنود : اقووولك خليني اروح اتحمم و ابدل و نمر شهد ثم نطلع نفلها يمكن تروقين و تهدا اعصابك و تنسين ذاك الغبي شوي ...
اصايل بتفكير : هممممم .. تيب ع قولتك ... بس وين نروح ؟
العنود : انا ودي نطلع للراشد وش رايك والله لا تشوفين مزايين احسن من صلاااحوه و يعطونك وجه بعد ...
اصايل ابتسمت : ههههههههه ايه صااادقه اصلا انا حلووه و اهبل مين الغبي اللي يرفضني ..
العنود تسلك لها : اييييه اييييييه صح ...

الشباب كل واحد رجع لبيته كانت الساعه 9 مساءا ... في الشقه ....
وليد يتمغط : اه احس اني تعبت اليوم .....
حنان بدون تفكير : سلاااامتك ان شاء الله ...
وليد ابتسم لها : الله يسلمك .. يلااا انا بروح اتمدد على فراشي ان جاني نوم نمت .. انتوا بعد ناموا وراكم دوام بكره ...
فيصل : ايييه كلنا تعبانين .. و بننام اللحين اكيد ...
بعد ما راح وليد ....
حنان : فيصل .... شسمه هتان ذا كان لاحقنا يوم رجعنا و لا ؟
فيصل : لا ما شفته .. ما لحقنا ..
حنان : زين افتكينا منه .. للحين مو فاهمين وش يبي !
فيصل : معلي من ذا الكلام اللحين و قولي وين كنت مع نواف لحالكم ..
حنان ليش يكلمني و كني مسويه شي غلط : تمشيناا زي ما قال ..
فيصل اش اسوي معهاا و تقولها بكل برود .... ( ناظرها نظرة احتقار )
حنان بصراخ : لا تناظرني كذا انا ما سويت شي غلط ما احب ذي النظره ...
فيصل كان حده معصب .. مسكها من ذراعها و سحبها للغرفه ......
حنان باستغراب : فيصل وش فيك علي تسحبني كذا ؟؟!
فيصل : اناا معصب حيييل حيييل حييييل .. ( خفض صوته ) انتي تقهريني ...
حنان : وش مسوي انااا .. والله ما سويت شي غلط !
فيصل : اسمع انا بالكاد ماسك نفسي ودي اكفــ ... ( ثم سكت ) ...
حنان تجمعت الدموع بعيونها : قوووولهاا يا فصييل قولهاا .. ودك تكفخني هااه .. ( راحت قعدت على سريرها محجره دموعها تحاول ما تنزلها ) تعاال هذاني قدامك كفخني .. كفخني الى ان تشبع .. ما معي احد يساعدني و يحميني .. تبي تضربني اضربني و خذ راحتك بعد .....
فيصل حس انه غلط : انا اسف ... لا تزعل مني .. انت لو كنت مكاني كان سويت كذا و اكثر ...
حنان رفعت اللحاف عن السرير ثم رمت حالها و تلحفت و غطت وجهها و تكلمت بصوت يقطع القلب : انا بنااام لا تزعجني .....
فيصل انا غبي انا وش سويت .. هي حتى ما بدلت ثيابها اكيد ما رح تنام.. اللحين مغرقه المخده دموووع ( يضرب راسه ) كله مني انا غبببي ...
ثم طلع من الغرفه و قعد بالصاله .....

وصلوا للمول .. كانوا ثلاثتهم يتمشون و فالينهاا ...
شهد : عنوووده ....
العنود مو بفاضيه تشوف الماركات الجديده : همممممم..
شهد بتردد : اش .. اش اخبار اخوك ؟
العنود تركت اللي بيدها : عيني بعينك ...
شهد استحت : يلااا عااد .. تراه سؤال عادي يعني ...
العنود : ايييييييه قلتي عاادي ما تلاحظين انك تسأليني عنه كثير هالايام ؟
شهد : اه بس ...
العنود ابتسمت : الاه ما تجي الا من حب .. ليكووووون ...
شهد قلب وجهها الوان : لا لا لااا لا تفهمين غلط ... اللحين سألت وسويتيها سالفه ....
العنود : هههههههههه لعلمك ترى الحب حلال ...
شهد ابتسمت بخجل : خلاص اسكتي اصايل جايه ...
اصايل : بناااات .. يا اني مت رعبه ...
العنود : ليه وش صار ؟
اصايل : خلوني اخذ نفس ...
العنود : طيب طيب تعالوا نقعد هناك ...
بعد ما قعدوا .....
شهد بنفاذ صبر : يلااا احكي اش صار ؟
اصايل : ووه .. كنت امشي ودخلت واحد من المحلات .. لما طلعت قابلت شله يمه يخوفون .. انا مشيت عادي انتبهت فيهم يلاحقوني .. ثم قعدت اضيعهم دخلت بين العالم الى ان ضيعتهم .. اه خفت يا بنات ...
العنود : تستاهلين قلنا لك خلك معنا نتمشى مع بعض و لا تروحي لحالك ما رضيتي خليك ...
اصايل : تكفووون يعني لو كنتوا معي ما رح يلاحقوا ..
شهد : المهم كيف كانت اشكالهم ؟
اصايل : امممم جيتي على اهم موضوع .. صراااحه مزايين بس يخوفون ..
شهد رفعة حاجب باستغراب : ما تجي مزايين و يخوفون ..!
اصايل : يا بنت يعني حلوين بس تحسينهم راعيين مشاكل و هوشات ..
شهد : اهاا فهمت عليك ... يلا قومي ...
اصايل : وين ؟
شهد : ابي اشوفهم ...
العنود : أي و انا بعد ...
اصايل : اذا لاحقونا و صار شي تراي مالي دخل من اللحين اقول ..
العنود : لا ان شاء الله مو بصاير شي ...

قامت من سريرها الدموع مغرقه عيونها .. مسحت دموعهاا ..
حنان انا ليش ابكي الكل صار يجرحني و الوضع عادي يا صبر الارض ..( قامت للحمام -الله يكرمكم- غسلت وجهها و تناظر نفسها بالمرايا ).. انا ما عاد رح اكلم فيصل اخاف يومين و يصير يضربني من جد .. لا يفكرني اني رح اسامحه بسهوله .. ( بدلت ثيابها و طلعت ) .. الساعه صارت 12 لازم انام وراي دوام و مشاكل بكره ... اه يا ربي ...

كان وليد قاعد بغرفته ينتظر مكالمه مهمه ......
رن جواله .....
وليد اخيرا دق : الووو ...... هلا و عليكم السلامه ....... انا بخير و انت ............ ايه جاني البيت ........... سم طالع عمرك ............. أي قال لي .............. ان شاء الله السبت الجاي ................ لا ان شاء الله ما رح يصير نفس قبل ............. ادري طالع عمرك ................ اوكيه تم .................. مع السلامه ..
قفل جواله ثم تمدد ع السرير ... استغفر الله الى متى هذي العيشه .. الى متى يذلوني ... الله يرحمك يا يبا رحت و تركتني و الكل طمعان فيني ....
قام يشوف صورته مع حنان ... ( ابتسم ) يا ترى رح يكون بخير بمدرسة فيصل ... ودي اروح اقعد اسولف معه مررره حلوه سوالفه يا زين الطقطقه عليه ....
رن جواله مسج بالبي بي ..
وليد ههههه هذا نواف وش عنده ... ( يفتح المسج ) " وليد مو بس انت لك صوره مع حمد شف صورتي انا معه احلى "
وليد هههههه سويتها يا نوااف منت بهين " ههههههههه متى تصورتوا ؟ اصلا كيف وافق يتصور معك و هو ما يطيقك ؟ "
نواف " صارت سوالف يا وليد اليوم .. فيه واحد تحرش بحمد بالمغاسل "
وليد " -فيسات معصبه- ايييييييييييش ؟! من ذا الحقير عطني اسمه بس "
نواف " ما اعرفه بس حمد قالي انه معهم بالمدرسه "
وليد " ليه ما علمتونا طيب ؟ "
نواف " حمد أصر ما اسوي شي ما كان يبي مشاكل "
وليد غبي كان تكلم " - فيس غير مهتم - >>اسمه كذا شوفوه بالبي بي "
نواف " معليك الموضوع انتهى و حصل خير "
وليد " خلاص كيفه اذا ما يبي يتكلم .."
نواف " وليد وش رايك ودي انقل لمدرسة حمد "
وليد بمزح " ههههه كل ذا حباً فيه -فيس يضحك-"
نواف " -فيس معصب- لا تخليني اجيك اللحين و اتوطاك ببطنك "
وليد " -فيس حزين- خوفتني يا شيييخ ! "
نواف " ياخي انا اتكلم جد انت تمزح .. انا صدق بكلم ابوي على اني بنقل "
وليد " و انا كنت اتكلم جد .. و اصلا ابوك بيخليك تنتقل لمدرسه حكوميه "
نواف " اييه بيخليني اهم شي عنده الشهاده .. و بالنسبه لحمد انا خايف عليه مو اكثر "
وليد " سوي اللي يريحك -فيس غير مهتم-"
نواف " اجل ان شاء الله ع الاسبوع الجاي بالكثير اكون بمدرستهم -فيس يضحك- "
وليد " يصير خير ان شاء الله "
خلص من نواف و قام يتفرج ع الصور اللي بجواله .. و وقف عند صورته هو و حنان ........
وليد تنهد من جد طالع يجنن بالصوره .. بعد كلام نواف بديت اخاف عليه .. لكن اش بيدي هو قبل يشتغل ذي الشغله لازم يتحمل ...

فيصل كان متمدد ع الكنبه بالصاله .. اوووووف ما ارتحت بالنومه هنااا ... بروح ع فراشي و بس اذا بتزعل تزعل كيفها ما اظن اني قلت شي غلط .. بعدين بالاول و الاخير هي زوجتي ... ( بدا يفكر بتعمق ) من قبل ما عمري تخيلتها لي كزوجه و كنت اعتبر نفسي خويها و انها شي عادي بحياتي ... بس بعد الاشياء اللي صارت معنا و مقابلتها للشباب احس اني اغار عليها لأ مو بس اغار شي اكبر من الغيره ........ اووووه خل اسكت بس تفكيري هذا ما رح يوديني لشي ...
قام و راح غرفته ... لقاااها بسابع نوووم حس براحه لانها نايمه و مبين انها مرتاحه .....

في المول ......
شهد : لفينااا المجمع كله و ما شفناا احد ...
اصايل : اش اسوي لكم طيب يمكن طلعوا من المجمع ...
العنود : خلااص مو لازم امشوا خل نرجع البيت الوقت تأخر ...
شهد & اصايل : يلاااا ...
بس طلعوا من البوابه ........
اصايل : هئئئئئئئئئئئئئئئئئ ....
العنود : بسم الله .. وش فيه ؟
اصايل بخوف : بناااااااااات هذول اللي قلت لكم عليهم ...
شهد : وين وين ما اشوف احد ...
اصايل : شوووووووفيهم قريب من سيارتنا ...
تلف شهد تاظر : ووووووووه مزايين ...
اصايل بخوف : بنااااات وليه واقفين عند سيارتنا اشلون نركب اللحين ؟
العنود : وش فيك خايفه منهم .. محد يقدر يسوي شي .. و انا بدق ع السواق يجي ياخذنا من هنا .....
جا السواق قدام البوابه و اخذهم ....
اصايل : يمممممه ! .. واحد من شلته كان ورانا ...
العنود : امااااا !
شهد بخوف : بناااااات الوضع ما يطمن ...
ركبوا السياره بسرررعه ..
العنود للسواق : حرك بسرررررعه ...
اصايل : يا بنااات والله يلحقونا ..
شهد & العنود لفوا ع ورى ....
العنود : هئئئئئئئئئئئئئئئ وش يبون ؟؟؟!
شهد تصارخ : اصوووله انتي وش مسويت لهم ..
اصايل و دموعها متجمعه : و ربي ما سويت لهم شي ...
شهد : انا بالمواقف هذي اموت رعبه ...
العنود : بنااات اهدوا انا بقول للسواق يضيعهم ...
قالت له بس ما فهم عليها و مشى عادي و لا اهتم .....
شهد : عننوووده سواقك ذا الغبي ما يفهم ما ضيعهم و لا شي و هذاهم ورانا ...
اصايل : لااا يلعن شكله و قاعد يضحك مع اخوياه و يأشر علينا ...
العنود : جد جد جد بديت اخاف .. عاد حارتنا اللحين ما بنلاقي سيارات بالشارع ..
شهد : ييييه عنوود لا تخوفيني تراي اخوف وحده ..
السياره اللي تلاحقهم اسرعت الى ان صارت جنبهم .. حدتهم و وقفتهم ..
العنود ميته خوف قالت للسواق : امممممممش عمئ لا توقف يا مال السلال امش وجعوووه ....
السواق : ماما انا مافي يقدر يمشي هذا سياره جنب سيارره مال انا ...
اصايل : وش السواة يا بنااات ؟
شهد للسواق : قفل الابواب كلهاا .. لازم نأمن السياره و نشوف لنا طريقه ..
العنود : اييييه قفل الابواب بسرعه ...
نزل من سيارته مع خويه ... كل واحد راح عند باب و يدق ع الشباك ..

خالد وصل بيتهم الكل كان نايم صعد لغرفته ... قعد يفكر و يفكر ثم ارسل للجوهره ع البي بي لعل و عسى ترد ...
خالد " الجوهره قلبي تكفين ردي علي "
اعاد ارسال نفس الرساله حول العشرين مره .... الى ان ردت اخيرا ..
الجوهره " وش تبي ؟!"
خالد استانس الحمدلله ردت اخيرا " جوجو اشتقت لك .. الله يخليك وافقي على زواجنا "
الجوهره " بسألك سؤال يا خالد "
خالد " اسألي "
الجوهره " انت تحب اخوي نواف كأنه اخوك صح و لا لا "
خالد " اكيييييييد "
الجوهره " افترض فرضا لو نواف حب البنت اللي انت تحبها .. رح تتخلى عنها عشانه و لا لا ؟ "
خالد " مستحيل يصير ذا الشي لا تفرضي افترضات مالها دخل بموضوعنا "
الجوهره " انت جاوبني بصدق و بس "

خالد " نواف احبه و اعزه أي بس لا جا ع الحب بصراحه ما عندي لك جواب ... بس فهمت من كلامك انك تحبيني و رح تتخلي عني عشان اختك كلامي صح ؟ "
الجوهره صرفت الموضوع " لا مو صح .. يلا انا لازم انام تصبح على خير "
خالد تهربت مني كالعاده " و انتي من اهله " ... ما رح اتركك رح اظل وراك الى ان تصيري لي .....

نرجع للبنااات ... كانوا يدقون الشباك يحاولوا يكلموا البنات لكن ما اعطوهم وجه ...
العنود للسواق : ارجع ورى عمى رح يمديك تطلع بسرعه ..
السواق نفسه كان خايف و رجع ورى ثم لف عنهم و طلعهم من المكان ..
شهد ماسكه دموعها : والله ما عاد اطلع معكم بذا الوقت ..
العنود : خلاااص انتي لا تبكين علينا ...
اصايل : الله لا يوفقه هذا اللي شفته بالمحل ..
شهد & العنود : المحل ؟؟؟؟؟؟؟!
العنود : أي محل ؟ اصووول صار شي خلاهم يلحقونا ؟!!!
شهد شهقت بصدمه : لااااا تكوووووووني رقمتيه بس !
اصايل دموعها متحجره : والله يا بنات ما كنت ادري ان معه شله فكرته لحاله والله .. حتى كان وجه بريء ما يدل انه ممكن يسوي شي .. حسبته محترم طلع .......
العنود قاطعتها : الله يهديك يا اصايل .. اخاف تودينا بداهيه ...
اصايل : لا خلاااص تووبه ما عاد ارقم احد ...
العنود : المهم اللحين افتكينا منهم ... و بوصلكم بيوتكم ثم برجع ..
شهد : عنوووده انا قلت لامي اني بنام عندك ...
العنود : حلووو خلاص حيااك .. و انتي يا اصايل ...
اصايل : لا ابرجع البيت ...
العنود : لاااا خليك معناا ..
اصايل : لا ما اقدر بداوم بكره ...
العنود : ممن جدك ؟
اصايل : أي والله ..
العنود : امممم خلااص اللي يريحك يا قلبي ...
وصلتها البيت ثم رجعت بيتهم .....

في الشقه ... حنان نامت تقريبا ساعتين ثم صحت ..
حنان يعني فيصل رجع للغرفه .. مع ذلك ما رح اكلمه الصباااح .. يا ترى وليد وش يسوي اللحين ؟ اش السؤال الغبي اكيد نايم ... اسويها زي ذاك اليوم و اروح اشوفه .. اش عندي ابي اشوفه و هو نايم .. ههههه بديت اخاف من نفسي ... سوتها و طلعت من الغرفه ...
وليد جافاه النوم كان قاعد بالصاله يتفرج ع التلفزيون ....
وليد : اوووه حمد غريب صاااحي ...
حنان مالي حظ اشوفه و هو نايم : هههه صحيت اششوي و برجع انام ..
وليد : أي لازم تنام لان .......
حنان قاطعته : أي ادري وراي دوام .. فهمنا ....
وليد : هههههه صرت حافظني اشوف ...
حنان : مو اني حافظك بس توقعتك تقول كذا ...
وليد ابتسم : اذا ما فيك نوم تعال اقعد معي شوي ندردش ..
حنان وناااااسه : اوكيه ..
وليد : بس 10 دقايق ثم ترجع .. اتفقنا ...
حنان : أي طيب لا تخااف ما رح انام بالحصه ...
وليد : هههههههه و تنكت بعد ....

انتــــــــــهى البـــــــارت

بـــــــــــــــــــــــــــــارت [11]

فيصل عصب : و لا احد يروح هو اذا متضايق يحب يقعد لحاله خلوه على راحته .....
وليد ناظره بغرور : كأني باخذ الاذن منك يعني .. انا رايح رايح ...
فيصل عض شفايفه بقهر .. جعلك المحاي يا وليدوووه النذل ....

راح فتح باب غرفتها لقاه مقفل ... ثم دق و دق لا رد ... ثم تكلم .....
وليد : حممممممد اناا وليد افتح ...
حنان سمعت الصوت ابتسمت لا شعوريا رغم الضيق اللي فيها ابتسمت رغم زعلها و بكاها ابتسمت .....
وليد : حممممد يلااا افتح بستنى كثير انا ....؟
حنان ركضت ع الحمام -الله يكرمكم- غسلت وجهها ضبطت شعرها بشكل سريع حاولت تبتسم ثم فتحت الباب ...
وليد واضح انه كان يبكي : ممكن ادخل !
حنان لفت و راحت قعدت على سريرها : يعني لو قلت لك لأ بتروح ...
وليد : ههههه ما بروح لان ....
حنان قاطعته بعصبيه : لان البيت بيتك و وين ما تبي تدخل بتدخل و ما عليك من احد ....
وليد ابتسم : ما كنت رح اقول كذا .....
حنان تنهدت : ما يهمني ... المهم وش تبي ؟
وليد دخل و سكر الباب ....

نروح للشباب .. فيصل و هو قاعد معهم قلبه يوجعه لان هالبنت معه لحالهم بالغرفه ما راحت عن باله .... ماجد انتبه انه متضايق ....
ماجد : فيصل وش بك ؟
فيصل بضيقه : مافي شي ..
نواف ملاحظ على فيصل من لما راح وليد و هو معصب و ضايق ...
عبدالرحمن : شباااب خلوونا نطلع انا زهقت ...
ماجد : خلنا نسأل وليد .. ودي حمد يطلع معنا ان كان ضايق يغير جو ..
فيصل ما تحمل يقعد معهم : انا بروح المطبخ اشوف لي شي اكله ....
نواف هذا يكذب هذا فيه شي احس انه متضايق على حمد ودي اروح اسأله .. لااا حول رجعت اتليقف انا اش دخلني .....

قعد وليد على سرير فيصل مقابلها .......
وليد : وراك كنت تبكي ..؟
حنان دموعها متحجره : انا ما كنت ابكي ( بالغصب ابتسمت ) انا رجال و الرجال ما يبكوا ...
وليد : هههههههههههههه .. من قال ان الرجال ما يبكوا ؟
حنان ياا ربي مالي خلق اتكلم احس اني بأي لحظه ممكن دموعي تطيح يا ليته يروح ما ابيه يشوف دموعي ....
وليد : حمد تكلم وش فيك ؟
حنان ما تحملت اكثر من كذا و طاحت دموعها غصب ...
وليد سكت متفاجئ وشو الشي اللي خلاها تبكي .....!
حنان و هي تشاهق : ممكن تطلع ...
وليد لا رد ......
حنان رفعت عيونها المليانه دموع : لا تقعد تناظرني كذا اطلع و اتركني في حالي ....
وليد يناظر و ساكت ....
قامت ثم راحت ركض للحمام -الله يكرمكم- ... انا وش فيني كنت قويه ليه ابكي قدامه اللحين ؟ .. كله من كلامك يا سوسن اللي يضيق الصدر حرام عليك انتي و سميه ... سميه تدري اني ما اقدر على زعلها هي اختي اللي ما جابتها امي .. لو سمعتني بس ........... ( بعد تقريبا 5 دقايق ) يووووه نسيت وليد برى .. خلاااص لا تبكي يا حنااان لا تبكي قدام وليد صيري قويه .. و اللحين اطلعي و اضحكي و انبسطي .. بس لازم اهاوشه انا طردته و ما سمع كلامي ....
طلعت على انها معصبه : انت ليه لسا هنا ؟
وليد : استناك يا قلبي ارتحت اللحين ؟
حنان هئئئئ قال يا قلبي اش اسوي بعمري انا ...
وليد : هههههههههه ادري خقيت دامك خقيت يعني ارتحت ...
حنان : لا لا لا لا وش خقيت ! .. انا .. انا ....
وليد قاطعها : اسمع بأي وقت كنت متضايق و حاب تحكي لأحد تراي موجود ...
حنان يااا لبئ قلبك انت يا وليد خايف علي : لا انا ما ابي ازعجك ...
وليد ابتسم : دام اسمك وليد اللحين ما رح انزعج يهمني ان اللي يمثل دوري يكون مرتاح ...
حنان هئئئئئئئئ يعني انا ما اهمك وش ذا التحطيم .. اه يا ربي اش بلاني انا .. انا اللحين ولد و اكيد ما رح يهتم .. اخ بس ..
وليد : صح نسيت ... حاب اعتذر منك على اللي صار من قبل .. ما كنت ادري انك رح تعصب اذا حطيت صورتي معك بالبي بي ...
حنان اللحين خلاص صورتي انتشرت و اللي ما شاف شاف : لا عاادي اصلا نسيت الموضوع ...
وليد : تصافينا اللحين ؟
حنان : اكيد ...
وليد : و الصوره عادي اخليها ..؟
حنان : قلت ما عاد يهمني الموضوع ...
وليد : هممم دامك روقت يلااا ..
حنان : على وين ..؟
مسك يدها و هي تناظره باستغراب و سحبها لبرى .....

نرجع للمطبخ ... كان فيصل قاعد بالمطبخ سوى له شاي بحليب ثم قعد يشربه و لازال معصب .... جاه نواف قعد معه بدون لا يستأذن >> الظاهر لقافته ما سمحت له الا يسأل فيصل ...
فيصل باستغراب : وش تبي انت ؟
نواف ناظره : ليه حاقد علي انت .. من اول حاس انك ..... اممم زي كنك تكرهني مع انك ما تعرفني ...
فيصل : ايييه .. ياخي ما ارتحت لك لا انت و لا الدحمي خويكم ذا ...
نواف : و ليه انا وش مسوي لك ؟
فيصل : اللحين انت وش تبي بالضبط ..؟
نواف بفضول : انا ملاحظ عليك أي شي يخص حمد تتضايق و تعصب .. يعني حسيت انك تهتم له كثير ...
فيصل هذا اللي ناقص شكلهم شاكين : و اش الغلط باهتمامي فيه ؟
نواف : ما قلت انه غلط بس انت مره تبالغ يعني ما احس كنه رجال ...
فيصل عصب : وش تقصد انت ؟
نواف : اللي اقصده هو رجال و يقدر يدافع عن نفسه و يهتم فيها .. يعني ليش كل ذا الاهتمام منك .. و احسك تخاف عليه بزياده !!
فيصل بانت عليه العصبيه بوضوح : و انت ليش تزعج نفسك بأمور ما تخصك .. ( هدا شوي و قام يفكر بعقل لازم يرقع السالفه ) ... اسمع حمد يتيم الاب ... و انا اعتبر نفسي زي ابوه و المسؤول عنه و أي شي يضايقه يضايقني ....
نواف باستغراب : من كلامك احس كنكم تعرفوا بعض من زمان .. لكن ذاك اليوم بالمقهى انت قلت توه حمد نقل بيتكم ... متى امداك تصير اب له ؟
فيصل تضايق منه ما عرف اش يقول و توتر : هـ هو طلب مني اني اكون مسؤول عنه .. هو حس بنقص بحياته لان ما عنده اب ... ( ثم بدا يرتفع صوته ) اصلااا انا مو مجبور اقولك .. و انت هذا الشي ما يخصك مالك علاقه ...
اخذ كوبه معه و طلع من المطبخ .....
نواف تنهد .. كل كلامك يزيد شكوكي يا فيصل .. مع اني كنت متأكد ان حمد بنت لكن ....... اه بس خلني امشي مع الوضع زي ما هو و اسلك للناس ما عاد يهم احساسي ... خل اطلع للشباب بس .....

و كلها لحظات حتى طلع وليد من الغرفه و هو ماسك يد حنان ...

عبدالرحمن يصااارخ : اووووووووووووووه اش عندكم ؟
نواف كان توه طالع من المطبخ و صادفهم بالطريق .. على طول طاحت عينه على يد وليد اللي ماسكه يد حنان ....
وليد يحط ذراعه ع رقبتها : شبااااااب حمووود اليوم متضايق و حنا نبي نسليه وش قوولكم ؟
عبدالرحمن يستهبل : يااا جعله فيني و لا فيه ......
ماجد : هههههههههههه .. عسئ ما شر ..
نواف بقهر راح جنب وليد و همس له : وليد اترك الولد ...
وليد ابتسم بخبث : هههه ليه اترك صديقي ...
حنان : قلت شي ؟
وليد : لا كنت اكلم نواف ...
حنان ناظرت فيصل كان يطالعها بقهر و عصبيه .. عرفت من نظراته انه ناوي يهزأها ..
حنان : وليد ممكن تتركني شوي ؟
وليد مستغرب : اوك ..
تركت و ليد ثم راحت و قعدت جنب فيصل .......
نواف ناظر وليد بنصر : ههههههههههههههه ..
وليد رفع حواجبه مستغرب : وليه تضحك ؟
نواف : ههههه بس حسيت ان فيني ضحكه ...
وليد يتصنع الزعل : اقول اقلب وجهك بس ....
ثم راح وليد قعد و راح وراه نواف ....

كان مرمي بالسجن مع انواع المجرمين و حالته صعبه مصدوم من اللي صار .... جا العسكري ...
العسكري : وين صلاح حسن الـ ...........
فز من مكانه : نعم هذا انا .....
العسكري : يلا تعال عندك زياره ....
صلاح زياره ؟! من مين .. يمكن ابوي جاب محامي .. بس اعرف ابوي ما عنده فلوس تكفي .. خل نشوف .....
دخله على مكتب الضابط ...تفاجئ من اللي شافها هذي مره وش تسوي و مين هي ... الضابط وقف ....
الضابط : عن اذنكم اخليكم تاخذوا راحتكم ....
بعد ما طلع .. صلاح بتردد قعد ع الكرسي مقابلها .. شالت الغطا من على وجهها...
صلاح هذا الوجه مو غريب علي كني شايفه من قبل ...
اصايل بغنج : السلااام صلوووحي .. ما ذكرتني ؟!
صلاح : انتي مييييييين ؟ انا ما اعرفك وليه جايه تشوفيني اصلا ؟
اصايل بغرور : خف علي يا الحبيب ...انا اصايل .. اللي اعطيتك رقمي بالمجمع ذاك اليوم ذكرتني ؟
صلاح يحاااول يتذكر : اييييييييييييييه انتي ! وش دراك اني هنا ؟
اصايل : دريت و بس ... اش رايك انا حابه اساعدك ...
صلاح متفاجئ : ليه حتى تساعديني .. انتي وين اهلك عنك ما تستحين على وجهك جايتلي المركز و لحالك بصفتك وشو جايه تشوفيني او حتى تساعديني ...
اصايل قلنا بنسوي خير بس هذا شكله يبي الشر : انت ما اسمح لك تكلمني كذا !
صلاح : روحي بيتكم بس الله يهديك ...
اصايل حتى و هو بعز حاجته ما يبيني اساعده بحاول معه لآخر مره : اسمع انا اقدر اطلعك من هنا و اقدر امسح اللي صار و لا كأنه شي صار .. بس بشرط انك تقبل فيني ..
صلاح رفع حاجبه باستغراب : كيف يعني اقبل فيك ؟!
اصايل توترت : يعني .. يعني .. زي مثلا تسمع كلامي و نصير اصحاب و نروح و نجي مع بعض .. و ما ترفض لي أي طلب ... اش قلت ؟
صلاح : استغفر الله العلي العظيم .. انتي جد ما تستحين .. الله لا يحوجني لوحده صايعه زيك ....
اصايل عصبت و وقفت : يااا حقير ما اسمح لك الشره مو بعليك الشره علي اللي فكرت اساعدك .. اصلا انا ورى بلاويك و مصايبك ان ما خليتك تجيني تحبي و تترجاني ما اكون اصايل بنت ابوي .. اصبر علي كلها يومين و تشوف اهلك مرميين بالشارع يا التافه ...
صلاح مصدووم : هئئئئئئئ انتي ورى ذي البلاوي كلهااا ؟!! ليش انا وش مسوي لك ؟ .. انا حتى ما اعرفك ...
اصايل : انا محد يرفضني انت فاهم .. و وديت عشره قبلك بستين داهيه و انت بتصير زيهم .... يلا مع السلامه حبيبي ...
ثم مشت بغرور و تكبر .. و ابتسامة الانتصار مرسومه على وجهها ... بس من جواتها حزن ... ما امداها وصلت السياره الا انفجرت بكي ليش يرفضهااا ؟!!!!
لسا قاعد بمكانه مصدوم مو فاهم شي هذي مين و اش تبغا منه بالضبط ؟ اللحين كان كل همه اهله و اش بيصير فيهم ... اذا كانت صادقه بكلامها انهم رح يعيشوا بالشارع هو خايف عليهم ..
دخل الضابط و امر العسكري يرجعه للتوقيف .. و راح و هو خايف و باله مشغول على اهله .....

نرجع للشباب في الشقه ......
وليد : يلا شبااااب جهزوا حالكم نبي نطلع ...
عبدالرحمن : يييييييييييس نبي نطلع ... والله انك كفو يا الخوي هذا التفكير الصح .. نبي مكان فيه بنااات حلوووووات ... وش رايكم ؟
نواف : هههه هذا همك ....
عبدالرحمن : اي مو احنا اتفقنا ... ابعرفك على بنااات رح تشكرني عليهم ..
نواف بعدم اهتمام : اقوووول مناك بس ....
حنان بضيقه : يا شباااب انا مالي خلق ما ودي اطلع .....
ماجد : حرااااام عليك ... اللحين يبون يطلعون عشانك و انت ما تبي تطلع ..
حنان بدون نفس : ياخي والله مالي خلق .... بعدين عادي اطلعوا بدوني ....
وليد : اقوووول محنا بطالعين الا ورجلنا على رجلك .. و قول تم ...
فيصل : يا شباب خلاااص اذا ما يبي يطلع مو لازم انتوا طلعوا ...
وليد : يا الحبيب انت اذا ما تبي تطلع كيفك اهم شي حمد يطلع و يروووق .. ( يغمز له ) وراه دوام بكره .. لازم النفسيه تكون زينه ...
حنان باستسلام : اوكيه نروح بس وين ؟
نواف ابتسم فرح لانها بتطلع معهم ....
عبدالرحمن : ما رح تندم يا حموود رح نوديك اماكن ما عمرك شفتها ...
حنان : لا لا ودونا مكان طبيعه و هادي و ما يكون فيه زحمه هذا احسن شي ...
وليد : اللي تآمر فيه ... اللحين خلونا نطلع بسيارتي ثم نقرر ..
طلعوا الشباب ظل ماجد و فيصل ......
ماجد : ما بتجي ؟
فيصل الود ودي ما اروح بس كيف بأمنها مع 4 شباب : إلا إلا بجي ...
طلع ماجد و طلع فيصل وراه .... كان وليد السواق و جنبه عبدالرحمن و ورى كان قاعده حنان ورى وليد و جنبها نواف جنبه ماجد ...
وليد : مجووود هذا فيصل ما بيجي ؟
ماجد : إلا اللحين جاي وراي ...
طلع من المبنى .. انتبه بسيارة هتان ... ( اللحين هذا ما يتعب و هو يراقب بعدين وش يبي قاعد مقابل العماره .. اروح اسأله و لا ... قسم بالله وراه شي .. يااا ربي منه ... انا خايف على حنان عاد هذا ما عنده هي بنت هي ولد ما يهمه اللي يبيه يسويه اووووف يا حنان وش ذي المصيبه ...)
ثم ركب فيصل جنب ماجد عند الباب... طول الطريق كان فيصل يلتفت ع ورى يشوف هو لاحقهم و لالا ... كان فعلا لاحقهم ......
وليد : شباااااب قررتوا وين ؟
ماجد : اممم ودينا المنتجع البحري اللي بالظهران مره حلو ...
حنان : وش هذا اول مره اسمع فيه ..؟
الشباب : ههههههههههههههههههههههههههههههههههههه ...
الا نواف و فيصل ما ضحكوا .......
نواف : معليك منهم ما عندهم سالفه ... اللحين تشوفه ان شاء الله يعجبك ..
حنان : لا تكفووون مكان ما اعرفه ما احب اروحه خلونا نروح الكورنيش احسن ....
عبدالرحمن : انا عن نفسي موافق بالكورنيش تلاقي اللي يحبهم قلبك ...
وليد : هههههههههههه و انت صادق .. خلاص اذا الكل موافق بنروح ..
نواف ناظرها و ابتسم : اكيد موافقين اهم شي راحة حمد ...
وليد كتم الضحكه عارف ان خويه اكيد قال ذا الكلام بدون تفكير ..
ماجد مستغرب .. و الدحمي يطقطق بجواله مو معهم ...و فيصل مشغول باله ع اللي يلاحقوهم ..
حنان اهم شي لا تصير قريب مني يا نواف الزفت والله انك قريب مني ...
نواف كان يناظرها طول الطريق .....
نواف احاول احاكيك ع انك ولد بس ما اقدر .. عطرك شعرك جسمك ملامحك كل شي يقول انك بنت بسسس ........!
حنان والله اني احس فيه يناظرني ... يا ليت ما قعدت جنبه .. ودي اناظر فيصل اشوف اذا هو معصب و لا ... بس المشكله اذا بلف على فيصل لازم ألف على وجه نوااافوه ذا الغثه ... خلاص مو مهم لو فصييييل معصب مني رح يهزأني بالبيت بعدين ( تنهدت ) الله يعيني ...
فيصل ما كان معهم ابد شايل هم هتان راعي المشاكل ....

في بيت ام حنان ... كانوا يسولفون عن عائلة صلاح ....
ام حنان : والله كاسره خاطري ام صلاح ...
ام فيصل : أي والله انها مسكينه ....
شوي دخلوا سعد و سعود ......
ام فيصل بعصبيه : انتوا وين كنتوا ؟ وش ذي الهياته بالشوارع ؟
سعود : يمه كنا نلعب مع عيال الجيران ...
ام فيصل : تلعبون هااا .. يوم كان فيصل هنا ما لكم حس و ما اطولون برى و اللحين ماخذين راحتكم اشوف ......
سعود : يمممه خلاص ما عاد انطول ...
ام حنان : يا مهاا خليهم يستانسون بطفولتهم ...
سعود : يمه ....
ام فيصل : وش تبي ؟
سعود : علي ولد ام وائل جارتنا قال لي ان ام صلاح راعي البيت بيطردهم منه ...
ام فيصل : هئئئئئئئئئئ من وين جايب ذا الحكي ؟
سعود : ما ادري هو قالي سمع ابوه يحكي لامه ...
ام فيصل : لا حول و لا قوة الا بالله ...
ام حنان : و ليش بيطردهم ..
سعود رفع كتوفه : ما ادري ...
ام حنان : مو كافي مصيبة ولدها و اللحين راعي البيت ...
ام فيصل : أي والله الله يساعدهم بس ..
ام حنان : و ان كان نقدر رح نساعدهم يا مها ..
ام فيصل : اكييييد يا ناديه اكيد مواقفها معنا كثير ...
ام حنان : بكره بدق عليها اشوف وش وضعهم ..
ام فيصل : ايييه لازم ندق ..

نرجع مررررره ثااانيه للشباب ... وصلوا الكورنيش ....
الكل نزل من السيارة الا فيصل ... جتت له حنان ....
حنان : يلا انزل وراك قاعد ؟
فيصل : حمد اركب بقولك شي ...
حنان بنفاذ صبر : وشو ؟!
فيصل : بسرعه اركب و قفل الباب ...
ركبت للسياره .....
حنان : وش فيه ؟
فيصل : هتان هنا ... لحقنا من الشقه الى هنا ....
حنان شهقت صدمه : هئئئئئئ و ؤؤش يسوي هنا و ليش لحقنا ؟
فيصل : ما ادري ( لف على ورى ) شوووفيييه هناك و مو لحاله ...
كان هتان واقف بعيد عنهم اشوي متكي ع سيارته مع اخوياه ...
حنان : هئئئئئئئئئئ كل هذول اخوياه ...
فيصل : ههه هذول نصهم ...
حنان مصدومه : ول .. وش ذا .. طـ طيب خل نقولهم نرجع ..
فيصل : ما ينفع وصلنا اللحين .. لا تخاف ما رح يسووا شي دام ااننا مع بعض .. يعني خلك معي لا تفارقني ...
فتح وليد باب السياره يكلمهم ......
وليد : وش عندهم الحبايب يتساسرون بالسياره .. ؟
فيصل خزه : ما عندنا شي ..
وليد : طيب انزلوا ...
فيصل : حمد يلا خلنا ننزل ....
نزلوا من السياره .... حنان ما كانت تهتم لهتان بس من شافت فيصل مرعوب حسته يخوف ...
حنان الله يستر منه يا ترى اش مسوي لفيصل حتى انه مرعوب منه هالقد ..
نواف : حممممممممد ! تعااال شوف البحر يجنن ...
حنان لفت ع فيصل : يلا امش نروح لنواف نشوف البحر ...
فيصل : اوكيه ....

اصايل بعد ما طلعت من المركز راحت بيت العنود على طووول ... صعدت لها غرفتها ... العنود كانت نايمه .... قعدت تصحيها و هي تبكي ..
اصايل تشاهق : العنووووووود .... عنوووده قومي بسرعه ....
العنود تفتح عيونها : اصوووله هذا انتي ....
اصايل تبكي .... العنود صحصحت ثم استوعبت الموقف ...
العنود بخوف : بسم الله عليك وش فيك ؟
اصايل تبكي : هذاك الكلب اهاني ....
العنود بعد تفكير : ليكوووون تقصدين ذاك الولد اللي من المجمع ؟
اصايل : ايييييييه صلااااااح الحقير ...
العنود : هدي حالك عشان افهم منك السالفه .....
اصايل و هي تحاول تهدا : انا ما رح اسامحه و اللحين حقدت عليه اكثر ..
العنود تنهدت : هديتي اللحين ؟
اصايل : أيـ اييييييه ..
العنود : وش صار معك ؟
اصايل : وديته السجن و رحت له اليوم ...
العنود بصددمه : هئئئئئئئ انهبلتي و ليه تروحين له ...
اصايل : يختي مدري حسيت ان ودي اساعده و عاد صار اللي صار ..
العنود : احكي لي بالتفصيل و اش صار ..
اصايل : تيب .......................( حكت لها كل شي )

في الكونيش ........راحوا جنب نواف يشوفوا البحر ..
فيصل : غريب وين وليد و عبدالرحمن و ماجد ؟
نواف : ههههه راحوا يصيدوا بناااات ...
حنان حست بغيره : من جججججججدك ؟!
نواف مستغرب : ايييييه عاادي هذي حركاتهم دايم ...
حنان : حتى وليد عنده ذي السوالف ؟!
نواف : ههههه هذا فنااان بذي السوالف ...
حنان ما تدري ليش بس حست بزعل .....
فيصل لاحظ احباطها ... جت الفكره براسها ممكن تكون حبته بس استبعدها على طول ....
نواف : اسمعوا هم قالوا نتقابل بالمطعم اللي هناك بعد نص ساعه ... خلونا نتمشى و نفلهاا ...
حنان : اوكيه يلااا ..
فيصل اللحين هذا نوافوه وش يبي معنا ودي اتمشى مع حنان لحالي ..
نواف كان يبادل فيصل نفس الشعور وده بعد يتمشى معها لحاله ...
نواف : هاا حمد عجبك المكان ؟
حنان ما كانت معهم تفكر يا ترى وليد اش قاعد يسوي ...
نواف اش فيه كنه متضايق : حمممممد وين سرحت ؟
حنان : هااا بغيت شي ؟
فيصل ليكوون تفكر بوليد لا لا ما اظن : ههههه كان يسألك المكان حلو ؟
حنان : أي ايه حلووو مره حلوو ...

عند وليد و ماجد و عبدالرحمن وصلوا للمطعم بدري ....
عبدالرحمن : وليد صار معك شي انا عارفك منت على بعضك
وليد : يووووووه اللحين بتفتح معي تحقيق ..
عبدالرحن : امممم والله من شفت فيسك عرفت شكله جاك البيت ...
ماجد : امااا جاااك وش يببي ..؟
وليد : هذا اللي احبه فيك يا الدحمي تفهمني .. اموت و اعرف كيف ...
ماجد : احم احمم ....
وليد : ههههههه ...و انت يا مجووود و لا تهون ...
عبدالرحمن : أي قلنا وش يبي هالمره ؟
وليد تنهد بضيق : يبيني اسافر و الاسبوع الجاي ....








عبدالرحمن بضيقه : و على وين هالمره ؟
وليد : لسا ما تحدد ...
ماجد : و كم يوم طيب بتقعد ؟
وليد : برضو ما ادري ...
ماجد : اذا تبيني اجي معك ترى عادي بجي ...
وليد : لا لا انت وراك دراسه ...
ماجد : بالله عليك من متى انا اهتم ... اهم شي عندي انت ...
وليد ابتسم له : الله لا يحرمني منك يا مجوود ...
عبدالرحمن بمزح : هئئئئ و اناااااااااااا !
وليد : ههههههههههه و انت بعد ...

بعد نص ساااعه اجتمعت الشله بالمطعم .....
عبدالرحمن : اشتقنااا لكم يا الحبايب ....
وليد بخبث : هههه اشتقت لهم و لا اشتقت له ؟
عبدالرحمن : و انت بعد تفهمني ياخي ههههههههه ...
نواف اكيد يقصد حمد يقهرني ذا .. يلا يلا سلك له يا نواف ..
فيصل الى متى بتحمل سخافاتهم كنا بنواف صرنا بدحيم .. استغفر الله بس ..
حنان ؟؟؟؟؟؟؟؟؟؟؟؟؟؟؟؟؟؟؟؟؟؟؟ ..
وليد : اقعدوا ليه واقفين ؟
نواف : نستنى الاذن منك طالع عمرك ...
الشباب : هههههههههههههههههههههههههههههههه ...

قعدوا و طلبوا اكل و تعشوا ... فيصل انتبه بهتان قاعد هو وشلته مقابلهم .. حنان كانت ما تشوفهم لانها معطيتهم ظهرها .. و ما كانت قاعده جنب فيصل عشان يهمس لها لا تقوم ...
حنان : الحمد لله شبعت ... بروح اغسل ...
كان فيصل بيقوم معها سبقه نواف ...
نواف : يلا امش اذا تبيني اوديك ...
حنان : لا اذا ما شبعت كمل اكلك ..
نواف : لا شبعت و انا بعد بغسل ...
حنان : اهاا .. يلا اجل ...
اول ما لفت انصدمت هذا هتان قاعد ورانا ... خافت كانت رح ترجع بس ناداها ....
نواف : يلا وش فيك ...
حنان و هي تناظر هتان اللي يبتسم لها : يلا يلا جااااي ...
راحوا للمغاسل .. و كلها ثواني و لحقهم واحد من شلة هتان ..
فيصل كان رح يقوم بس ماجد كان يسولف معه .. ما لقى له تصريفه ..
ماجد : كلمنا عنك و عن حمد ...
فيصل بدون نفس : وش حاب تعرف ؟
ماجد : يعني من متى تعرفوا بعض ؟
فيصل : من طفولتنا ...
ماجد : ما شاء الله ...
عبدالرحمن : والله انك محظوظ بولد خالتك .. ياخي يدخل القلب بسرعه ..
وليد ابتسم : اييييه و خقه بعد ...
عبدالرحمن & ماجد : ههههههههههه ...
فيصل لا رد و لا تعبير ....
فيصل انا مشغول بالي عليها ... هي مع نواف ان شاء الله ما بيصير لها شي .. و الله لو صار شي لاخليك تندم يا هتان ....

كانت واقفه قدام المرايا و نواف دخل للحمامات -اهاع يكرمكم- ..
حنان يا الله اش يبون مننا ذا الهتان و شلته .. اموت و اعرف وش صاير بينه و بين فيصل ... ( تنهدت بتعب ) معلي منهم .. المهم ( بدت تتكلم بصوت عالي شوي ) شكلي مرررررره حلووو .. صدقوني انا ولد وسييييم و جمييييييل و .......
قاطعها : خقققققققه ....

انتـــــــــهى البـــــــــــــــارت
توقعاتكم
- مين اللي قاطعها ؟

بـــــــــــــــــــــــــــــارت [10]

و بخطوات هاديه راحت لغرفته .. فتحت الباب بخفه و طلت عليه ....
حنان شهقت : هئئئئئئئئئ .......
كان قاعد ع الارض جنب سريره مبين عليه الحزن ....
وليد ألتفت للباب بسرعه : حمممممممد ؟! وش تبي ؟
حنان : انا اسف على بالي انك نايم قلت بصحيك ...
وليد ابتسم حتى يضيع ملامح الحزن اللي بوجهه : هههه انصدمت من هذي الفلوس كلها صح ؟!
حنان : ا ا أي صرااحه ما عمري شفت فلوس هالقد ...
وليد : ههههههههه ادري ولد فقر انت ... ( بمزح ) ما كان المفروض تشوفها عشان ما تحسدني ......
حنان بعصبيه : انا ما احسد احد ...
كانت فلوسه مرميه ع السرير كنه متهاوش مع احد او راميها عليه احد ..
حنان باستغراب : ليش الفلوس مرميه كذا ؟!
وليد : طاحت مني .. تساعدني نلمها و ندخلها بالشنطه ..
حنان يا الله طلب مني اساعده فديته : اكيييييد بساعدك ...
وليد بمزح : ههههه بس لا تسرق ....
حنان عصبت : وش شايفني ؟!
وليد بعدم مبالاه : كنت امزح ....
بعد دقااايق ....
حنان : وووه خلصنااا ...
وليد : ثااانكس ع المساعده ...
حنان بفرح : لا ابد انا ما سويت شي ...
وليد : أي صح مره ثانيه اذا جيت بتدخل غرفتي دق الباب ...
حنان باحراج : اوووه اسف نسيييت ...
وليد بشوفة حال : والله مو انك نسيت انت متعود تدخل ع الناس كذا ..
حنان يااا ربي يقهرني ليش كلمني كذا ... بس مع ذلك ما اقدر ازعل منه ..
وليد : وين سرحت ؟
حنان : لا و لا مكان ..
وليد : قولي ليه رجعتوا بدري ( يطالع ساعته اللي بيده ) تو الناس على نهاية الدوام ...
حنان : المعلمين باجتماع و مافي دروس اليوم اخذنا الكتب و جينا ... يلا عن اذنك بروح انام ....
وليد : اوكيه اذنك معك و نوم العوافي ....
حنان بعد ما طلعت تكلم نفسها .. يااا ربي ليش ماني قادره ازعل منه .. اه بس كان ودي اقعد معه اكثر .. يا ليته يحس فيني ...

في المطعم وصلت و قعدت على طاولتها تنتظر خالد .... وصل خالد .. سلم عليها و قعدوا ... في البدايه اثنينهم كان ساكت ... ثم .....
الجوهره : ما ودك تتكلم ؟!
خالد كان متردد انه يتكلم خصوصا بعد اخر لقاء بينهم ...
خالد : انا بـ بصراحه ....
الجوهره : اييييييه ..
خالد : قررت اني اخطبك و قريب ...
الجوهره بصدمه : ايييييييييييش ؟! اكيد تمزح !
خالد بعصبيه : لاااا ما امزح .. اذا ما تزوجتك انتي ما رح اتزوج غيرك ..
الجوهره بقلة صبر : في وحده غيري تحبك لازم تعطيها فرصه ....
خالد ليكون تقصد اختها معقول اختها قالت لها انها تحبني و عشان كذا الجوهره ما تبيني : الجوهره افهميني .. الحب مو على كيفي قلبي اختارك انتي لو تجيبي لي بنات العالم كلهم ما رح اختار الا انتي من بينهم .. و هذي اللي تحبني تشوف غيري اختارت الشخص الغلط ..
الجوهره بزعل : هي بعد مو بكيفها قلبها اختارك ..
خالد : يعني اضحي بسعادتي عشانها ؟َ!
الجوهره : لا انا ما قلت كذا بس عطها فرصه يمكن تحبهاا ..
خالد : مستحييييييييل انا عرفت البنت اللي تتكلمين عنها مين هي اختك العنود ... و على فكره هي اللي خربت بينا ...
الجوهره بعصبيه : لا تقول عن اختي كذا .. ما كان بينا شي اصلا عشان يخترب ...
خالد : ارجووووك اسمعيني .....
الجوهره قاطعته : انا لازم امشي تأخرت ...
خالد : لحظه بس قولي انك تحبيني انا عارف انك تحبيني ...
الجوهره : لا انت غلطاان ...
خالد : مستحيل احب العنود لو تكون اخر بنت ...
الجوهره عطته نظره : مع السلامه ...
خالد لحظه تكفين لحظه لا تضيعين حبنا عشان اختك حرااام عليك و انا وش ذنبي ...

رجع ابو صلاح من مركز الشرطه و وجه ما يبشر بخير ...
ام صلاح بزعل : تكفى قولي ان ولدي بيطلع ...
ابو صلاح بضيقه : محد عارف شي يا ام صلاح محد عارف ..
ام صلاح ببكي : انا عارفه ولدي ما سوى و مستحيل يسوي شي غلط ..
ابو صلاح : و حتى انا عارف .. ما ادري وش اللي قاعد يصير ..
سوسن جت تهدي امهااا ..
سوسن : يمه ان شاء الله انه بيطلع اذكري الله بس ... يبه ليش تأخرت كل ذا الوقت ..
ابو صلاح : يا بنيتي كنت ادور على محامي يكون اجره قليل انتي عارفه راتب تقاعدي على قدي و المحاميين يبي لهم فلوس ..
سوسن : طيب عسى لقيت ؟
ابو صلاح نزل راسه للارض : للأسف ما لقيت ..
سوسن تحاول تصبر نفسها و تصبرهم : معليه ما نقول الا لا حول و لا قوة الا بالله ...
ابو صلاح : و وين اختك ؟
سوسن : بغرفتها تفكر بالمصايب اللي جت ع راسناا اليوم ...
ام صلاح : اييه يا ابو صلاح راعي البيت بيطردنا منه ..
ابو صلاح بقهر : أي قابلته و انا جاي قالي ذا الكلام .. ما ادري ووين نروح .. الاجارات مرتفعه ... اش هالمصايب اللي جتنا اليوم ؟
سوسن : يبه لا تقول كذا ما يجوز .. قول لا حول و لا قوة الا بالله و ان شاء الله ربي معنا و هو القادر و رح يفك ضيقنا ..
و طلعت البنت افهم منهم ما علينا ..الى الان محد يدري ان اصايل ورى مصايبهم ........

في الشقه صحت على صلاة العصر ....
حنان تناظر الساعه اللي جنبها ثم شهقت : اذن الظهر و العالم صلوا و اللحين اذان العصر و احنا ما صحينااااااا ...!
و تنقز من سريرهاا .... تروح لفيصل ...
حنان : فييييييييييييييييصل ... فصيييييييل ... فصيلوووووه .. قم ..
فيصل بالكاد يفتح عيونه : وش فييييييه ...؟!!
حنان : فوتنااا الصلاه قم خل نصلي ...
فيصل : استغفر الله العظيم ... امس ما قدرت انام بالليل ...
حنان تخصرت : و ليه ما قدرت ان شاء الله ؟
فيصل كنت افكر فيك يا حنان ليتك تدرين بس ........
فيصل : ابد افكر بالمدرسه ...
حنان : يلا يلا قم صل الظهر ثم يمكن تلحق على العصر بالمسجد ...
فيصل : وراه وليد النذل ما صحانا ...؟
حنان : ما يندرى يمكن هو بعد نايم ...
فيصل : نااايم ؟! اللي يسمعك كنه قعد من الصبح و داوم ...
حنان : هههه اقول يلا قم و لا يكثر ...
راح توضأ ثم صلى الظهر بعدها راح للمسجد عشان يصلي العصر .. قفلت الباب و صلت الصلاتين .. ثم طلعت للصاله ... كان وليد منسدح ع الكنبه يطقطق على ذا الجوال ..
حنان تصنعت العصبيه : ورى ما قعدتنا للصلاه ؟
وليد ابتسم لها : و انا اشتغل عندكم !
حنان اه على ذي الابتسامه : لا حاشاك ..
وليد : اجل ليه اصحيكم ؟
حنان : خلاص و بتسوي لنا سسالفه اللحين ...
وليد : بعد صلاة العصر الشباب بيجون للشقه يسولفون معنا اشوي ..
حنان ليكون يقصد الغثه نوااف و دحيم .. اه مااااا ابيهم ... ايه صح تذكرت لازم اروح لأمي اليوم عشان اخذ ملفي منها اكيد انها راحت المدرسه و سحبته اليوم ......
حنان ابتسمت بنصر : انا اليوم لازم اروح بيتنا امي تبيني ضروري ..
وليد قعد و تعدل و ناظرها : انت ما لازم تروح .. الشباب جايين يشوفونك ..
حنان باستغراب : وش يشوفون ؟!
وليد ما مسك نفسه : ههههههههههههههههههههههههههههههههه ...
حنان عقدت حجاجها : وش فيه ؟! ياخي فهمني ...
وليد : ياخي انت ثور و لا وش قصتك .. دحيم و نوافوه خاقين عليك ....
حنان غصت ثم كحت ......
وليد : بسم الله عليك .....
حنان : انت وش تقول ؟! و اذا يعني ؟! اش المفروض اني اسوي ؟
وليد : ابد لا تسوي شي بس اقعد لا تروح مكان اليوم عشان ما يزعلوا ..
حنان بدت تعصب : ياخي تراك تقرفني وش تحسون فيه انتوا ؟ .. خل يروح يخق على وحده من بنات الشوارع انا ولد و ان خقوا وش اسوي لهم ...
وليد : ههههههههااي انت ما تفرق عن بنات الشوارع ...
حنان بققت عيونها : هئئئئئئ و وش قلت ؟! ؤش قصدك ؟!
وليد رفع كتوفه : ما قلت شي و لا قصدت شي ..
حنان احس اني ببكي ليش يكلمني كذا .. مع اني احس اني احبه و قلبي يخفق معه ليش يقول عني كذا والله اني .......
و هي شارده بأفكارها و خصلات شعرها على وجهها كان باين عليها الضيقه ما حست فيه جا و قعد جنبها رفع الخصله من ع وجهها ...فزت من مكانها ...
وليد ابتسم بهدوء : ههه ليه خفت هالقدد .. لا تفكر كثير عشان ما تتضايق ..
حنان بارتباك من الحركه اللي سواها : و ؤش يهمك فيه لا تضايقت ؟!
وليد : اكيد يهمني لانك تحمل اسمي ....
حنان تنهدت بتعب ما كانت متوقعه هذا الرد ...
وليد : و اللحين وش فيك ؟ .. اقعد ما رح اسوي لك شي .. تراك صديقي و هذي الاشياء تصير بين الاصدقاء يعين عادي ...
حنان احسه يلعب علي وينه فصييل بعد تأخر : و هذاني قعدت ...
وليد : بس ليش بعيد عني لهالدرجه انا اخوف ...؟
حنان اارتبكت : لا لا انا ما قلت انك تخوف ...
وليد : طيب ممكن اخذ لي صوره معك ؟
حنان مدري انا مبسوطه و لا مو بفاهمه شي بس الاكيد مارح ارفض طلبه : أي ممكن ....
يجي جنبها و يحط ذراعه ع رقبتها و بإيده الثانيه قدام وجهها و مسوي حبتين ^_^ ...
حنان يا ربي قريب مني حيل وجهه قريب من وجهي انفاسه عطره ذراعه حولي .. يااا ناس قلبي بيطلع من محله ارحمني يا وليد قتلتني ...
وليد : حمد ابتسم ...
حنان بخجل ابتسمت ابتسامه تسحر ..
و يلتقط الصوره بجواله ....
وليد يناظر الصوره : هذي احلى صوره اخذتها بحياتي ....
حنان استحت ما ردت ...
وليد : وراه وجهك قلب الوااان ...!
حنان حاولت تغير الوضع : هههه ايش الوااان ؟ مزحك ياخي ما ينبلع .. ا ا انا بروح غرفتي بكلم امي .. و تراي رايح رايح هي تبيني ضروري ..
وليد : اوكيه روح بس بعطيك ساعه و لا تتأخر ...
حنان عطته مقفاها : ان شاء الله ان شاء الله ...
وليد على طول حط الصوره صورته الشخصيه بالبي بي .. و ما انتظر واجد الى ان ارسلوله اخوياه ......
نواف " متى تصورت معه ؟ "
وليد " قبل شوي -قلب- "
نواف هذا مسوي يبي يقهرني " وليش طيب تتصورون مع بعض ؟ "
وليد هههه حبيبي نواف الا يبي يعرف " اذا تبيني اعلمك قل لي وش صار بينكم ذاك اليوم بالغرفه "
نواف حدك ترفع الضغط " ماني بعلمك و انت لا تعلمني اصلا ما يهمني ..."
وليد معليه بتجي اليوم و انا بعرف كيف اتفاهم معك هههههه ..
و من جه ثانيه عبدالرحمن يراسله .....
عبدالرحمن " ياخي والله طالعين خقه بالصوره -فيس خجول- "
وليد " هههه هذا من ذوقك يا حبيبي ..."
عبدالرحمن " طلبتك تكفى "
وليد " امرني وش تبي ؟ "
عبالرحمن " ابي اخذ صوره معه ما شاء الله عليه وجهه جميل خاصه بالصور "
وليد " ابشر اذا وافق خذ معه صوره "
عبدالرحمن " yeeeees .. خلاص اليوم اذا جيناك ان شاء الله "
وليد " اوك "
وليد هههههههه كنت عارف رح تعجبهم الصوره .. و اللحين كل اللي باللسته يسألوني من هذا ....

دخلت غرفتها بالاول ارتمت ع السرير تفكر .......
حنان مدري ليه احس انه يكذب .. هو كان حزين لما دخلت اليوم الصبح غرفته و لا يتهيء لي ... ( بعد صمت ) يعني ليش يحزن هو عايش بعز و كل اللي يبيه عنده .. يعني المفروض انه اسعد انسان ... لحظــــــــه ! انا ما اعرف شي عنه و لا عن اهله .. و اللحين صار عندي فضول اني اعرف بس كيف ؟! ...... عادي اسأله ان حب يجاوبني يجاوب و لا كيفه رح اعرف بطريقتي ..... ( تذكرررررت ) يوووووه صح لازم ادق على امي ....
تاخذ جوالها .....
حنان بسم الله وش ذي الرسايل كلها ... لا و كلها بالبي بي ....خل اكلم امي بعدين اشوف .....
حنان : الوووو .. هلا يمممه ...
ام حنان : هلا و غلا بنيتي كيفك و كيف رجلك ؟
حنان اه بس يا شين الكلمه : يممممه ! اسمه فيصل .. انا بخير و هو بخير ..
ام حنان : والله اشتقت لكم و لهواشكم ....
حنان : هههههههه اهم شي هواشنااا ... اليوم ان شاء الله بنمركم .. إلا قولي لي سحبتي ملفي ...؟
ام حنان : ايييه رحت اليوم و سحبته .. تبين اوديه مدرستك الجديده ..؟
حنان : لااا ماله داااعي .. انا بروح بنفسي ...
ام حنان : طيب متى بتجون اليوم ؟
حنان : بس يرجع فيصل من المسجد بنجي ان شاء الله ...
ام حنان : خلااص اجل عشاكم عندنا .. بسوي لك كل الاكل اللي تحبينه ..
حنان تذكرت وليد قال تطلع ساعه و لا تتأخر : لا يمه ما نقدر نقعد للعشا معنا ساعه بس .. و ورانا دوام بكره نعوضها لكم ان شاء الله يوم الخميس او الجمعه ...
ام حنان تنهدت بزعل : طيب اللي يريحكم ....
حنان : يلا مع السلامه .....
قفلت و فتحت الرسايل اللي بالبي بي .....
حنان وووه 30 رساله من نواف و 25 رساله من دحييم و 120 طلب اضافه ...... سلااامات ... لا و وش ذي القروبات بعد ... لحظه لحظه وليد راسل لي رساله .. بس وحده يا وليد اش هالظلم ....
فتحت رسالته " وش رايك بصورتي الشخصيه - حط قلوب-؟ "
راحت حنان سوت عرض للصوره : هئئئئئئئئئئئئئئئئئئئئئ صورتي انتشرت ياااااااااا ويلي ويلااااااااااااااااااااه حرااااااام عليك ليش كذا ..

طلعت من غرفتها و هي بقمة عصبيتها لدرجة ما عاد تشوف شي ودها تكفخه .. و رجعت البنت العربجيه راحت له الصاله هو يناظرها و هي معصبه ... مشت له بخطوات واثقه جريئه بقمة قهرها .. تمسكه من ياقته ... و هو يوقف ....
حنان تصارخ : لييييييييييييش صورتي تنشرها ؟!
وليد عض شفته حط ايده على يدها و ابعدها عنه : مو انت اللي تمد يدك علي فاااااااهم ...
و يدفها ع الكنبه بقوه ...... و فيصل جا من المسجد ....
حنان متحجره دموعها متألمه من وليد .. و وليد قعد بعيد عنها لما شاف فيصل و مسك جواله .....
فيصل واضح عليها ماسكه دموعها وش صار : حمد وش فيك ؟
حنان ابتسمت غصب : لا مافي شي .. عن اذنكم ...
دخلت الغرفه قفلت الباب ما تدري ليه ودها تبكي ....... ارتمت ع سريرهاا كاتمه بكيتها ....
فيصل يناظر وليد بحقد : وش سويت له ؟
وليد بدون ما يرفع بصره عن الجوال : وش ممكن اسوي له يعني ؟
فيصل مقهور لكن مسك نفسه وراح يدق باب الغرفه .......
فيصل : حمووووو افتح الباب ...
حنان : لا رد
فيصل بمزح : ترى هذي غرفتي بعد لا تنسى و انا ابي ادخل غرفتي ...
قامت مسحت دموعها و ضبطت شكلها ثم فتحت له الباب و رجعت قعدت على سريرها .....
فيصل قعد جنبها : تكفى قل لي اش فيك و وش صار بينك و بين وليد ؟
حنان تحاول ما تبكي : ما صار شي صدقني لو صار اكيد بقولك .. يعني بس تناجرنا زي الاصحاب شي طبيعي ...
فيصل : و ليه تناجرتوا و على وشو ؟
حنان بارتباك : يعني .. ع الاكل .. يعني .. ليه ما في بالثلاجه .. و كذاا ...
فيصل ما اقتنع : اهاا .. احسن له ما يكون مسوي لك شي مره ثانيه اذا انا طلعت انت خلك بالغرفه و قفل الباب احسن لك و له ....
حنان طاحت دمعتها غصب عنها : ان شاء الله ...
انتبه فيها فيصل و بحركه جريئه مسح دمعتها ثم ضمها لصدره ....
فيصل ~~
تعالي بحضني لك فيه امان ..
خليني اضمك داخل ضلوعي ..
اييه يمكن احبك تراي انسان ..
و دمعتك ما تهون ليتها دموعي ..
تكفين خلك بحضني لا تفارقيني انا بحميك من الكل .. بدا قلبي ينبض باسمك بدت روحي تتعلق فيك .. يمكن احبك من زمان بس توني دريت تكفين .........
حنان بصدمه : انت خنقتني وش تسوي ؟
فيصل يهمس باذنها : عادي اضمك لصدري انتي زوجتي ....
حنان ابعدته عنها بقوه و قامت تضرب ع صدره وتبكي و تصارخ : لا تقوووول ذي الكلمه لا تقووولها انت ولد خالتي و بس ... انت انت احنا اتفقنا كذا .. لا تعيدهااااا تكفى .... ( ثم بعدت عنه )
فيصل بزعل : وش فيها لو صرنا زوج و زوجه .. احنا ع الورق كذا !
حنان بقهر و عصبيه : اوووووص لا يسمعك وليد .. انت اش فيك ليش انقلب حالك كذا ؟!
فيصل : خلاص لا تزعل ما تحملت اشوف دموعك اول مره اشوفها و ضميتك و اذا انا غلطان خلاص انا اسف ... ( ثم طلع من الغرفه )
حنان اش فيهم الناس اليوم ؟! .. خل اروح اتسبح و اجهز حالي ثم نروح لامي ... و هذا وليد ما يستاهل ابكي عشانه ......

نواف طلب يقابل عبدالرحمن باحد الكافيهات قبل يروحوا الشقه .......
نواف : كيفك ؟
عبدالرحمن : ههههههه بدون مقدمات ليه طلبت تشوفني ؟!
نواف : و وش الغريب احنا اصحاب عادي اذا حبيت اشووفك ...
عبدالرحمن : اممم احس في بفمك حكي ... دام احنا اصحاب احكي ..
نواف : امس بالمجمع ليه وليد دق عليك و طلب منك تجي هذا الشي ماني قادر افهمه ...
عبدالرحمن : يمكن لانه فاهمني .....
نواف باستغراب : وش فاهمك فيه ؟
عبدالرحمن : انا احب الوجيه الحلوووه خاااصه اللي يشبهون البنات اخق عليهم ياخي ...
نواف عصب : وش قصدك ؟ ليكون تقصد حمد ؟
عبدالرحمن : و هو وجهه جميل ما عليه كلام .. يصلح ااخاويه ...
نواف ما مسك نفسه ضرب ع الطاوله : انتبه تسوي شي لحمد ...

عبدالرحمن : ليش ذا التعصيب كله .. ما قلت شي بس بصير خويه يعني اصحاب لا اكثر ...
نواف هدا شوي : خلاص ما قلنا شي ..
عبدالرحمن : ياخي روووق الحياااه فلللله ... اقول خلنا نصير اصحاب و نفلها مع بعض ...
نواف : احنا اصحاب من قبل ...
عبدالرحمن : ويييين انت ما تعطيني وجهه .. انت اطلع معي بس مره و تشوف الفله ع اصولها والله يا اني اعرف لك بناااات لا اخليك تستانس ..
نواف ابتسم : من جد ؟
عبدالرحمن : ههههه أي والله حتى وليد من قبلك استانس ...
نواف : وااااو شكلك فاااله صح ..
عبدالرحمن : اكييييييييد الحياه كلها وناااسه ...
نواف عادي سوي أي شي الا حمد لا تقربه .......
عبدالرحمن : وين رحت ؟
نواف : لا معك ... اقول امش خل نروح لوليد ...
عبدالرحمن يناظر ساعته : أي صح اتفقنا نمره اللحين ...

طلعت من غرفتها مجهزه حالها ...
حنان تناظر فيصل : يلا قم بنروح للأهل ...
فيصل بدون نفس : يلاااا ..
وليد : معكم ساعه و ارجعوا .. و السواق تحت هو بيوصلكم ...
حنان : طيب فهمنا بعد ساعه بنرجع ...
وليد وراه معصب .....!
ركبت و ما نطقت بأي حرف و لا حتى ناظرته ...
جا فيصل بيركب انتبه ان هتان و شلته واقفين مقابل العماره بسيارتهم .. انصدم بقوووه لما شافهم كانوا يناظروهم بشر ... يااا ربي وش يبي ذا اللحين و ليش لحقنا للبيت و مستنينا بعد ...
فيصل : قربنا نوصل ... جبتي اغراضك معك ( يقصد العباه ) ؟
حنان بدون ما تناظره : أي جبتها ...
فيصل للسواق : وقف هنا ....
راحت ورى جدار لبست عباته فوق التي شيرت و البنطلون ... ثم كملوا باقي الطريق مشي ....
فيصل يا اني اشتقت اشوفك بالعباه .. اشتقت اشوفك بنت .... اه بس ..
وصلوا البيت سلمت على امها و خالتها و سعد و سعود .. قعدوا يشربوا قهوه و يسولفوا ........
ام فيصل : سمعتوا باللي صار بعائلة ام صلاح ؟
حنان بصدمه : لييييييه وش صار ؟
ام حنان : يا بنتي لا تخافي ما به شي خطير ... صلاح يقولون جت الشرطه و خذته اليوم الصبح ....
حنان : ييييه و لييييه ؟! اللحين اكيد سميه متضايقه و تبكي ..(ا انا لازم امرها بس اخاف تطردني او تقولي كلام ما ودي اسمعه ما رح اتحمل .. بس ولو هي بمصيبه اللحين لازم اوقف معها ...)
ام فيصل : والله محد يدري اش اللي قاعد يصير ببيتهم ....
حنان تناظر الساعه .. باقي نص ساعه و لازم نرجع للشقه يلا يمديني اروح ع الاقل 5 دقايق ...
ام حنان : وش تفكرين فيه يا حنان ؟
حنان : يمه خلينا نروح بيتهم بوقف معهم بضيقتهم ...
ام حنان : والله و انتي صادقه ..
حنان : بسرعه يمه روحي جيبي عباتك و شنطتك و انتي يا خالتي بعد ما باقي وقت و لازم نرجع للشقه ...
ام حنان & ام فيصل : طيب يلا رايحين ...
ام حنان : اي صح بجيب ملفك معي عشان ما انسى بعدين ...
حنان : اوكيه ..
بعد ما راحوا ......
حنان : فيصل انت اللي بتودينا ...
فيصل : اكييييد مافي غيري ..
حنان لفت وجهه عنه تذكرت انها زعلانه منه ع الحركه اللي سواها من قبل ...

اجتمعوا الشباب بالشقه ما عدا خالد و خويه سامي .. خالد كان متضايق من اللي صار بينه و بين الجوهره و طلع يتمشى مع سامي لحالهم ...
عبدالرحمن يتصنع الزعل : اممم الشقه مو حلوه بدون خويناا حموود ..
وليد يناظر نواف باهتمام
نواف لا تعليق ....
عبدالرحمن : وراكم ساكتين اكلم جدران انا ..؟
ماجد : هههههههههه ما يندرى وش فيهم ...
نواف : انا ما فيني شي ...
وليد : لا ما فيك شي بس اذا جا حمد بتصير اوووكيه هههههههه ...
نواف كان وده يكفخه بس مسك اعصابه : ما برد عليك لان عقلك صغير ..
عبدالرحمن & ماجد : هههههههههههههههههههههههههههههههه ....
عبدالرحمن : وليييييد رد عليه حرق ام جبهتك هههههههه ...
وليد : هههههههه لا معليك انا اللي ما برد عليه لان عقله كبير ما يناسب مستوانا ....
عبدالرحمن : وووووووووووه ... و الله خططير يا وليد هههههههه ...
نواف ماا اهتم و لا رد و لا علق ...
ماجد : قوموا خلونا نلعب بسوي دوري ...
وليد : أي و دخل حمد و فيصل بس خلهم اخر شي .. بعد نص ساعه بيجوا ...
عبدالرحمن : حلو حلووو .. السهره ما تحلى بدونهم ...
وليد : أي سهره ؟ مافي سهره اليوم على 10 الكل يرجع بيته ...
نواف بدون نفس : طرده يعني ...
وليد يناظره بنص عين : وراهم دوام بكره .....
ماجد : خلاااااص اللي هو ... اللحين خلونا نلعب و نستانس ...

راحوا لام صلاح استقبلتهم و كان مبين عليها الحزن ...
ام صلاح : حياااكم تو ما نور ...
ام حنان : منور بوجودك يا وخيتي ...
ام فيصل : وش صار على ولدك ؟
ام صلاح حكت لهم كل شي ..........
حنان شهقت : هئئئئ مستحيل صلاح يسوي كذا ...
ام حنان : أي والله و انا اشهد ... ولد مظلوم ...
حنان : خالتي ابي اروح اشوف سميه ...
ام صلاح : أي عادي حبيبتي روحي ...
راحت بتشوفها كانت سوسن واقفه قدام باب الغرفه ....
حنان : هلا سوسن اش اخبارك ؟
سوسن : اخباري زفت .. انتي اش جايبك بيتنا ؟
حنان : ليش تكلميني كذا ؟!
سوسن : و ليش انا اشلون اكلمك ؟!
حنان : اذا ممكن ودي اشوف سميه ...
سوسن : سميه نايمه و ما تبي تشوف احد و حتى لو انها صاحيه ما رح ترضى تشوفك ...
حنان بتررجي : بس خليني اكلمها و افهمها .....
سوسن : ارجعي من مكان ما جيتي هي مو حابه تشوفك لا تخليني اعيد كلامي و لو تنسين وحده اسمها سميه يكون احسن ....
حنان بحزن : ببببس ...........
سوسن قاطعتها : بتمشين و لا نسوي هوشه هنا ؟
حنان بقلة حيله : خلااااص طااالعه ....
حنان تناظر الساعه يا الله تأخرت ...
راحت لامها .....
حنان : يمه انا و فيصل لازم نمشي ....
ام حنان : طيب يا بنتي ...
حنان سلمت على امها و خالتها ثم مشت ..... و هي طالعه مع فيصل كانت تناظرهم من شباك غرفتها اللي تعودت تشوف فيصل منه ...
سميه بزعل و دموعها على خدها طعنتيني بظهري يا حنااان ما رح اسامحك لا دنيا و لا اخره ..

راحوا للبيت فسخت العباه و طلعوا مع السوااق ....
فيصل يحاول يفتح معها موضوع : كيف حال الجيران ؟
حنان ماسكه دموعها و ما ردت عليه .....
فيصل لف للشباك بقهر ....
لما وصلوا نزل فيصل يتلفت حوله يدور هتان بعده موجود و لا راح ...
فيصل تنهد براحه الحمد لله مو موجود ....
وصلت للشقه و نفسها بخشمها ما كانت رايقه لشي ... اول ما دخلت الكل كان موجود ...
حنان : السلام عليكم ...
الكل : عليكم السلام ....
حنان : عن اذنكم ...
الكل : على وييييييييييين ؟!
حنان لا رد ... راحت و ما اهتمت لاحد الكل لاحظ انها متضايقه ...
وليد لفيصل : وش فيه ؟!
فيصل : وش يدريني عنه ؟
ماجد : غريب ما انت كنت معه ....
فيصل : لحد يسألني اذا حابين تعرفوا اسألوه بنفسكم ....
بالنسبه لها قفلت على نفسها الباب .. ما توقعت ان كل هذا شايلينه بقلبهم عليها اقصد سوسن و سميه حاسه بقهر و زعل ...
عبدالرحمن : يييوووه ضاقت صدورنا دامه ضايق ...
فيصل رفع حاجب : و ليهه يعيني ؟
عبدالرحمن : خوينا ما يضيق صدرنا عليه !
وليد : انا بروح اشوف وش فيه .....
نواف تكلم بدون تفكير : لااا خلني انا اروح ....
فيصل عصب : و لا احد يروح هو اذا متضايق يحب يقعد لحاله خلوه على راحته .....
وليد ناظره بغرور : كأني باخذ الاذن منك يعني .. انا رايح رايح ...
فيصل عض شفايفه بقهر .. جعلك المحاي يا وليدوووه النذل ....

انتــــــــــــهى البــــــــــــــــارت
- افضل موقف عجبكم من هذا البارت ؟؟؟؟

اتحفوني بردودكم

عذرا ع التأخير محد يفضى .. يلااا وصل البارت

بـــــــــــــــــــــــــــــارت [9]

وليد ابتسم ثم بدا ياكل ...
حنان يااا فديييييييته يهبببببببل حتى و هو ياكل و هو يضحك و هو يعصب وااااااه بس بكل حالاته يهبل ....
حنان : صارت الساعه 6 لازم اروح اصحي فيصل ...
وليد ناظرها بنص عين : يعني انت تاخذ الاذن مني ؟
حنان خزته : لااا طالع عمرك .. بس قلت اقولك ( و يا ليتك تستاهل احد يقولك ) ...
وليد كتم الضحكه و لما مشت فطس ضحك الاخ مستمتع حيييييييل ...

راحت بتصحيه لقته صاحي و تسبح و مخلص قاعد يضبط شعره قدام المرايا ...
حنان : اوووه غريب قعدت بدون احد يصحيك ...
فيصل تنهد : اصلا بعد ما طلعت ما نمت خلاص صحيتني ... اخذت شاور و لبست و جهزت حالي ...
حنان : ايييييه زين .. شلت عني هم اني اصحيك ...
فيصل : اللحين انا صاير هم ؟!
حنان : هههههه لا تدقق على كل شي ...
فيصل يناظرها من فوق لتحت : خف على نفسك ليش كل ذي الكشخه ..
حنان : وشو احس اني لابس عادي .. لازم ابين اني ولد تاجر ..
فيصل : هههههههههههههههه والله كذا الكل بيقعد يناظرك و محد بيتركك في حالك ...
حنان تخصرت : وش تقترح اسوي مثلا ؟
فيصل : عادي ألبس ثوب بدون تطريز و الغترة خلها متعكسه حاجه بسيطه .. و الساعه الماركه هذي ماله داعي تلبسها ...و نعالك -الله يكرمكم- ليش ماخذ وحده غاليه .. و شعرك ( حط اصبعه ع ذقنه ) يبي له حلاقه .....
حنان شهقت : هئئئئئئئ إلا شعري ما اسمح لك ....
فيصل : ما كنه طويل شوي ..
حنان : لا كذا حلوو .. يبيني ولد وسيييييييم ...
فيصل ناظرها بحده : انا ابيك تطلع شين ... ماني ناقص بلاااوي ...
الا ويدخل وليد غرفتهم .....
فيصل بعصبيه : خيييييييير ان شاء الله !
وليد : الخير بوجهك .. هذا بيتي و انا داخل وحده من غرفه عااادي ...
فيصل ناظره بحقد ثم لف على حنان : سوي اللي قلت لك عليه ..
وليد : سمعت انك تبي حمد يطلع شين !
فيصل : أي و طيب .....
وليد : ما حزززرت .. لازم يطلع احلى واحد بالمدرسه و شكله كذا عاجبني يعني لا تغير شي سمعت ...
حنان بدت المشاكل اللحين اسمع كلام مين منهم ؟!
فيصل : لا لازم يغير .. اذا تعرف كل شي عن مدرستنا .. فـ المفروض انت اللي تقوله ذا الكلام ..
وليد تكتف : حمد ما ينخاف عليه لانه بيكون معك .. وانا و اياه اتفقنا انه بيسمع كلامي هو رايح يدرس بإسمي ...
فيصل الله لا يسامحنا يوم اننا وافقنا اننا نشتغل معك و هذي الشغله بالذات ..
وليد ناظر حنان ثم ابتسم بخبث : انت كذا تهبل .. و انت كذا تشبهني .. و شد حيلك ...
حنان خقت على كلامه و تجمدت بمكانها و هي تناظره مبتسم لها ..
فيصل : اللي بفهمه ليه مصر انه لازم نداوم اول يوم محد بيداوم !
وليد : انا ابي اسمي يكون طالب مثالي ما يفوت ولا يوم دراسي ...
فيصل بسخريه : قالوا لك ان حمد مصطفى ع غفله ؟َ!
وليد : ههههههه ما تضحك بس ضحكت حتى لا تزعل ...
فيصل ياا ناااس يقهرني ودي اكفخه : ماني بزاعل ع شي تافهه (قال بصةت غير مسموع ) زيك ...
وليد : يلااا اخليكم اجهزوا بسرعه السواق ينتظر تحت ...
حنان بفرح : ان شاء الله طالع عمرك ...
وليد عطاها ذيك الابتسامه اللي تخق عليها ثم راح ..
فيصل مستغرب حده : طاااااااالع عمرررررررررررك ؟!
حنان : هههههههههههههه ( اكتفت بالضحك ) ...

كان يجهز حاله بيطلع لدوامه ... اندق جرس بيتهم ... ما كان في احد صاحي غيره ...
صلاح غرييييييب مين جاي بذا الوقت ..؟
راح يفتح الباب و انصدم بوجود الشرطه .....
الشرطي : السياره هذي لك ( يأشر على سيارته الكامري ) ؟
صلاح بصدمه : أي لي .. بس وش السالفه ؟!
الشرطي : تفضل معنا ...
صلاح بخوف : لحظه لييييييش انا اش مسوي ؟
الشرطي : تعال معنا و بتعرف كل شي ...
صحى ابوه على اصواتهم و طلع يشوف اش القصه تفاجأ لما شاف الشرطه ...
ابو صلاح : صلااااااااح وش فيه ؟!
صلاح : والله ما ادري يا يبا الشرطه يبوني ...
ابو صلاح : لا حول و لا قوة الا بالله ( يصارخ عليه ) انت وش مسوي ؟
صلاح : والله يا يبا ما سويت شي ورب البيت ...
ابو صلاح بزعل : خلاص انا بلحقك للمركز بشوف وش القصه ....
ام صلاح كانت تبكي مو عارفه اش تسوي و البنات بحالة صدمه محد عارف اش صار .......

نرجع للشقه كان وقت الروحه للمدرسه .... ركبت السيارة هي و فيصل ...
فيصل : ام الاحراااج اني ما اعرف اسوق شي يخجل ....
حنان : و لا احراج و لا شي احنا على قد حالنا و ما عندنا سيارة و لا عندنا اب حتى يعلمك ...
فيصل بحزن : الحمدلله على كل حال ... يلا انا اعرف اسوق شوي مو مره عمار علمني ...

حنان : حلووو يعني تعرف الاساسيات !
فيصل : تقريبا ..
حنان لفت عليه بجديه : انا ودي اتعلم اسوووق ...
فيصل بقق عيونه : ايييييييييش !
حنان : اللي سمعته اللحين انا ولد ...
فيصل تنهد بتعب ثم لف ع الشباك : سوي اللي تبيه ...
بعد لحظااات .....
حنان : انا كثير متحمس متى نوصل ؟
فيصل : قربنا ما بقى شي ...
وصلوا للمدرسه .........
فيصل : يلا انزل ...
حنان بعفويه مسكت يده : مدري ليه يوم وصلنا احس اني خايف ...
فيصل تنهد : يوم جا وقت الجد خفت .. ع العموم لا تخاف دام اني معك ما رح اسمح لاي احد انه يأذيك ..
حنان تنهدت بضيقه : شـ شكرااا ...
فيصل : يلا يلا اصلا ما رح يداوم كثير اليوم ( يا رب ان هتان ما داوم مع اني ما اظن ) .....

نروح لمركز الشرطه دخلوه ع الضابط و كان لابس لبسه العسكري ع اساس انه بيروح دوامه لانه شغال بالجيش إلا ان الشرطه فاجئوه عند الباب ...
الضابط كان ماسك كيس رماه ع مكتبه : ممكن اعرف هذا ايش ؟!
صلاح بصدمه : و انا اش دراني ...!
الضابط بعصبيه : تستغبي انت .. تستهبل معي !
صلاح : والله ماني فاهم شي !!
الضابط : هذا كيس مخدرات لقيناه بسيارتك جانا بلاغ انك مروج ....
صلاح كان بيغمى عليه من الصدمه : كـ كـ كيييييييييييف ؟!
الضابط يكمل تهزيء : هذا و انت عسكري تمثل الوطن و الحكومه تمثل أمن للمواطن .. تطلع مرووووج ...
صلاح دموعه متحجره بعيونه : والله اني مو مروج و هذ الكيس ما ادري عنه ...
الضابط : عمرك شفت مجرم يعترف بجريمته ؟؟!
صلاح : مستحيييييييل اخون وطني مستحيل اسوي شي زي كذا انا احب وظيفتي و ما ابي اخسرها تحملت التعب الى ان وصلت للي وصلت له .. مستحيييييييييل اسوي كذا ..
الضابط بعدم اقتناع : بنكمل تحقيق و نشوف .... ياااااا عسكري ...
دخل العسكري و دق تحيه .....
الضابط : خذه للتوقيف الى ان نخلص تحقيق ...
العسكري : سم طالع عمرك ..
حط الكلبشات بإيدينه و طلعه لبرى و هو طالع قابل ابوه ...
ابو صلاح : يا ولدي وش صار ؟ ليه مسكوك ؟
صلاح : يبه لاقيين كيس مخدرات بسيارتي و انا ربي شاهد علي ما لي أي علاقه بذا الكيس ...
ابو صلاح نزل راسه بحزن : انت تربيتي و انا مصدقك .. مستحيل ولدي صلاح يسوي شي زي كذا و هو يخاف ربه ...
صلاح ع وشك يبكي : يبببببه اناااا مظلوووووم ...
اخذه العسكري للتوقيف ...
ابو صلاح : لا حول و لا قوة الا بالله ....
جا بيدخل للضابط ما سمحوا له قال ايش الضابط مشغول ...

هناك بالمدرسه دخلت مع فيصل و قلبها يملاه الخوف لانه اول يوم و كلهم اولاد .....
فيصل : خلينا نستنى هنا ...
حنان باستغراب : عند الباب ؟! ليييييش !
فيصل : عشان عمار بكلمه قبل لا يفضحنا ....
حنان : ايييييه صح طيب ....
كان فيه مكان جنب بوابة المدرسه كنه كرسي و هو جدار قعدوا عليه ..
فيصل : حمد ااووه قصدي وليد حط لثمه ...
حنان : و ليييييه !؟
فيصل : بس ما ودي احد يشوفك ...
حنان بمزح : هههههه بدينا الغيره ...
فيصل : قال الغيره قال ... حطها و انت ساكت ...
حنان : طيب بحطها ...
قامت تحاول تسويها ما عرفت ...
فيصل : ههههههههههههههههههههههههههههه وش سويت بعمرك ؟
حنان : انت تقول اتلثم تلثمت ...
فيصل : هههه خل انا اسوي لك مو كذا اللثمه ...
و يقعد يعدل لها .. و يمر من جنبهم و هو يناظرهم بحقد .. انتبه عليه فيصل و على نظراته اللي ما تبشر بخير ......
فيصل وش جابه ذا اليوووم ما توقعته يجي .. الله يستر منه لا قام يناظر كذا ...
حنان انتبهت انه تضايق : وش فيك ؟
فيصل : مافي شي .. المهم لثمتك صارت اوووكيه اللحين ...
لحظات و وصل عمار مر من البوابه و ما انتبه فيهم شافه فيصل ناداه ....
فيصل : عماااااااااااااااااااااار ...
ألتفت له : يااا هلاااا والله ... غريب داومت اليوم !
فيصل : الناس تسلم بعدين تسأل ...
عمار : هههههه اسف .. اخبارك و اش مسوي ...
فيصل : الحمد لله و انت ؟
عمار : و وين ولد خالتك ...
فيصل : أي على طاريه بقولك عنه سالفه بيني و بينك و انتبه تطلع لاحد لو احد عرف بنروح في داهيه ...
عمار باهتمام : اقلقتني وش فيه حمد ؟! تعال نقعد معه و انا افهمك كل شي ..
جا سلم ع حنان ثم قعد معهم ....
عمار : وش السالفه وش فيه حمد ؟
فيصل : انت ما لازم تقول حمد لازم تناديه وليد ... اهم شي تكفى قل لي ان محد يعرف عن حمد او كلمت احد عنه ...
عمار : صرااحه لا ....
فيصل تنهد براحه : الحمد لله ..
عمار : أي بس ليش لازم اناديه وليد ؟!
حكى له فيصل كل شي و عن حاجتهم للفلوس .......

دق جوالها المكالمه اللي كانت تستناها .......
اصايل : الووو .. هلا تركي (مدير اعمالهم سبق ذكره ) ...
تركي : اهلا طالع عمرك ...
اصايل : بشر اش صار ...
تركي : ما صار الا اللي يرضيك طالع عمرك .. اللحين هو موقف بالسجن ...
اصايل : هههههههههههههههههه احلى خبر سمعته مع هالصباح ...
تركي : تآمرين شي ثاني طالع عمرك ..
اصايل : اييييييه عااايلتهم ابيهم بالشارع ...
تركي : احنا حاليا نشتغل على الموضوع يومين بالكثير و رح يصير اللي تبينه ..
اصايل استانست : شكرااااااا تروك ما ننحرم .. يلا باي .....

في بيت العنود و الجوهره قعدوا من الصباح ....
الجوهره : انا بنام لي ساعه لا صارت 7 صحيني سمعتي يا العنود ...
العنود : ليه وش عندك ؟!
الجوهره : بداوم الجامعه عندي شوية مشاكل بحلها ....
العنود : اهاااا اوووكيه ان شاء الله بصحيك ..
دق جوال العنود ......
العنود : هلااا اصوله اش عندك داقه بذا الوقت ؟
اصايل : يووووووه ما اانتبهت للوقت من الفرحه ...
العنود تربعت : وشو وشو وش صار ؟
اصايل بفرح : وديته السججججججن ...
العنود شهقت صدمه : هئئئئ من جدك ؟؟؟؟!
اصايل : أي والله سويتها و انا بنت ابوي ...
العنود : اييييه كفووو والله ...
اصايل : لسا لسا ما خلصت باقي اهله ...
العنود : ههههه هذي اصايل لازم تحطمين العايله كلهم ..
اصايل : اييييييه اكيد .. إلا انتي متى بتنامي و اصلا ليش صاحيه بذا الوقت ؟
العنود : بيني و بينك كنت افكر اداوم بس كل خوياتي قالوا ما رح يداوموا يعني قمت ع الفاضي .. و الى اللحين ما جاني نوم و الجوهره وصتني اصحيها الساعه 7 ..
اصايل : ليه وش عندها هي بعد ؟!
العنود : مدري عنهاا تبي تداوم ...
ثم قعدوا سواااالف عن خطط اصايل و اش رح تسوي بصلاح المسكين ..

نرجع لمدرسة الاولاد .......
عمار : كل ذا صار لك و ما علمتني ... دامك محتاج فلوس كان قلت لي و لا تورط ولد خالتك حرااام ...
فيصل تنهد : و اذا هو وافق على عرض وليد على طول وش اسوي له ؟
عمار : امممم .. شكله ما يعرف عن هتان ...
فيصل : أي ما يعرف لسا ما قلت له شي ...
حنان : و انا من امس اترجاه يحكي لي يلا قول ...
فيصل : اسمعني كويس .. هذا هتان في نفس سننا لكن عاد سنه و اللحين هو بثاني ثانوي .. هذا الادمي لا تقرب منه خير شر ان ناظرك شيل نظرك عنه و ان كلمك او ناداك لا ترد عليه تعال لاي واحد مننا .. و الافضل ما تفارقني لا انا و لا عمار اذا هذا الآدمي موجود بالمدرسه ..
حنان : و ليش كل هذا و من يطلع هذا هتان ؟!
عمار : هذا اكبر مشكلجي بمدرستنا .. افكاره انحرافيه و راعي طلعات .. و ان حط احد بباله ما يتركه في حاله .. و اقرب مثاااال ......
فيصل قاطعه : ماله داعي تقوله .. المهم خل بالك منه لا تتورط معه بأي شكل من الاشكال .. و لا تمشي لحالك لأي مكان و لا تروح مكان ما فيه احد ...
حنان : بديت اخاف صراحه .. يعني اش رح يسوي ...
عمار : هههه ما ألومك ما تعرفه .. هذا وصل لمرحلة يخطف فيها .. انتبه منه بس ..
حنان يممممه مين هذا : طيب ليه ساكتين عنه بلغوا عنه الشرطه ..
فيصل : ما في أي دليل عليه .. هذا داهيه و ذكي ينخاف منه ...
عمار : أي و عنده شله كبيره كلهم من نفس نوعيته .. هاذيلا بعد انتبه منهم ...
فيصل : و اللحين عرفت كل شي خلك مفتح و انتبه على نفسك .. يلا قوموا خلونا نشوف اسمائنا وين ...
عمار : يلااا .. انا اعتقد ان انا و انت في نفس الفصل نفس كل مره ..
فيصل : قول ان شاء الله ... ( اما حنان اعتقد انها بتكون بعد معي دام ان وليد يعرف كل شي عن مدرستنا اكيد ما رح يخليها تفارقني عشان احميها و عشان سمعتها ههههه كني بديت افهم طريقة تفكيره ..)
عمار : ان شاء الله ...
و فعلا طلعت اسمائهم مع بعض بنفس الصف .....
فيصل ابتسم بنصر : مثل ما توقعت ...
حنان باستغراب : وشو اللي كنت متوقعه ؟!
فيصل : امش بس خلنا نقعد بأماكننا ..
حنان : و وين بيصير مكاننا ؟
فيصل : اكييييد ورى ...
حنان تهمس : ليش ورى ؟.. انت ما سمعت وليدوه يقول يبيني اصير دفره و الدفارى يقعدون قدام هذا اللي اعرفه ...
فيصل : هههههههه اقول امش و بس ...
حنان : كيفك انا قلت اللي عندي ..
قعدوا حنان و فيصل بالزاويه اخر الفصل ... و عمار قدامهم ...
عمار : فصووول ترى حتى راجح معنا بالصف بقعده جنبي .. بس شكله اليوم ما رح يداوم ...
حنان : مين بعد راجح ؟
فيصل : هذا واحد نعتمد عليه كثير ما شاء الله جسم و قوي .. شلة هتان لا شافوه معنا يتروعون ...
حنان : و اليوم هو ما رح يجي ؟! ( شهقت ) يعني شلة هتان ممكن يصفقونا اليوم ؟
فيصل & عمار : ههههههههههههههههههههههه ...
حنان بصدمه : ما قلت شي يضحك .. اذا بتتصفقون انتوا لا تدخلوني معكم ماني حق هوشات ( وين ايامك يا مدرستي كنت اتفنن بالهوشات ) ..
فيصل : لا ما عليك اذا احنا ما ردينا عليه محد رح يتهاوش ..
شوي و دخل عليهم طالب ......
الطالب : يا شباب المعلمين اليوم عندهم اجتماع و بيطولون .. ارسلوني ابلغكم اللي يبي يستلم كتبه ينزل تحت عند الادارة ياخذها و يطلع لبيتهم و من بكره بتبدا الدروس ... راااحوا كل الطلاب ما بقى الا الثلاثه بالفصل ..
فيصل : قلنا للثور وليد مافي شي بأول يوم الا انه اصر علينا نداوم ..
حنان ببرود : عاااادي الرجال عطانا مبلغ و قدره خله يتشرط ..
فيصل : عااد زودها ... انا مستغرب وش جاب هتان اليوم ؟
عمار : عادي شكله زهق من الشوارع و البيت .. هههه و يبي يشوف طلاب سنه اولى ..
حنان باستغراب : و ليش يشوفهم ؟!
فيصل : عشان اللي يعجبه يدخله شلتهم ....
حنان : اهااا .. ( والله شكلهم منتهيين هذي الشله )
عمار : اقول ورى ما تفك اللثمه ...
كان مار لفصلهم من اللقافه يبي يشوف ......
حنان بمزح : فيصل يغار علي ما يبي احد يشوف جمالي ...
عمار : ههههههههههههههههههههه لحد يسمعك يفهم غلط ...

هتان : يغااار عليك ؟! ورينا الجمال خلنا نشوف ...
وقف بوجهه فيصل ......
فيصل : و اذا قلنا لك لا ....
هتان ابتسم بشر : و هو بيتلثم طول عمره .. بعدين من هذا ؟
فيصل : و انت وش دخلك ؟
هتان عطاها نظره ثم مشى : اشوفك يا جمييييل ....
فيصل عصب : ليكووووون اللحين حطه في باله ....
حنان بثقه : و اذا دامكم معي ما رح يسوي شي ...
فيصل مسك اعصابه و قعد : هذا بينتقم مني بأي طريقه ..
حنان : ليه انت وش مسوي له ؟
فيصل : يا كثر اسئلتك مو لازم تعرف ...
حنان رفعت حاجبها : خلااص خلااص اعصابك ما قلنا شي لا تعلمني كيفك ...
فيصل : اعذرني يا حمد انا لا شفت وجهه اتضايق ...
حنان : اووووه لا تنسى انا وليد .. انتبه لازم تتعود .. و اذا على هتان طنشه معليك منه ..
فيصل : هذا اللي انا اسويه اصلا .. ( بس دامه شافك معي ما رح يتركنا في حالنا اللحين )
عمار : يلا شباب قوموا ناخذ كتب و نرجع البيت ....
طلع عمار .....
فيصل لحنان : شكلنا بنرجع مشي اليوم ...
حنان : أي صح السواق ما يدري .. عمار ما عنده سياره ؟
فيصل : لا يجي مشي .. بس بيته على طريقنا كلنا بنطلع مع بعض ..
حنان : حلوووو ..

صحت الساعه 7 اخذت شاور و جهزت حالها و لبست و تكشخت ثم طلعت و هي برى كان في شخص مستنيها ...
: الجووووهره تكفين ابي اكلمك ضروري ...
الجوهره تشيل نظاراتها الشمسيه : هذا انت وش جايبك من بدري ؟
خالد : لازم اتكلم معك ...
الجوهره : مافي أي كلام بيني و بينك نتكلم في ايش ؟
خالد : تكفين الله يخليك .. انتي اسمعي اللي عندي ..
الجوهره بقلة حيله : طيب .. بس اللحين انا عندي دوام ...
خالد : خلاص بعد دوامك نلتقي ... بس تكفين ردي على اتصالاتي لا تحقريني ...
الجوهره : اوك خلاص .. عن اذنك ....
خالد ان شاء الله تسمعني هالمره و ان شاء الله تحس فيني ......

نرجع للمدرسه اخذوا الكتب و كانوا طالعين ....
فيصل : زي ما حكينا لك شقتنا بعد شارعين من المدرسه ..
عمار : أيييه عرفتها العماره الفخمه هاذيك معروفه بالحاره .. و هي قريبه من بيتي ..
فيصل : زيييين والله طريقنا واحد ...
حنان بضيقه : كيف بنمشي كل الطريق ببرد الصباح ؟
عمار : ههههه اترك عنك المخكره و امش ...
و هم ماشيين بطريقهم مر هتان بسيارته من جنبهم مع شلته وقف لهم ..
هتان : شبااااااااب حيااااااكم اركبوا نوصلكم ...
حنان بحماس : والله ؟!
فيصل صرخ عليها : اسسسسسسكت ! ( ثم همس ) ما قلت لك هذا لا تعطيه وجه ...
حنان : ليشش هذا مين ؟!
فيصل : هذااا هتااان اش فيك ؟
حنان : وش دراني انه هو .. حاط لثمه ع بالي احد تعرفه ..
هتان ابتسم : دام خويك وده يركب معنا خله ..
فيصل : محد بيركب مع احد فارق ...
هتان : نشووفكم بكره يا حلوين ...
بعد ماااااا راااح .......
عمااار : الحمد لله راح .. ما سوى لنا أي مشكله ...
فيصل : أي من جد ماهي بعوايده ..
عمار : شفت ربعه الجدد ؟
فيصل : ايييه منتهيين زيه ..
عمار تنهد بحزن : الله يهديه ...
فيصل : امين يا رب ...
حنان ؟؟؟؟؟؟؟؟؟؟؟؟؟؟؟
حنان ماني فاهمه شي وش قصته ذا هتان ......
هتان ما وقف و قعد يدور حولهم ......
حنان : شباب بديت اخاف منه قاعد يفر علينا ...
فيصل : لا تخاف ما يقدر يسوي شي ...
حنان ما ادري ليه واثق بس انا اشوفه يخوف و المشكله مو راضيين يحكوا لي أي شي عنه ..

اندق باب بيتهم للمره الثانيه هذا اليوم ... كان صاحب البيت ابو ايمن ... تكلمت ام صلاح من ورى الباب ما كان فيه احد بالبيت غيرها و البنات ..
ام صلاح : ميييييين ؟!
ابو ايمن : هذا انا صاحب البيت ابو ايمن ...
ام صلاح : هلا ابو ايمن امر وش بغيت لسا ما جا وقت دفع الايجار ..
ابو ايمن : انا صراحه ماني جاي للايجار .. نادي لي ابو صلاح و لا صلاح اتكلم معهم ..
ام صلاح : والله ما به احد بالبيت غيري و البنات ..
ابو ايمن : اجل يا ام صلاح انا ما عندي وقت بس بغيت اقولكم لازم تتركوا البيت في اقل من 3 ايام ضروري و لا تسألوني عن السبب لاني ما اقدر اقولكم شي ... يلا السلاام ...
ام صلاح وش فيه ذا جن وش اللي نترك البيت ؟!
سوسن : يمه مين اللي كان ع الباب ؟ هذا ابوي و لا صلاح ؟
ام صلاح بعصبيه : لا ذا و لا ذا .. هذا راعي البيت يا جعله ما يشوف خير تخيلي بيطردنا من البيت ..
سوسن شهقت مصدومه : ووووووووووووشوو ؟!
سميه سمعتهم طلعت من غرفتها : وش فيك سوسن صلاح اش صار عليه ؟
سوسن بضيقه : مو صلااح انطردنا من البيت ....
سميه من الصدمه ما نطقت بحرف ....

طلعت من الجامعه ركبت سيارتها و هي متردده تكلمه و لا لا ...
الجوهره اذا ما كلمته اخاف يرجع للبيت مره ثانيه ... خل اشوف اش عنده لآخر مره ... خلاص قررت برسله مسج على مكان اللقاء ....
ارسلت له " مرحبا خالد .. انا طلعت من الجامعه اللحين و رح اكون في المطعم اللي جنب الجامعه استناك هناك اذا كنت رح تجي عطني خبر .."
و ما استنت كثير الا وجاها الخبر بالموافقه و رح يقابلها بالفعل ....

رجعوا البيت بسلام كان وليد نايم .....
حنان : هذا اول يوم و صار معنا كذا الله يستر ع الجاي ...
فيصل : هههههههههههههه ما شفت شي للحين .. هذا وليد شكله نايم ..
حنان : هههه من حقه خله ينام في احد يداوم بداله ...
فيصل يتثاوب : انا بعد بروووح انام احس اني مصدع ...
حنان : اوكيه ...
فيصل : و انت ما بتنام ...؟
حنان بمزح : هههه شكلك ما ترتاح الا اذا نمت جنبك ...
فيصل : ههههههه عن السماجة .. ما عمرك نمت جنبي واذا ودك تنام جنبي حياك ....
حنان تناظره باستغراب : انت من جدك ؟
فيصل كان جاد بس حولها لمزح لما شاف انها تضايقت : ههههه لا امزح وراك اخذتها جد ...
حنان : طيب طيب يلا رح ...
فيصل : وانت اش بتسوي ..؟
حنان : و لا شي بقعد اشوف التلفزيون اشوي و ان جاني نوم نمت ...
فيصل : و انتبه ( يأشر على غرفة وليد ) انتبه على نفسك ...
حنان : اووف لا تخاف علي ....
راح فيصل .... هي كان عندها فضول ودها تشوفه و هو نايم ...
حنان اروح و لا ما اروح .. بس اخاف يكون صاحي .. يعني عادي اقوله اني كنت ابي شي من غرفته و ان سألني وشو اش بقوله ... لا لا ااخاف اروح ما اثق فيه ... بس احس اني .........اه يا قلبي ليه ما ارتاح الا اذا شفته .. اه ودي اطل ودي ... يلاااا بروح و اللي فيها فيها ..... يارب يكون نايم ... ابي اشوف شكله و هو ناايم .. اكيد جميييييل و رح اخق عليه ...
و بخطوات هاديه راحت لغرفته .. فتحت الباب بخفه و طلت عليه ....
حنان شهقت : هئئئئئئئئئ .......

انتــــــــهى الـــــــــــبارت
توقعاتكم
- وش شافت بغرفته خلاها تشهق مصدومه ؟