بـــــــــــــــــــــــــــــارت [14]
جاها واحد من وراها حط يده ع كتفها : اخيرااااا لقيتك ...
حنان انفجعت ثم لفت تشوف مين : هئئئئئئئئئئئئئئئئئئئئئئئئئئئئئئئئئ ...
: وش تسوي هنا يا حلووو ؟!
حنان : انت كيف لقيتني .. وش تبي مني يا هتان ؟
هتان بخبث : خف علينااا يا جمييييل فديت اللي ينحاشون بس ...
حنان يمه وش يقول ذا ( تبعد عنه ) : خير ليه جيت عندي ؟!
هتان ابتسم : وراك خايف مني .. ( يقرب منها اكثر ) ووووه شكلك من قريب احلى قالوا لي الولد حلووو ما صدقت ... يااا ربييييه طلعت خقه ..
حنان يخوووووف و كل ما قرب تبعد : و المـ مطلـ ووب يعني ؟
هتان : انت وش تصير لفيصل ؟
حنان بجاوبه بس يتركني في حالي : انا ولد خالته ...
هتان بتفكير : ولد خالته و بس ؟!!!
حنان ما فهمته : وش قصدك ما فهمت ؟!
هتان : و لا رح تفهم .. ما قصدنا شي ... ( يناظرها من فوق لتحت و هي بتموت رعبه بس تحاول ما تبين )
حنان سألت بخوف : لـ ليش تنااااظرني كذا ؟
هتان : امممممم .. انت خكري صح ؟
حنان : وش خكري ؟
هتان : ههههههههههههههههههههههه اماا ما تعرف !
حنان : لا من جد يعني ايش خكري ؟
هتان : يا شين اللي يسوون انفسهم اغبياء ...
حنان يفكرني غبيه و انا صدق ما ادري .....
هتان قرب الى ان صار بينهم خطوتين و ما عاد تقدر ترجع ورى لان وراها الجدار ...
حنان وش بيسوي ذا بقى شوي و ادخل بالجدار من كثر ما ارجع : هييييه و وش تبي ليه تقرب ؟
هتان ابتسم : عادي و اذا قربت ...
حنان : طيب وش تبي من اللحين ...
هتان تكتف : شوف .. انا اللي انقذتك من مشاري تراه لو عرف انك هنا لا يمسح بك البلاط ... هذا شري و ما عنده ..
حنان يا ليتك تبعد عني شوي : و انت وش تفرق عنه ؟
هتان : حرااام عليك يا شيخ انا الزعيم ما عندي حركاتهم ... و انت ما تعرفني عشان تقول عني كذا ..
حنان تربعت و قعدت ع الارض ثم تنهدت : ما ابي اعرفك ياخي ابي هذي السنه تخلص على خير و بس ....
هتان تربع جنبها : ما بيصير لك شي اذا سمعت كلامي ...
حنان ليش قعد جنبي .. اوووف ماني مرتاحه لازم ابعد .. المشكله لو بعدت رح ابين له اني خايفه و ممكن يشك فيني ...
هتان : اسمع انا ابطلب منك طلب و الاحسن انك ما ترفض ...
حنان الله يستر : ان قدرت ابشر ...
هتان حط يده ع كتفها : والله و تعجبني مااا تقصر فديت قلبك و ان شاء الله انك بتقدر ..
حنان لو ما تلمسني يكون احسن : أي وشو طلبك ؟
هتان ابتسم بخبث : ابيك بس تدخل شلتنا ...
حنان بخوف : وش معنى انا ؟
هتان : ياااخي حبيتك و انت عاجبني و ابيك تخاويني ...
حنان رافع حاجب باستغراب : و اذا رفضت ؟!
هتان : لااا هناا بيصير كلام ثاني ...
حنان : يعني ايش ؟ّ!
هتان بدا يفقد صبره : خلينا نكون متفقين احسن ...
حنان : طيب انا ما ابي ادخل بشلة احد .. انا جاي ادرس و بس ...
هتان : اوووم الملل .. وش تدرس انت ... ياخي فلهاااا الدنيا ماهي بطايره ..
حنان بعناد : طيب كيفي ما ابي ...
هتان عصب مسكها من ياقتها و قومها من الارض و لزقها بالجدار : شووف حبيبي انا كلمتي ما تتثنى ان بغيتك بشلتي تدخل و انت تضحك بعد .. تبيها بالطيب و لا نستخدم القوه ....
حنان اخاف ابكيييي ياا ربي .. وش اسوي .. مفروض اني ادافع عن نفسي انا اللحين وووووولد ... دفته بكل قوتها الى ان ارتمى ع الارض ..
حنان هئئئئئئ انا وش سويت ... حطت النحشه و هربت ...
وصلت ام صلاح و بناتها لبيت ام حنان ....
ام حنان : هلا بك يا ام صلااح تو ما نور ...
ام صلاح : منوور بوجودك يا حبيبتي ...
جابت ام فيصل فطووور و حطته ع السفره ...
ام حنان : يلااا حياااكم الفطور جاهز ..
ام صلاح : والله اني مستحيه منك ماني عارفه .....
ام حنان قاطعتها : اللحين حنا خوااات .. اعتبري البيت بيتك و يلااا قومي انتي و البنات نفطر مع بعض ... و ترى رجلك ارسلت سعد و سعود يفطرون معه ...
ام صلاح : الله يجزااااك الف خير ...
بعد دقايق البنات خلصوا اكل و قاموا ....
ام فيصل : يا بناات اذا شبعتوا و ودكم تناموا روحوا غرفة حنان جهزناها لكم ...
سوسن : لااا عادي يا خالتي ...
ام حنان : ياا بناات لا تستحون والله ازعل منكم ...
سميه : خلاص اللحين نروح ... يلا يا سوسن ...
بعد ما راحوا ...
ام فيصل : أي يا ام صلااح وش صار على ولدك ...
ام صلاح بحسره : والله من امس و هو بالسجن .. انا متأكده ان ولدي مظلوم ...
ام حنان تنهدت : أي والله ما شفنا و لا سمعنا عن ولدك الا كل خير ..
ام فيصل : الله يعينك و يفك اسر ولدك ...
ام صلاح : امين يا رب ...
اصايل لما حبت تنام ببيتهم مو عشان تداوم كانت مخططه تزور صلاح بالسجن مره ثانيه بس ما كانت حابه ان العنود تدري عن الموضوع ... بس قبل لا تزوره حبت تتأكد من شي ....
اصايل : ألووو تركي ..
تركي : هلا طالع عمرك ....
اصايل : وش صار على عايلة صلاح ؟
تركي : صار اللي انتي تبينه ...
اصايل : ايييه و اللحين هم وين ؟
تركي : انطردوا من البيت و الظاهر راحوا بيت جيرانهم ..
اصايل باحباط : اوووف كنت ابيهم يقعدون بالشارع ..
تركي : والله سوينا اللي نقدر عليه ...
اصايل : طيب طيب اللحين انا مشغوله .. الى فضيت بشوف قصة جيرانهم هذي ...
تركي : اوكيه طالع عمرك ...
اصايل : مع السلامه ....
يلاا اللحين لازم اجهز حالي و اكلمه لآخر مره .. بس انا ليش متعلقه فيه .. يااا ربي من وقت ما شفته بالمجمع و هو ما راح عن بالي .. حبيت انساه رحت رقمت واحد بغيت اطيح بمشاكل .. صراحه اللي اعجبني بصلاح صدقه شاهمته غيرته مدري ليه و دي انه يصير لي ودي لو يبادلني نفس شعوري ...
جهزت نفسهااا و كشخت ع الاخير و سوتها و راحت له .....
هو كان قاعد مع المساجين يفطرون .... جاه العسكري و قال له ان عنده زياره .....
صلاح ليكون هي بعد ؟! ان كانت هي فهي فعلا ما تستحي .....
اول ما دخل ما تفاجئ لان اللي قدامه اصايل ...
اصايل و هي منزله راسها : اسمع انا بعد زيارة امس قعدت افكر في كلامك .. و راجعة نفسي ... انا مستعده اطلعك من السجن بس ...... (سكتت)
صلاح باستغراب : بس ايييييييش ؟؟؟!
اصايل باحراج : ز ز زي ما قلت لك قبل تصير ... يعني تصير ... حـ حبيبي ..
صلاح بتقرف : ايييييييييييش ؟! والله لو انك آخر بنت ما قبلت فيك ...
اصايل رفعت راسها بحزن : فكر تكفى .... والله ما ادري ليه بس احس من اول ما طاحت عيني بعينك و انت ما رحت عن بالي ... هذاني اقولك ..
صلاح : لو ايش ما يصير ما بفكر فيك .. وحده هايته زيك مستحيل اكون لك حبيب و لا غيره ... استغفر الله بس .. ارجعي لبيتكم و استري نفسك .. و انا ان كاني مظلوم حقي عند رب العباد ما يضيع ...
اصايل بكت قدامه : طـ طيب نشووووف .. اهلك اللحين بالشارع .. خل عنادك ينفعك ...
صلاح : هييييييه الا اهلي يا ويلك ان صار لهم شي ...
اصايل طنشته و مشت و هي مغرقه بالدموع ...
اصايل نشوووف يا انا يا انت ...
ثم رجعت لبيتهم تفكر بشي جديد تسويه بصلاح و عايلتهم ....
نجي عند الجوهره ... صحت من الصباح .. و هي شايله هم .. هم خالد كوووم و هم خويتهاا منار كووووم ثاني ...
الجوهره انا احساسي ما يخيب .. قلبي حاسس ان منار فيها شي .. مو معقول اكثر من شهرين لا دقت و لا سمعت عنها شي لاااا و المشكله جوالها مقفل ... و كل ما اسأل عمي او اخوانها محد يعطيني وجه الموضوع فيه شي ..
العنود و هي تتثائب : جوجو .. امي تقول يلا الفطور ...
الجوهره : يلااا هذاني جايه ...
دقايق و نزلت ع طاولة الاكل كان الكل قاعد الام و الاب و العنود و نواف ....
نواف : العنود مو قلتي ان شهد عندك وينها ما جت تفطر ؟
العنود تغمز له : ياا سلاااام وش عندك تبي تشوف شهد !
نواف ناظرها باستغراب : اقوووول عن المصاخه من جد وينهاا ؟
الام : شهد نامت عندك امس ؟
العنود : أي يمه نامت ..
الام : و ليه ما قلتي لها تنزل تفطر معنا ...
العنود : جاها السواق الساعه 6 الصباح و راحت بيتهم ...
الام : و ليه ما قعدت ؟
العنود : مدري قالت تبي تروح ما رضت تقعد ...
بعد لحظات ... الجوهره لا زال بالها مشغول على منار .. ما تحملت و قامت تسأل ابوها ..
الجوهره : يبااا .. انت تعرف شي عن منار بنت عمي ..
الاب : والله يا بنتي من تزوجت ما سمعت عنها شي و لا حتى كلمتني .. بالاول كان ما يمر اسبوع الا و تدق تسأل عني و عنكم بس اللحين الله العالم ...
الجوهره بديت اقلق بجد : يمممه انتي ما تعرفي شي او ما سمعتي شي من مرت عمي ؟..
الام : لا والله ما سمعت شي .. امها تقول انها بخير و طيبه ...
الجوهره الله يسمع منك يا يمه بس انا قلقانه ....
العنود : يا جوج لا تقلقي عمرك ع الفاضي .. ان شاء الله ما بها شي ..
الجوهره : ان شاء الله ... بس انا ودي ازورها ...
الاب : كلنا ودنا .. بس عمك مو راضي يعطيني العنوان ... و بعد ما اعرف ليه ...
الجوهره الوضع غرريب : خلاااص نشوووف حل بعدين ...
بعد لحظات صمت ... نواف تكلم ...
نواف بتردد : ي يبااا ...
ابو نواف : همممم ...
نواف : انا بغيت استأذنك بشي ...
ابو نواف : وشو ؟!
نواف : انا ودي انقل من مدرستي هذي ...
ابو نواف : وليه ؟! .. هذي احسن مدرسه بالمنطقه و مدرسينها كفاءاتهم عاليه ...
نواف : عاارف والله .. بس ودي اغير ...
ابو نواف : و على وين ان شاء الله ..؟
نواف : مدرسه حكوميه ...
ابو نواف منصدم : ايييييييييييش ؟! .. في احد يترك الراحه و يروح للتعب ؟!
نواف : لا بالعكس يا يبا احس اني برتاح بالمدرسه الحكوميه .. و حتى اني رح اجيب درجات عاليه ...
ابو نواف ناظر زوجته : انتي وش رايك بكلامه يا ام نواف ؟
ام نواف ابتسمت لنواف : ما شاء الله ولدنا صاير كبير و يخطط لنفسه .. اذا هو على قولته بيجيب درجات عاليه ليش لأ ..
ابو نواف : و انتي صادقه احنا وش نبي غير الدرجات العاليه و النجاح ..
نواف استانس : من هذي الناحيه تطمنوا ان شاء الله ما تشوفوا الا اللي يسعدكم ...
ابو نواف : اجل سوي اللي يريحك .. بس المهم النجاح ..
نواف حيييل مستانس : اكييييييييد ...
نرجع للمدرسه ... انحاشت هالمره للحمامات -الله يكرمكم- دخلت واحد منهم و قفلت على نفسها الباب ...
حنان ابقعد هنا الى ان يرن الجرس ... يييييييييييع كريييييه الحمامات و الريحه اووووف يا رب صبرني ... و اللحين وش بيصير لي .. اكيد هتان وده يذبحني اللحين ... اهئ اهئ ليش سمعت كلاااام وليد و داومت اليوم .. احسن استاااهل .. اه يا ربي وش ذي المصيبه .... هئئئئئئ اسمع اصوات و هذي الاصوات مو غريبه علي ... هئئئئئئئئئئئ هذا هتان هنا لا و معه مشاااري و اصوات ثانيه ما اعرفهااا ... يااا ويلي حتى هنا موجودين ... خل اسمع وش يقولون ...
هتان انجرح بكوعه من الطيحه .. كان قاعد يغسل ذراعه و ينظف ثوبه ..
مشاري : يا ليتك قلت لي انك لقيته .. شفت انه حيواااان ...
هتان معصب : ما توقعت عنده الجرأه يسوي كذا .. و انا اكيد ما بسكت له ..
واحد من الشله : يا الزعيم انت معليك خله عليناا ..
الثاني : انت لو تبي اللحين نفر المدرسه و نطلعه لك وين بيروح ...
مشاري : لاااا خلوووه لي انا .. انا اعرف كيف اغسل شراعه ...
حنااان بالكاد ماسكه نفسها من الخوف ... يممممممممممه كلهم معصبين علي عز الله رحت فيها أي والله اني رحت فيها .. شكلي ما بطلع حيه من المدرسه اليوم ...
هتان تنهد بقوه : انا براسي شي ودي اسويه ... هذا الولد علق في مخي و اللي يعلق في مخي ماله طلعه .. هو جابها لنفسه ...
مشاري باستهزاء : لااا و تبي تدخله شلتنا بعد !
هتان : أي و بدخله للحين مصر ...
مشاري باستغراب : والله ماني فاهم عليك معصب عليه و تبي تدخله بعد ؟!
هتان : و تبيني اضيع واحد مزيون زيه .. هذا بيصير احلى معزز لي ..
مشاري : اييييه فهمت في ذي معك حق ...
حنان هئئئئئ وش يتكلمون عنه بس انا ما فهمت .. كيف يعني معزز .. وش يقصدون ... ؟! ... مو مهم المهم اطلع من هنا ....
هتان : يلااا امش خلنا نروح اللحين بيرن الجرس ...
مشاري : ايييه صح و الحقير وليد ( المقصود حمد ) اكيد رح يرجع للصف و انا بعلمك فيه ..
هتان بخبث : خف على الحليووو تراه نعوم ما يتحمل ...
مشاري & الشباب : ههههههههههههههههههههههههههههههه ..
حنان بس تردد الله يستر و الله يستر ...!
رن الجرس بس هي ما طلعت على طول استنت الى ان تفضى المدرسه شوي ثم طلعت من الحمام -الله يكرمكم- عدلت شكلها ثم راحت ...
حنان ياااا ويلي تأخرت ع الحصه ... ان شاء الله ما يكون المدرس جا و لا يكون مشاري بعد جا ...
وصلت للفصل شافت الباب من بعيد مسكر ... يا الله شكل المعلم داخل ... ان شاء الله يكون حبوب و يدخلني ....
دقت الباب ... ثم دخلت ...
المعلم : هييييييه انت وش عندك متأخر .. الفسحه صاير لها 5 دقايق من خلصت .. وين عايش فيه انت ؟
حنان بارتباك : انا .. انا اسف يا استاذ بس كان عندي ظرف ...
المعلم بصراخ : وش ظرفه تستهبل معي انت ؟! .. انت ناظرت نفسك اشين ما عندي الخكاريه اللي زيك .. انتم اشكالكم مفروض بالسجن مو بالمدارس ..
حنان ول ول ول وش فيه علي : معليش استاذ انا اسف مره ثانيه ممكن ادخل الصف ...
المعلم و هو محتقرها : ادخل جعلك اللي ماني بقايل ....
حنان وش بلاه ذا هههه شكله متهاوش مع زوجته .. الله يا زين ايام مدرستي اذا جتنا معلمه معصبه قلنا اكيد متهاوشه مع زوجها ههههه .. يؤؤؤه صح نسيت ان الغثيث مشاري جنبي يا رب سترك ...
و تقعد بمكانها .. ابتسم لها مشاري ابتسامة خبث ...
حنان والله ما ورى ذي الابتسامه الا شر ...
اول ما لف المعلم للسبوره >> معلم فيزياء ... بدى مشاري يهدد و يتوعد ..
مشاري بهمس : انت يا الحقير مسوي تناحش .. لا و الادهي تضرب هتان .. والله انك ما تستحي ...
حنان : والله اني ما ضربته هو كان بيضربـ ........
مشاري قاطعها : جعله ان شاء الله يتوطاك انت تاكل تبن و ترضى ...
حنان حست بقوه لان المدرس موجود و ما يقدر يسوي لها شي فتكلمت مع مشاري بجرأه شوي : ليش من انتوا ؟!
مشاري منقهر : قسم بالله ان ما احترمت نفسك لا افقع وجهك هنا لا تحسب اني بخاف من الدب (يقصد مدرس الفيزياء ) اللي على السبوره ...
حنان يممممه شكله صادق خلاص ما برد عليه ....
مشاري عصب .. و قرصها بذراعها بقووووه ...
حنان لا شعوريا صرخت ... و الكل ألتفت لهم حتى المدرس ....
المدرس بعصبيه : خيييييييييييير خير ان شاء الله انت و اياه ؟!
حنان : استاذ هذا (تأشر على مشاري) قرصني ...
كل الفصل : هههههههههههههههههههههههههه ..
المدرس صارخ بأعلى صوت : سكوووووووووووووووووووووت ..
الصف كلهم هجدوااا ...
المدرس يناظر مشاري بحده ...
مشاري يصرف نفسه : استاااذ معليك منه كنا نمزح مع بعض ...
المدرس بصراخ و عصبيه : قوووووم انقلع برى انت واياه .. و حصصي لا اشوفكم تحضرونهاا ... بسسسرعه برى ...
مشاري ناظر حنان ثم ابتسم و قال بهمس : احلى شي سواه الاستاذ اشوفك برى يا حلوو ..
حنان هئئئئ بمووووت لو طلعت : تكككككفى يا استاذ الله يخليك والله اني ما سويت شي خلني اقعد والله اني حاب افهم الدرس ...
المدرس بعدم اهتمام : الاشكال اللي زيك ما ادانيهم .. امش انقلع برى و لا تخليني اشوف وجهك مره ثانيه ...
حنان لاااا يااا ربي ان طلعت بروح فيهااا : تكفى والله ما عاااااد اعيدها بس لا تطردني ...
المدرس منقهر : انا لو اكلم الحيط يا حيط كان فهم .. انت الظاهر ما تعرفني اذا ما تعرفني اسأل زملاك عن الاستاذ حسن .. يلااا فااارق ..
حنان بقلة حيله طلعت .. تمشي خطوه خطوه تحاول تضيع وقت ما تبي تطلع برى ...
في بيت ام حنان .. كانوا سوسن وسميه قاعدين بغرفة حنان ..
سميه : شفتي كيف يا سوسن البنت اللي طعنتني بظهري بنام بغرفتها اليوم ..
سوسن : ايييييييه هذي الدنيا من كان يصدق ..
سميه تنهدت : يا ليت ما جينا هنا ...
سوسن : ادري انك لسا متضايقه من حنان .. بس المفروض نحمد ربنا ان لقينا مكان نقعد فيه و لا كان احنا بالشارع اللحين ...
سميه بزعل : معك حق .. لا ام حنان و لا ام فيصل قصروا معنا ..
سوسن : صح و ما رح ننسى لهم معروفهم ...
سكتوا شوي ثم ......
سميه : اش رايك انا ما عاد بدرس و بشتغل ...
سوسن : انتي صاحيه .. على كذا حتى انا بترك دراستي و اروح اشتغل ..
سميه : يا سوسو لازم نلاقي بيت نسكن فيه .. و ابوي تعرفين وضعه ..
سوسن : الله الرازق يا سميه الله الرازق ...
سميه : و نعم بالله ! بس ......
سوسن قاطعتها : بدون بس .. لا تفتحي الموضوع هذا مره ثانيه .. و لا ترى امي رح تزعل .. ما تذكرين كيف كانت تتمنى تشوفنا جامعيات .. ودايم تقولنا انا كان حلمي اكمل دراستي و اخذ شهاده جامعيه بس ربي ما كتب و اخذت ابتدائي واللحين اتمنى انتوا تكملوا حلمي عني ...
سميه : ايييييييه صح .. لكن حالتنااا ...
سوسن : انتي لا تفكري بهذي الامور ... توكلي على الله بس ..
سميه : ان شاء الله .. الا متى ناويه تداومي .. لا تنسي هذي اول سنه لك بالجامعه ...
سوسن : لا تخافي علي كلمت وحده من خوياتي اذا في شي مهم رح تقولي و اصلا ما رح نبدا دراسه الا الاسبوع الجاي ... و انتي متى مقرره تداومي ؟
سميه : كنت ناويه بكره بس على المشاكل اللي صارت بداوم الاسبوع الجاي يعني اول اسبوع اكيد مافي دراسه ...
سوسن : اووووكيه الله يقدم اللي فيه الخير ...
سميه : امين يا رب ...
في الصاله عند الحريم .......
ام فيصل : وش بتسووون مع ولدك اللحين ؟
ام صلاح : والله يا مها السواة سواة ربي ما بيدنا شي .. ابو صلاح طلع من الصبح يدور محامي .. و كلهم اسعار اتعابهم مره غاليه و انتي تعرفينا على قد حالنا ...
ام فيصل : ايو والله .. الله ييسر لكم ..
ام صلاح : امين امين ان شاء الله ..
ام حنان : ايييييييييييه تذكرت ...
ام فيصل باستغراب : وششششششو ؟!
ام صلاح ؟؟؟؟؟؟؟؟؟؟؟
ام حنان : يا مهااا المحامي اللي جابه فيصل تذكرتيه ...
ام فيصل : اللي يوم سالفة ابو محمد ...؟
ام حنان : اييييييه هووو .. ورى ما نكلم فيصل يجيبه لنا مره ثانيه ..
ام فيصل : أي والله انك جبتيها .. ذاك اليوم خلص موضوعنا بدقايق مبين عليه شاااطر ما شاء الله عليه ....
ام صلاح مو فاهمه شي : وش عنه تتكلمون ؟!
ام حنان : خلاااص يا ام صلاح ان شاء الله مشكلة ولدك محلوله .. في محامي نعرفه نبي نكلمه عن ولدك ...
ام صلاح استانست : من جدكم ؟!
ام فيصل : أي والله من جد هذي السوالف ما بها مزح ...
ام صلاح من الفرحه ماهي عارف وش تقول : كل مالكم تخجلوني بجمايلكم .. والله ماني عارفه وش اقول ...
ام حنان : و لاااا تقولي شي .. يكفي دعواتك لنا و لعيالنا ...
ام صلاح رفعت ايدينها للسما : الله يجزاكم الف خير و يوفقكم و يسعدكم دنيا و اخره ...
ام فيصل : و لك بالمثل يا ام صلاح ...
في المدرسه .... طلعت من الصف .. وقفت جنب الباب .. و مشاري يناظرها من فوق لتحت ...جا جنبها و مسك ذراعها ...
مشاري : اخيرااا بقدر اخذ حقي منك ....
حنان انا شكلي اليوم ببكي ببكي : تكفى و تكفى تهز الرجاجيل لا تضربني .. والله ما كنت اقصد ...
مشاري ابتسم : قبل اشوي كنت تنافخ علي و اللحين تترجى ...
حنان : وش اسوي لك انت الا تبي تضربني ...
مشاري يناظرها باحتقار : والله حرام عليك تتسمى رجال ...
حنان احسن اصلا ماني رجال : خلاص سوي اللي بتسويه بس لا تضربني ...
مشاري ترك ذراعها و قام يفكر : يعني اسوي أي شي الا اني اضربك ..
حنان بدا يخوفني : أ ا أيه ..
مشاري : هممممم .. اوكيه الليله تطلع معنا ...
حنان شهقت صدمه : هئئئئئئئئئئئئئ معكم ؟!
مشاري : وش فيك منصدم ما قلت شي يخوف ...
حنان قلت بكحلها عميتها : معكم يعني مين ؟
مشاري : انا و هتان و باقي الشله ...
حنان : طيب و و وين نروح ؟
مشاري : مفاجأه الى جيت بتعرف ...
حنان لا لا لا ما ابي اروح معهم حذرني فيصل منهم و قال لي يخطفون ان رحت ما عاد ارجع لا ما رح اوافق يضربني و لا اروح ...
مشاري شافها تفكر : اسمع ترى هتان ما رح يسكت لك اذا تبيه يهدا و يسامحك تعال معنا منت بخسران شي ...
حنان وش ذي المصيبه اللي طحت فيها ... خلني ارجع يا فيصل البيت بس ...
مشاري لو يوافق رح ينبسط الزعيييييم و اكون سويت شي حلووو له .. يعني بصير محد قدي ... خله يوافق بس ......
مشاري بنفاذ صبر : هااااه وش قلت ؟
حنان ما رح اوافق اكيد : لا تكفى أي شي الا اني اطلع معكم ..
مشاري بدا يعصب : انت احمد ربك اني سامحتك كذا بسهوله و تتشرط بعد .. انت شكلك مو ناوي تعيش ....
حنان يااا ويلي اكيد فيها سكاكين : طيب انا ما اقدر اطلع معكم دايم مشغول وش اسوي ...
مشاري هذا رجع يستغبيني مره ثانيه : انت .......
قرب منها و دفها ع الجدار و حجزها بين ايدينه و صار وجهه قريب منها ..
حنان وش وش بيسوي ذا .. ودي اصرخ بس ما اقدر لازم ابين قويه و لا بيكشفني ...
حنان : وش تبي مني ؟
مشاري ضااااع بعيونهااا .. ملامحهااا ... صوتها اللي صار مبحوح من كثر ما ترجت ... للحظه تخيلها بنت >> و هي اصلا بنت ^_*
حنان وش ذي النظرات اللي يناظرني فيهاا ...
ما تحملت و خافت دفته بقوه و هربت منه .. هو واقف بمحله من الصدمه ..
مشاري هو بنت و لا انا تهيء لي ..؟
صحى على نفسه ....
مشاري هئئئئئئئ تركته يهرب مره ثانيه .. انا اوريه ...
هي هربت للساحه .. راحت لملعب الكره ... تخبت ورى جدار هناك ..
و هو لازال يدورهااا...
حنان قامت تبكي .. كل هذا صااار لي لاني داومت لحالي ... و يهون عليه فيصل يتركني .. كيف هنت عليه بالله ...
اما فيصل و عمار ... راحوا للبحر شوي يشمون هوى ...
عمار : هااا فصييييل روقت اللحين ؟
فيصل : اييييه جو البحر خياااااال ...
عمار : ما ودك نروح المدرسه ؟
فيصل : لا طبعا ما ودي .. و انت كل ما رقت فتحت لي موضوع المدرسه انا ابي انسى ...
عمار : اوكيييييه اوكيه لا تفصل علي بس اسفين يا شيخ ...
فيصل تنهد .... يا ترى وش يصير معها اللحين ؟
عمار : أي صح بغيت اسألك العماره الفخمه انت و حمد ساكنين فيها مع بعض ...
فيصل يصرف : أي هو بالشقه اللي جنبي و انا مع زوجتي بالشقه الثانيه ...
عمار : اهااا يعني هو جارك ...
فيصل : أي تقدر تقول ....
عمار : حلوووو ..
فيصل صراااحه هي جارتي بنفس الغرفه لو تدري بس ....
نروح لوليد شوي .. كان قاعد يفكر باللي صار ليش فيصل ضرب حمد .. و اش اللي صار بينهم .. خطرت له فكره ......
وليد ابكلم نواف بالبي بي و اقوله ان فيصل مد يده على حمد و بشوف اش بيكون رد فعله ... لحظه اللحين اتسلى مع نواف و لا الدحمي ... والله كلهم يونسون بس نواف احس عنده غيره اكثر من الدحمي هههههه .. يا ترى اش رح يصير .... يلااا خل نكلم نواف و نشوف عساه صاحي بس .....
وليد " صباااح الخير "
نواف توه خلص فطوره و كان بغرفته متمدد يبي ينام شوي الا برنة جواله للمسج ...
نواف هذا وليد عسئ ما شر " هلا وليد صباح النور .. وش السالفه وليد صاحي بذا الوقت ؟ "
وليد الحمد لله ان انت اللي صاحي " انا توني صحيت .. بس انت وش عندك قاعد بدري ؟ "
نواف " ابد الاهل كانوا قاعدين و قعدوني للفطور .. و ابشرك كلمت ابوي و وافق "
وليد " ايه تقصد موضوع النقل يعني خلاص بتصير بمدرسة حمد -فيس يضحك- "
نواف " يب يب خلاااااص -فيس يضحك- "
وليد " الا كنت بقول حمد صارت له مشكله اليوم "
نواف كان منسدح قعد .. بسم الله عليه " وش صار له ؟ "
وليد ههه اكيد اللحين خايف عليه " تخيل يا نواف ولد خالته عطاه كف علّم على خده "
نواف عصب " -فيس معصب- امااا احلف !!! "
وليد " قسم بالله هذا اللي صار "
نواف حقير فيصل يمد يده على واحد ضعيف مسكين زي حمد " و اللحين هذا فيصل وين ... انت المفروض تطرده من البيت "
وليد " و هذا اللي سويته هاوشته ثم طردته .. و اللحين مدري وينه "
نواف " احسن يستاهل قلعته "
وليد " هههه كل هذا زعلان على حمد "
نواف " ورى ما تقلب وجهك بس "
وليد هههه شكله معصب جد " خلاص لعيونك بقلب وجهي بس لا تعصب علينا هههه "
نواف " من قال اني معصب .. يلا بس اللحين بروح انام "
وليد لااا كذا مافي اثاره " لحظه نواف "
نواف " هاااه وش تبي -فيس يبي ينام- "
وليد " حمد داوم لحاله اليوم بالمدرسه .. تذكر الولد اللي تحرش فيه بالمغاسل ؟ .. الله العالم وش سوى لحمد اللحين ..."
نواف شهق : هئئئئ أي والله صح " يعني اللحين حمد لحاله مع ذاك الولد ؟ "
وليد ههه اللحين صار الوضع يحمس " الله العالم "
نواف " و انت ليش خليته يداوم و انت عارف بقصة ذا الولد ؟ "
وليد بكذب " هو اصر انه يداوم وش اسوي له ؟ "
نواف لااا حوووول " خلااص بروح انام انا "
وليد " يعني ما بتروح تشوفه يمكن صاير له شي "
نواف والله اني قلقان عليه بس " ورى ما تروح انت .. انت اقرب "
وليد " لااااا احس اني تعبان و ودي انام "
نواف " اجل اقلب وجهك و نام جعلك الـ ماني بقايل -فيس معصب- "
وليد ههههههههههه وصل لقمة تعصيبه " اوكيه مع السلامه يا الحبيب -قلب- "
عند نواف .....
نواف وش اسوي انا اللحين اروح مدرسته و لا ما اروح ... لااا حووول كله من وليد انا متأكد ان هذي حركاته ..
نرجع للمدرسه ... لازالت متخبيه بنفس الملعب .. طلت من ورى الجدار ...
حنان هئئئئئئ هذا مشاري لااا و مو لحاله معه هتان ... اشلون جاب هتان معه ... ( تحط ايدينها على عيونهاا لانها بدت تدمع ) .. وش اسوي يا ربي .. اخاف يلقوني ... ( تمسح دموعها ) .. انا شكلي بنحاش من المدرسه .. هذول ما رح يسكتوا لي ... والله شكلي بسويهاا .. بعد نظرات مشاري خايفه يكون اكتشف اني بنت .. و ان درى ما ادري اش بيصير لي .. اذا راحوا من الساحه بشوف اذا اقدر اهرب هربت ....
وقفوا مشاري و هتان بنص الساحه يتكلمون ...
مشاري : ياخي يوم مسكته و دققت بملامحه للحظه حسيته بنت ..
هتان : يا رجاااال لانه حليووو فكرت كذا ..
مشاري : والله ما ادري بس رحمته ...
هتان : هههههههه اللي يخقون مشكله ...
مشاري يغير الموضوع : اقوووول امش ندوره و لا يكثر ...
هتان : خلني القاه بس ...
طبعا مشاري هو اللي طلع هتان من حصته و حكى له كل اللي صار و قاموا يدورون حنان .....
انتهـــــــــــى البـــــــــــارت
ليست هناك تعليقات:
إرسال تعليق