برودكاستB.c

بـــــــــــــــــــــــــــــارت [16]

هتان من شباك السياره : يلااااا اركبوااا ورانا هجوووله ...
مشاري : يلاا يلاا اللحين جايين ... ( التفت لها ) تراي اقدر ادخلك السياره بالغصب .. ادخل بالطيب احسن ...
حنان اذبح عمري و لا اركب معكم .....
و مشاري يحاول يدخلها السيارة جا شخص من بعيد
: سلاماااات يا اﻻخو ؟
مشاري يناظر بشر : نعم يا انت بغيت شي ؟
: انت اللي نعم .. وين ماخذه ؟
مشاري : و انت وش دخلك ؟
حنان من االصدمه ماهي مصدقه : نـ نواااااف !
نواف يناظرها : وش قاعد يصير ؟
حنان بعيون مغرقه : يبون ياخذوني معهم و انا ما ابي ...
نواف يناظر مشاري : سلاااامات !!
نزل هتان من السياره و نزلوا شلته معه كان عددهم 3 باﻻضافه لهتان و مشاري ....
نواف ما اهتم لهم مسك يد حنان و سحبها لبعيد ... شلة هتان مستعدين بيتهاوشون بس هتان منعهم ...
مشاري بعصبيه : خلنا نفقع وجهه الظاهر انه ما يعرفنا ...
هتان : ﻻاا ماله داعي ... هذا الولد شفته بالمطعم معهم ...
مشاري : و اذا يعني ؟!
هتان : ايش اللي و اذا هذا معناه انه يعرف فيصل ... بعدين انت شفت لبسه ؟ و ﻻ سيارته ؟ مبين انه ولد نعمه ... و اخاف نطيح بمشاكل ...
مشاري انقهر وده يكفخ اي احد ... بس سمع كلام هتان ... ركبوااا سيارتهم و الكل كان معصب ..... ثم مشوا ...

عند حنان .. ركبت سيارة نواف ... اول ما دخلت السيارة انفجرت بكي .. كانت بالكاد ماسكه بكيتها قدام هتان و شلته .....
نواف يبكي ؟! لو انه رجال ما بكى .. اش هذا البكي كله ؟! .. والله حتى من بكيته باين انه بنت ... اوووف اللحين مو وقته ...
حنان تشاهق : ا انا .. ا اسف .. مااا .. قدرت .. امسك .. نفسي الا ابكي ..
نواف : خذ راحتك ...
مشى بعيد شوي ... ثم وقف سيارته ع جنب ...
حنان تمسح دموعها و تهدي نفسهاا : انا .. كنت .. خايف ...
نواف يناظرها و هي تتكلم و ساكت .....
حنان : لو .. انت .. ما جيت ما ادري اش كان رح يصير ...
نواف حس فيهاا مرعوبه ... راح بسرعه و ضمها لصدره ...
حنان مبققه عيوووونها مصدوووووومه ......
نواف بهمس : لا تخاف انا بحميك منهم ...
حنان بعدت عنه بسرعه .. و ناظرت شباك السياره ...
الكل كان ساكت ... نواف حرك السيارة ...
نواف ناظرها : انا اسف اذا ضايقتك لما ضميتك ...
حنان ......... لا رد
نواف يكمل : حسيتك خايف .. انا مثلا لما اكون خايف خالد يضمني و ارتاح ..
حنان ....... لا رد
نواف : فكرتك مثلي ...
حنان ابي اوصل البيت و بس ....... تكفى يا نواف اسكت لا تكمل ..
نواف : ليش ساكت ؟
حنان لاني اخاف لا تكلمت ابكي ... ودي اقوله يسكت بس ما فيني اناظر عيونه ما فيني اتكلم ..
نواف : شكلك زعلت مني ...
حنان ياااااا ربي اسكت لا تكلمني الله يخليك ... ( قامت تدمع عيونها غصبا عنها )
نواف يا الله شكله مرررره متضايق و معصب و خايف .. وش سووا له هاذيلاك الطلاب ...!

عند وليد صلى الظهر و قعد بالصاله .... رن جواله ...
وليد هئئئئ غريب داق اكيد في شي : هلااا ....... وش صار ؟ ........ وين ؟ ............ و ليش اجيب ماجد ؟ ............... متى طيب ؟ ............ اللحين ؟! عسئ ما شر ؟! ................ اوكيه ربع ساعه و اكون هناك ان شاء الله ........... مع السلامه ..
وليد وش يبون مني اللحين ... خل ادق على ماجد و اقوله ..
وليد عسى مو بنايم : الوووو ...
ماجد : هلاا وليد .. غريب داق الظهر كل ذا شوق ..
وليد : ههههههه اقول كل تبن قال شوق قال .. من زينك ..
ماجد بمزح : افااا خلاااص زعلت ...
وليد : اقول عن السماجه .. ابغاك بشي ضروري ...
ماجد ششكله صار جدي : هلا امر ..
وليد : ما يامر عليك .. قبل اشوي دق علي ولد عمي و قال يبينا ضروري ..
ماجد : همممم الموضوع خطير شكله ...
وليد : والله ما ادري .. يلااا اللحين بمرك و نروح ...
ماجد : اوكيه ...
وليد جهز حاله بسرعه و طلع ......

في بيت ام حنان ....... كانت ام حنان في المطبخ تجهز الغدا و معها سميه و سوسن ...
ام حنان : معليش يا بنات نسينا نقولكم ان فيصل بالبيت ...
سوسن : عادي يا خالتي حصل خير ...
ام حنان : خلاص هو بيقعد بالصاله عشان كذا لا تطلعون و الى راح قلنا لكم ..
سوسن : ان شاء الله ...
سميه كانت تقطع السلطه و بالها مشغول ....
سوسن جت جنبها و همست لها : اش فيك ..؟
سميه : ما فيني شي ...
ام حنان : يلا يا بنات خلونا نحضر الاكل .. تقريبا كل شي صار جاهز ..
سوسن : ان شاء الله خالتي ...
ام حنان : سميه حبيبتي جهزي هاذيك الصينيه عشان تاخذينها للملحق لامك و ابوك و تتغدون مع بعض ...
سميه : طيب ...
بالصاله عند فيصل و امه .....
ام فيصل : اذا انت بتتغدا معنا حنان وش بيصير فيها ؟
فيصل : يعني وش بيصير فيها ما رح تموت جوع ...
ام فيصل : بسم الله عليها .. لا تقول عن بنت خالتك كذا .. و تراها زوجتك بعد ...
فيصل : والله ما قلت شي ( قالت زوجتي ) ...
ام فيصل : لو رحت تتغدا معها مو احسن ؟
فيصل : يممممه هي تجي من الدوام تعبانه و تصكها نووومه للعصر ما كنك تعرفينها ...
ام فيصل : بس حرام اللحين قاعده لحالها بالبيت .. انت حتى ما رحت تجيبها من مدرستها ...
فيصل بكذب : المدرسه جنب البيت جدار بجدار ماله داعي اروح اجيبها ...
جت ام حناااان ....
ام حنان : يلا قوموا الغدا صار جاهز ...
ثم راحت ....
ام فيصل : والله اني حاسه ان ناديه زعلانه ودها لو بنتها جت معك ..
فيصل بحسره : اش اسوي لها هي حبت تداوم ..
ام فيصل : يلا يلا قوووم ..
فيصل : ان شاء الله ..

بعد طلوع وليد من الشقه بـ 5 دقايق وصلت حنان للبيت .. و عند باب الشقه .. فتحت الباب ثم جت بتدخل .... نواف دخل وراهااا .. بس وقفت في وجهه ..
حنان باستغراب : انت بتدخل ..؟
نواف : هههه لا بطلع ...
حنان : ما تضحك ..
نواف الحمد لله انه تكلم : هههههههه بس عجبتني ..
حنان لفت عليه : لا جد وش تبي جاي ....
نواف : وش ذا الاستقبال ... ابي اشوف وليد عندك مانع ...
حنان : أي عندي مانع ...
نواف : اقول يلااا مناك بس ...
بعدها عن طريقه و دخل ... راح يدور وليد بالصاله ما لقاه ثم راح غرفته ما لقاه ... شاف سرير ثاني بغرفته بس ما اهتم ...
نواف : غريب محد بالبيت !
حنان متكيه ع الكنبه بتعب : عادي وش الغريب ؟
نواف قعد ع الكنبه اللي جنبها : يعني مو عوايد وليد يطلع بذا الوقت ..
حنان تنهدت : يمكن عنده ظرف ..
نواف ناظرها بابتسامه : كيفك اللحين ؟
حنان لفت وجهها : لا تذكرني تكفى ..
نواف : لا انا ما قصدت بس بتطمن عليك ...
حنان : انا بخير و صرت احسن اللحين ..
نواف : طيب منت جوعان ...؟
حنان : .............لـ (كانت بتقول لا بس سبقها صوت بطنها )
نواف : هههه واضح انك مو بس جوعان إلا ميت جوع ...
حنان ميته احرااااج ..... ما ردت ...
نواف : ههههههه و لا يهمك اللحين اطلب لك احلى اكل ..
حنان ما ردت من الاحراج ..

هتان و شلته راحوا لمكان كله شباب و جمهور و سيارات .. واضح ساحة تفحيط ....
هتان لشلته بالسياره : يااا شباااب انتوا انزلوا عززوا لنا .. انا و مشاري بنطلع مهاراتنا ...
الشباب : ابشششششر يا الزعيم !
مشاري : شف ذا المخيس جااا ..
هتان : ايييه اللي مسمي نفسه القايد ...
مشاري : امش خل نعلمه ...
هتان : افاا عليك انا اليوم منتهي .. واصله معي و اللي بيوقف بطريقي بتروح عليه ...
مشاري : كفووووو يا الذيب ايييه كذا ....
هتان و هو يفحط : شف جمهورنا اليوم كثير ...
مشاري : أي حتى قروبنا بالبي بي وصل 500 مضاف ..
هتان : والله انك سنايدي ...
مشاري : اعجبك يا الزعيم ...
وقفوا تفحيط و نزلوا من السياره ... و شلتهم و معهم ناس يصفقون و يصفرون ...
هتان للشباب : كيييييييف اعجبتكم ....؟!
واحد من الشباب : والله انك كذا (يسوي حركة اوكي بإبهامه) يا الزعيييييم ...
هتان : احم احم ...
واحد ثاني من الشباب : تكفى عيد حركة التخميسه اللي قبل اشوي ...
هتان : و لا تهون بس خلهاا بكره يا الذيب ...
مشاري : شف القايد جاي لنا هو و شلته ...
هتان : ههه خل نشوف وش عنده ذا الزلابه ..

جاهم و هو متفاخر بنفسه مع اخوياه .... القايد لقبه = اسمه ساري ..
ساري : هلا هلا ...
هتان : نعم يا الورع وش بغيت ؟
ساري : ما الورع الا انت و اشكالك ..
شلة هتان قاموا بيتهاوشون مع شلة ساري ... هتان مسكهم ...
هتان : لحظه شباب خلونا نتفاهم ... ( ناظر ساري ) كسرنا روسكم بالميدان و ش تبي بعد ؟!
ساري : انت تكسر راسنا يا روح امك .. ما بقى الا انت تتحدى القايد ...
هتان بدون ما يتعب نفسه بالرد عطاه بوووكس ع وجهه .. و اشتبكت الشلتين ... الجمهور حاول يفرق بينهم و فرقواااا ...
مشاري يهدد : قسم بالله لا اوريكم يالوصخين يا التبن انت و اياه ...
هتان : تعالوا هنا يالجبناء يا البهايم ....
اللي ماسكينهم : هدووووا يا شباب ...
هتان : اقووول فكنا عليهم هذا يبي له تأديب ...
مشاري : فكووونا عمى والله لا اخليه يسبح بالدم ...
ساري اخذ شلته و راحوا لما شافوا ان الموضوع بيكبر خافوا و مشيوا ...
هتان يضرب بيده ع كبوت سيارته : جباااان ذا الخسيس شاطر يتكلم بس ..
مشاري يشوت الكفر و معصب : حيوااااان خله يطيح بيدي ان ما علمته ...
واحد من شلة هتان : خلااص خلونا نمشي قبل لا تجي الشرطه ...
هتان : أي والله يلااا اركبوا ...
وصل هتان كل واحد لبيته و ظل مع مشاري اتفقوا يروحوا لمقهى نت يشوفوا اخر الاخبار .....

قبل نكمل مع هتان ... نرجع لوليد ... مر ماجد و وصلوا للمكان المتفق يتقابلوا فيه ...
وليد : مرحبااا صقر ( ولد عم وليد ) ...
صقر حاط رجل على رجل : هلا حياكم تفضلوا ...
ماجد : زاد فضلك ...
صقر : ما عليك زود .. اش اخباركم ؟
وليد : الحمد لله بخير ..
ماجد : طيبيبن انت كيفك ..
صقر : بخير .. اش تشربون ؟
وليد : أي شي على ذوقك ..
جا الجرسون و حط المشروبات ثم راح ....
وليد بفضول : ليش طلبت تشوفنا ؟!
صقر : همممم .. بندخل بالموضوع على طول ...
ماجد : عسئ ما شر ...
صقر : لا كله خير ان شاء الله ... انا طلبت اشوفكم بخصوص السفر ..
وليد بالستغراب : احنا اتفقنا يوم السبت .. اش الجديد ؟! ..
صقر : صارت فيه تطورات .. انت لازم تسافر بعد يومين و تاخذ ماجد معك ...
ماجد : انا كنت رايح معه من اصل ...
وليد بعناد : لااا انا ما ابي ماجد يروح .. ابيه يقعد ينتبه لمستقبله ...
صقر تكتف : و من متى ذا الكلام ؟! .. ترى احنا جبنا ماجد يساعدك مو انت تساعده ...
ماجد نزل راسه للارض ... وليد ناظره ثم ناظر صقر بعصبيه ...
وليد : انت وش دخلك ؟ و لا عشان ابوه يشتغل عندكم بتذلونه ؟!
ماجد بزعل : وليد خلاص ماله داعي ذا الكلام ...
وليد : لا خلني اتكلم .. انا ما عمري حسيتك تشتغل عندي .. طول عمري اشوفك كأخ و كصديق ...
صقر قام يضحك و يصفق بسخريه : ههههههههههههه .. خلصتوا دراميات ...؟
وليد : احترم نفسك ...
صقر : انا محترمها قبل لا اشوفك .. و هذا ماجد لولا وصية جدي كان من زمان رميناهم بالشارع و ما خليناهم يتنعمون بخيرنا ...
ماجد انقهر و انجرح : عن اذنكم ان بروح للحمامات -الله يكرمكم - ..
بعد ما راح .....
وليد : أي نوع من البشر انت ؟
صقر بتملل : اقول لا تكثر حكي ... و ابدا شغل .. بعد يومين خذ ماجد و روحوا لدبي وراكم شغل ... المشكله نعرف ان ماجد ذكي و ما يخذلك و لا يرد لك طلب عشان كذا ودنا يروح معك والله الولد مره مفيد ...
وليد بعصبيه و عناد : و انا ما ابيه يروح ...
صقر : اسمع يا ولد عمي .. انت عارف انك اذا ما رحت اش رح يصير رح تخسر كل شي .. هذا حلال ابوك و انت الوحيد المسؤول عنه مفروض تحمد ربك ان انا و ابوي و عمامي نساعدك ...
وليد ابتسم بسخريه : ههه انتوا مو مساعده لله في لله .. انتوا تبون تستولون على حلال ابوي و ترموني ... انا فاهمكم ...
صقر ابتسم : لا تقووول كذا يا ولد عمي احنا ما نفكر بذي الطريقه ..
وليد اصلا من لما توفى ابوي و انتوا تحاولوا تلاقوا طريقه عشان تاخذوا مني كل شي و لما ما قدرتوا صرتوا حبايب معي .. و انا ما اسمع كلاامكم الا عشان خاطر وصية ابوي ...
صقر : خلاص اتفقنا اللحين ؟! تسافرون بعد يومين تخلصون شغلكم و ترجعون ...
وليد : و هذي المره وش هي الصفقه ؟!
بدوا يتكلمون في الشغل و اموره ... ماجد راح و لا عاد رجع ... اتفقوا على كل شي و وليد رح يسافر مع ماجد و خلصت مقابلتهم .. بس كان عند وليد كلمه اخيره لصقر قبل لا يمشي ....
وليد : مره ثانيه اعتبر ماجد كأنه انا و لا تزود حكي معه و لا تحكي بكلام ماله داعي ....
صقر : ايه يصير خير ...
ثم مشى راح يدور ماجد ... لقاه برى يستناه عند السياره ...

عند حنان طلبوا الاكل و تغدوا ....
حنان : و اللحين تغدينا و لله الحمد ... ما ودك تروح بيتكم ...
نواف : افهم انها طرده ...!
حنان : افهمها زي ما تبي ...
نواف : وش فيك علي ؟ ما انا انقذتك من ذولاك الطلاب .. و غير كذا انا و انت اتفقنا نصير اصحاب .. اللحين ليش تكلمني كذا ؟
حنان اووووف من جد ليش اكلمه كذا ... كل هذا لانه ضمني ... ليش سواها طيب احس احيانا ما افهمه او اني اخاف منه ما ادري تفكري مشوش ...
نواف : انا ماني طالع من هنا الى ان يجي وليد ...
حنان : اوكيه اللي يريحك ... عن نفسي بروح انام ..
نواف : نوم العوافي ...
راحت حنان لغرفتها فتحت الباب انصدمت ....
حنان : هئئئئئئئئئئئ وين سريري ...؟
طلعت من الغرفه .....
نواف : وش فيك مو قلت بتنام ؟
حنان : بنااام بس سريري مو موجود ...
نواف باستغراب : كيف يعني ؟
حنان : ما ادري اختفى ...
نواف قام يشوف .... ايييه تذكرت خل اشوف غرفة وليد .... فتح الغرفه ثم ناداها ...
نواف : حمد ... مو هذا سريرك ؟!
حنان جت تشوف : هئئئئئئئئئ وش جابه غرفة وليد ...؟
نواف وش يحس فيه وليد .. يبيني افقع وجهه ذا و لا وش قصته ...
حنان : ليه وليد سوا كذا ؟
نواف : ما ادري .. ( ما رح اقوله عن هوشته مع فيصل ما ابيه يحس ان وليد فتاان )
حنان : يلااا بروح انام لا جا سألته ...
نواف مصدووووم : من جدك انت ؟ ... تناااام بغرفة وليد ؟
حنان : أي عادي وش فيها .. انا تعبان بالحيل و ودي انام ..
نواف بقهر : اوكيه اللي يريحك ... ( المشكله ما اقدر اعترض .. بس ليه احس اني غيران ... لا حووول بس ...)
حنان : أي صح لا جا وليد صحيني ...
نواف اصحيه ! هممم : ابشر ...
حنان تتثاوب : كااان يوم طويل ..
ثم دخلت الغرفه و سكرت الباب ...
نواف هذا وليد وش يفكر فيه ... معقول يبي يقهرني و بس و لا فيه شي ثاني ... اذا جا اتفاهم معه ...

خلصوا من غداهم ...
فيصل : يمممه غرفتي فاضيه ؟
ام فيصل : ايييه فااضيه ...
فيصل : اجل ابي انام هنا كم من ساعه يعني الى اذان العصر ...
ام حنان : ورى ما تروح بيتك .. والله خايفه على حنان و هي لحالها بالبيت ...
فيصل : يا خالتي ما في شي يخوف هذي عماره و مليانه ناس ... بعدين هي اللحين اكيد نايمه و لا صار شي و لا بغت شي رح تدق ...
ام فيصل : خالتك معها حق و لو لازم تروح بيتك ...
فيصل بترجي : يممممممممه والله اني تعبان ... ابي انام شوي ثم اروح ..
ام فيصل كسر خاطرها : خلاص يمه روووح ...
بعد ما راح .....
ام حنان : مهااا الوضع مو طبيعي تتوقعين متهاوشين ؟!
ام فيصل : ما صار لهم وقت من تزوجوا اشلون يتهاوشون ..
ام حنان : ما ادري بس احساسي يقولي ...
ام فيصل : لا توسوسين و انا اختك ان شاء الله مو بصاير شي ...
ام حنان : ان شاء الله ...

نرجع لوليد ... اعتذر من ماجد عن ولد عمه ثم ركبوا السياره و كانوا سوالف ...
وليد : انا لولا عمي ما كنت سمعت كلام صقر ...
ماجد : ايه ادري ماله داعي تبرر .. ماني زعلان اصلا ...
وليد بقهر : يا ليت ابوي كان عايش ...
ماجد : حرام لا تقول كذا لا تعترض على قضاء ربي ...
وليد : استغفر الله العظيم ..
ماجد : بعدين لا تشيل هم نروح دبي نشتغل و نتونس ...
وليد ابتسم : اهم شي نتونس ...
ماجد : هههههه لا تفهمني غلط ...
سكت وليد للحظه ثم .....
وليد تنهد : بصراحه عمي يخوف ...
ماجد : ايييييه و بتعلمني عنه ...
وليد : صح والله انك تعرفه و يمكن احسن مني ...
ماجد : لا مو لذي الدرجه .. اللهم ابوي مدير مكتبه لا اكثر ...
وليد : أي اكيد ابوك يحكي لك عنه ...
ماجد : يحكي بس مو كثير ...
وليد : انا لازم اسمع كلام عمي و لااا بروح فيهاا ..
ماجد : الله يعينك ...
وليد : هههه و يعنك معي...
بعد لحظه وليد تذكر .......
وليد : يوووووووه صح ..
ماجد : وش بلاك افزعتني ....
وليد ابتسم بخبث : حمد نقلت سريره لغرفتي ... و اتوقع ان نواف هو اللي رجعه البيت ...
ماجد مستغرب : وش السالفه ليه سويت كذا وش دخل نواف بالموضوع ؟
وليد : ههههههه صبرك علي بقولك كل شي ... يا ليت اللي في بالي يصير بس ...
ماجد : ما انكر دهائك يا وليد اكيد مخطط لشي ...
وليد : هههههههه شكرا شكرا على الاطراء ...

صار العصر .... اهل زوج منار جوها البيت ... المشكله محد من اهله يطيقها ... هذي المره جت الام بس ...
منار : هلا خالتي هلا فيك تو ما نور ...
ام معاذ تخلخلت عظامك : اكيد منور ... المهم وين معاذ انا جيت اشوفه هو مو انتي ...
منار حست بزعل : اللحين بيجي ..
قدمت لها القهوه و الحلا ...
منار : خالتي ليه ما جوا البنات و ابو معاذ ... معاذ قالي انكم كلكم جايين ...
ام معاذ : غيروا رايهم ما عاد ودهم يجون ..
منار بحزن : خيرها بغيرها ان شاء الله ...
وصل معاذ .. سلم على امه و قعد ...
ام معاذ بنذاله : يمه معاذ لقيت لك عرووووسه تنسيك همومك ما شاء الله مزيووونه و متررررربيه و الكل يمدح فيها ...
معاذ بفرح : جد يممممه !؟
منار هاذيل من جدهم و لا يمزحون ... و لا يختبروني و لا وش القصه ؟
ام معاذ : ايييه جد .. و اتفقت مع المره اني بحجز بنتها لك ...
معاذ مبسوووط ع الآخر و سافهين منار : اييي و اش اسمها ؟
ام معاذ : اسمها الريم ...
معاذ : ماا شاء الله اسمهاا يهبل يا يمه ...
ام معاذ تناظر منار و بخبث : اكيييييد يهبل دام انها من ذوقي ...
منار : خاااالتي انتوا من جد تتكلموا ؟
ام معاذ : وذي الامور فيها مزح ؟
منار محجره دموعها ناظرت معاذ : انت من جد ما تبيني ...؟!
معاذ : المفروض ما يحتاج اقولك اظن واضح ...
منار دموعها على خدها : بسسسس.......!
معاذ قاطعها : قومي انقلعي غرفتك ... انا و امي عندنا سوالف عائلية بنتكلم فيها ..
ام معاذ : أي يمه يلااا روحي ( فارقي ) ...
منار بقهر و زعل راحت لغرفتهاا كملت بكيها هناك ... و بعد ما راااحت ..
معاذ : الكلام اللي قلتيه صدق و لا بس عشان تقهرين منار ؟
ام معاذ : لااا طبعا صدق الصدق بعد ...
معاذ : طيب طيب متى بتخطبينها لي ...
ام معاذ : لا اصبر مو اللحين بعد كم من شهر او سنه ع الاكثر ..
معاذ : يممممه بقعد استنى كل ذا الوقت ...
ام معاذ : والله انت اللي جبتها لنفسك محد قالك تطلع مع الفلتانه ذيك ..
معاذ : خلااااص بصبر و امري لله ...

وصل هتان و مشاري لمقهى نت ...
هتان : استأجرت لنا انترنت لمدة ساعه ...
مشاري : اكوووس شي يلا خلنا نشوف ...
هتان : افتح على اخبار الدرفت و السباقات في السعوديه ...

مشاري : صعب نلاقي بس بدور ...
هتان شاف صفحه لفتته : وقف هناااا ... افتح هذا الفيديو ...
مشاري : ابشر ...
هتان و هو يشووفه : واااااااوو شف ذا والله احلى تخميسه ...
مشاري : ويييين اللي سويناها اليوم احسن من حقته ...
هتان : هذا من وين ؟ شف صاحب الفيديو من وين ؟
مشاري : لحظه اشوف المعلومات ... هذا من الرياض ..
هتان بحماس : يبي لنا ندزها للرياض يا ابو الشباب ..
مشاري : و الله قدام ..
هتان : خلاص يوم الاربعاء نروووح ... بس ......
مشاري : بس ايش ؟!
هتان : ودي اخذ وليد (حنان) معنا ...
مشاري ابتسم : والله فكره ...
هتان بخبث : وش رايك نخطفه ..؟
مشاري ابتسم بشر : والله احلى احلى احلى فكررره منها نأدبه و منها نخاويه ههههههههههه ..
هتان : ههههههههههههههه صح عليك .. ( يضرب كفه بكف مشاري )
قعدوا حول نص ساعه يتصفحون و يخططون ...

عند حنان صاكتها نووووومه و نومه مريحه بعد ... نواف قاعد بالصاله .. الشيطان يلعب بمخه ....
نواف اللحين انا و هو لحالنا بالبيت ... و هو نايم ... هو و لا هي ؟! .. شكي كل ما له يزيد ... خاصه بعد ما شفته يبكي اليوم ... شكلي ما بتوب ... ليش ما اروح غرفته و اتأكد بنفسي ... لا لا لا الشيطان لا يلعب بمخي والله ان سويت زي ذيك السالفه اللي ذاك اليوم انه ما يسامحني ... بس ......... اوووووف ما ابي افكر بالموضوع مسبب لي أزمة .. والله ان كان بنت مع الوقت نكتشف ... لييش مع الوقت ورى ما اروح اللحين و اتأكد بنفسي ....
راح بخطوات متردده لغرفة وليد ... يمشي خطوه و يوقف يفكر يلعب الشيطان براسه و يكمل ... الى ان وصل لباب الغرفه .... جا بيفتح الباب إلااااااا و وليد يوووصل البيت هو و ماجد كانوا داخلين و يضحكون ... نواف ارتبك ... صاااده وليد و هو واقف عند باب غرفته ....
وليد يناظر نواف : هههههههههههه شكلنا جينا بوقت غلط !
نواف مرتبك بعد بسرعه عن الباب : و و وش تقول !؟ .. عن السماجه ..
وليد بخبث : والله ما ادري من السامج فينا !
نواف : وش قصدك ؟
وليد : هههههههههه ما اقصد شي .. ليش طيب كنت واقف عند باب غرفتي ؟
نواف توتر : م ما كنت .. اقصد حـ حمد قالي اذا جيت انت اصحيه ...
وليد : هههههههههههههههههههه وش دراك اني جيت انت كنت واقف ع الباب قبل لا نجي ...
ماجد كاتم الضحكه : ما شاء الله الظاهر عنده الحاسه السادسه ...
نواف : كااااااااكاكا ما تضحك مرررره سخيف ... لو تسكت احسن ...
وليد : ههههههههه بنص الجبه يا مجووود ...
ماجد : ههه لا عادي يمووون نواف ...
نواف : اقول انت واياه اهجدوا ... بعدين ليش كنتوا تضحكون اول ما دخلتوا ؟
وليد & ماجد : هههههههههههههههههههههههههههههههههه ...
نواف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وليد : كنا نتكلم عنك ...
نواف : عني ؟! وش حشيتوا فيه يا الملاعين ؟
ماجد : ههههههههههههههه انك ....
وليد قاطعه : بلااااااااش لا تقوله ....
نواف : والله ما غير تقول ... ( و ينقز جنب ماجد و يحط ذراعه ع رقبته ) ... تكفى قوووول و انا صديقك ...
وليد يناظره : لاااااا تتكلم و لاااااااا ....
نواف : انت و لا كلمه ... انا متأكد ان هذي ألاعيبك ... كل اللي صار لحمد من تحت راسك ...
وليد : هههههههههههه وش جاب حمد بالموضوع ... و بعدين وش صار له ؟
نواف ارتبك كيف اصرفه ذا : يااخي بس اقول ... اظنك تعرف اش صار له ..
وليد عرف انه ارتبك : معليش انا ما اعرف شي ... صحيييييح مو انت كنت بتصحيه ... يلا رح صحيه هذاني جيت ...
نواف : رح انت صحه انا مالي شغل ...
وليد : قعد ع الكنبه و حط رجل على رجل ... هو ما قالي انا قالك انت ...
نواف : مع نفسك حبيبي .... صححححح انت ليه نقلت سريره لغرفتك .. ما انت طردت فيصل ... يعني ما يحتاج تخليه ينام جنبك ...
وليد : لييييييييييه تغاااار .. هههههههههههه ...
نواف يتصنع العصبيه : لا اجي لك اللحين ما برحمك ...
ماجد : خلااااص انتوا و اياه عن المبزره ...
نواف & وليد : احنااا بزرااااااان !!
وليد : نقوم عليه ؟
نواف : يلا نعلمه من البزران ...
طبوا على ماجد على انهم بيضربونه طبعااا مزح .....
بعد ما هدوا شوي ....
نواف بتردد : لا لازم اصحي حمد هو قالي ...
وليد كاتم الضحكه : رح محد مسكك اصلا من الاول قلت لك رح بس ما سمعتني ...
نواف انا داري انه قاعد يتمسخر علي بس عشان حمد بمشيها : طيب بروح اللحين ...
بعد ما راح ......
ماجد : هههه خطييييير نواف ....
وليد : هههههههه و يونس بعد ...
ماجد : بس خف علييييييه شوي ....
وليد : ايييييييه طيب ...

انتــــــــــهى البـــــــــــارت